KOMPYUTER AKADEMIYASI

Talabalarga tajribali talabadan tavsiyalar!
#tavsiya

🎓 2015-yil Toshkentdagi Irrigatsiyaga grant asosida oʻqishga kirganman va 2021-yil magistraturani ham grant asosida oʻqib tugatgandim. 6 yil talaba boʻlish baxtiga erishgan talabalardan biri sifatida oʻzimni tajriba va xulosalarimdan hozirda talaba boʻlib yurgan akademiklarga ulashmoqchi edim.

• "Ishga kimdir olib kirib qoʻyadi" deb bemalol boʻlmang, hozir zamon juda tez oʻzgaryapti, sizga ish beraman degan odam siz oʻqishni bitirgunizcha oʻzi ishsiz qolishi mumkin.

• Baho uchun oʻqimang! Ishga kirishda yoki hayotda oʻz oʻrniningizni topishingizda diplomingizni rangi qizil yoki tillarang ekanligini ahamiyati yoʻq.

• Faqat oʻqish bilan cheklanib qolmang. Oʻqishdan tashqari oʻqiyotgan sohangizga oid ishda tekinga boʻlsa ham ishlang, tajriba olasiz. Yoki IT va shunga oʻxshash sohada qoʻshimcha biror hunarni egallang, zarar qilmaydi.

• Biror xorijiy tilni oʻrganing. Uyingizdan farqli ravishda oʻqish joyingiz shahar markazida boʻladi. Shaharlarda esa oʻquv markazlari yetarlicha. Hech boʻlmaganda ingliz tilini oʻrganib qoʻyavering, qachondir albatta foydasi tegadi.

• Talaba boʻldim deb koʻnglingizga kelgan narsalarni qilib, turli rasvo ishlarga aralashib qolmang. Qilayotgan ishingizni yaxshi yoki yomonligini osonlik bilan aniqlashni imkoni bor: "Qilayotgan ishim haqida ota-onamga bemalol, maqtanib aytib berolamanmi?" deb oʻzizga savol bering.

• Hech boʻlmasa talabalik paytida kompyuterni oʻrganib qoʻying. Bu yogʻiga endi hamma narsa kompyuter orqali boʻladi. Katta tashkilotlarda ishlovchilar ham hozirda Excel'ni bilishmasligi uyat deb oʻylayman. Oʻzim ham oʻqishga kirgandan keyin kompyuterni oʻrganishni boshlagandim, hali ham oʻrganyapman ).

• 4 yil ichida qandaydir ijobiy oʻzgarishga erishing. Oʻqishga ketgan paytingiz ota-onangiz hammaga "Oʻgʻlim yoki qizim oʻqishga kirdi. 4-5 yildan keyin zoʻr boʻlib qaytadi" deb maqtanishadi. Siz esa oʻqishdan qoʻlizda karton qogʻozi bilan, miya esa eski holatda kelishdan uyaling. Hech boʻlmasa oilangiz uchun ijobiy oʻzgarishga harakat qiling!

• Sizni chalgʻituvchi har qanday narsa va insonlardan keching! Instagram katta ehtimol bilan faqat bekorchilik uchun kerak (agar tirikchilik shundan boʻlsa tushunsa boʻladi), bekorchi doʻstlar ham kerak emas, ular sizni oldinga emas orqaga ketishingizga "ko'maklashadi".

• Talabalik paytida xato qilish, oʻrganish mumkin. Ertaga ishga kirganda xato qilishingiz "o'z xohishingiz bilan ariza" yozishingiz bilan tugashi mumkin. Shunday ekan talabalik davridan maksimal foydalaning.

• Kunduzgi, kechki yoki sirtqi oʻqishingizdan qatʼiy nazar yuqoridagi tavsiyalarga amal qiling!

Bunday tavsiyalarni minglab yozishim mumkin, lekin dono insonga 2 ta gap ham yetarli boʻladi. Avvalo bir oʻtirib oʻzingiz bilan gaplashib oling: Nega dunyoga keldingiz? Nima missiyangiz bor? Oʻqishga kirib, kelajakda qaysi kasb egasi boʻlmoqchisiz? Yana qanday qoʻshimcha kasblar (aytaylik IT'dan) ni egallasangiz boʻladi? va h.k

🚪 Agar mendan qandaydir maslahat kerak boʻlsa eshigim doimo ochiq: @wmteam95

👉 Tajribalarimni ulashadigan kanalim: @Maxmudovning_tajribasi

@ka_rasmiy

Excel dasturini o'rganib, ko'proq funksiyalarni o'rganishni maqsad qilganlar uchun ancha oldin chiqarilgan bepul kursimizni tavsiya qilmoqchiman:
👉 "Excel - formula ustasi" bepul kursi

Agar kompyuterni to'liq o'rganishni niyat qilgan bo'lsangiz Kompyuter Savodxonligi kursimizni o'qishingizni tavsiya qilaman.

@ka_rasmiy

PDF -> Word -> PDF 🤪
#tavsiya / #pdf

ℹ️ Ichimizda PDF hujjatlarni Word'ga o'tkazib, u bu joyini tahrirlab keyin yana pdf qilish zarurati bo'ladigan obunachilarimiz bormi? Bu aytayotganim ko'pincha biror tashkilotga boshqa joylardan turli hujjatlar pdf holatida keladi va qabul qilib olgan tashkilot kelgan pdf'ni bir nechta joylariga kichik o'zgartirishlar kiritishi va yana saqlab pdf holatida boshqa joyga jo'natishi kerak bo'ladi. Bunday holatda ko'pchilik kelgan pdf'ni word'ga o'tkazib, word'ni tahrirlab, keyin yana pdf qilishar ekan (bu narsaga o'zim 2 marta guvoh bo'ldim). Bu muammoni oson yechimi bor-ku?

✅ Yechim:
Muammoning ildizi shu hujjatlar bilan ishlaydigan insonni pdf hujjatlarni tahrirlash bo'yicha tayyor sayt va dasturlardan foydalanishni bilmasligdir. Bu bo'yicha kanalda videosini ancha oldin e'lon ham qilgan edik. Demak vaqt va asablarni saqlab qolish uchun ozgina miyani ishlatamiz (qo'rqmang, miyani ishlatsa bo'yin og'rib qolmaydi).

1. Avvalo sizga kelgan pdf hujjat sifatli (tekis) bo'lishi kerak, agar unday bo'lmasa hammani vaqtini uvol qilmaslik uchun pdf tayyorlovchilarga pdf skaner dasturlar borligini ayting va tekis hujjat jo'natishini talab qiling.
2. Bizga kelgan pdf hujjatni Acrobat yoki shunga o'xshash pdf tahrirlovchi sayt yoki dastur bilan ochamiz va kerakli joylarini o'zgartirib yana pdf holatida saqlaymiz.
3. O'zgartirilgan tayyor pdf ni endi istalgan joyga jo'antishingiz mumkin. Ortib qolgan vaqtimizga toza havoga chiqib biroz kislorod olib qaytamiz.

Uzoq vaqt yoki kuchingizni oladigan ishlarga nisbatan dangasa bo'ling va osonroq yechimini izlang. Biz 21-asrda yashayapmiz, o'rganib qolgan eski usullarimizni biroz yangilik bo'lsa ham samaralisiga almashtiraylik.

Yuqorida aytganlarimni uncha tushunmagan bo'lsangiz yoki to'liqroq o'rganmoqchi bo'lsangiz izohga sizga keladigan birorta pdf faylni va uni qaysi joylarini tahrirlash kerakligi haqida yozib qoldiring. Shu pdf misolida videodars tayyorlashga harakat qilamiz, unutmang siz tashlagan pdf hujjat hammaga ko'rsatiladi!

@ka_rasmiy

Toʻgʻri javob: 042

Sababini mana bu videoda tushuntirilgan. Video rus tilida.

@ka_rasmiy