Just notes

20-25 yoshlilarga biroz aql o‘rgatgim keldi. Yoshlar hamma narsaga qiziqavermang! Bu zararingizga ishlashi mumkin. Buni xulosa, tahlil yoki shaxsiy fikr sifatida qabul qiling.

Yoshligimdan futbol sharhlovchiligiga qiziqqanman. O‘sha paytlarda kasb egalariga taqlid qilib, televizorni ovozini pastlatib, 3-4 daqiqa sharhlashga harakat qilardim. Juda ko‘p o‘yinlarni tomosha qilishga harakat qilardim, gazetalarga obuna bo‘lgandim

Keyinchalik muhit ta’sir qilib (samarqandlikman) gid-tarjimon bo‘lishga bel bog‘ladim. Ingliz tilini yaxshi o‘rganib, inyazga kirdim, o‘qish davomida ko‘p delegatsiyalarni olib yurdim. Juda katta qiziqish uyg‘otdi bu soha ham. Madaniyatni o‘rganasiz, odamlarni o‘rgandim universitetni bitirib, tarjimonlikda ish topishim qiyin bo‘ldi va dars berdim. Dars davomida o‘qituvchilik yoqib qoldi, maza qilib dars berdim. Bolalarni ruhlantirishga harakat qilardim. Birov meni deb dunyoqarashi o‘zgarganini sezsam, xursand bo‘ldim.

Shu bilan birga o‘sha paytda futbolga bo‘lgan qiziqish yana ishini ko‘rsatdi. Hech qaysi saytdan ish topolmay o‘zim sayt ochdim. Maza qilib yozdim, shogirdlar chiqardim. Boshqa saytlardan ham ish topdim. O‘qituvchilikdan bo‘sh vaqtda sport jurnalistikasi bn shug‘ullandim

Har xil sabablar bilan chet elga ketdim. Dubayda bir yil ishladim va o‘qituvchilikdan uzoqlashdim. Koreyaga ketishda ta’limni rivojlantirgim keldi va Xalqaro ta’lim yo‘nalishida magistratura qildim. Hozir ham qiynaydi uning muammolari. 2-3 ta bu haqda tanqidiy maqolalar yozdim.

O‘qishim davomida YouTubega qiziqdim. Kanal ochdim. Odamlarni kitobga o‘qitishga, bilim olishga undash uchun 3 ta kanalni ham shu mavzuga yo‘naltirdim. Uchalasi ham o‘ylaganimdanda yaxshiroq ko‘tarildi. 6 yil yurib O‘zbekistonga qaytdim.

Kelib birinchi ta’limda ishni davom ettirishni niyat qildim. Ammo bu sohada ko‘p ishlab keta olmaslikdan qo‘rqdim. Sababi 2 yilda 3 ta joyda ishlaganman. (2 ta maktab, kn litsey). Shu bilan internet saytda sport jurnalistikasi bilan shug‘ullanishni boshladim.

Ammo hali 2-3 ta intervyu, maqolalar yozib sportdan tanqidiy maqolalar yozishga, ijtimoiy mavzularda ham yozishga qiziqdim. Bu borada ham yaxshi narsalar yozishga harakat qildim. Qanchalik o‘xshagan yoki yo‘qligini hozircha bilmayman

To‘xtab qolmay deb doktoranturaga kirdim, tarjimonlikka yaqin sohada ilmiy ish qilyapman. Bu ham yoshlikdagi qiziqishlarim sabab. Xullas, hozir oqibatda shunaqa xaos yuzaga kelgandek. Bir vaqtda hamma narsani biladigandekman, bir vaqtda hech narsadan xabarim yo‘qdek

YouTube kanallar pauzada, shaxsiy telegram kanalim ham to‘xtadi. Instagramda 2 ta sahifa yotibdi. Sport jurnalistikasi ham qoldi qayerdadir. Dissertatsiyaga qo‘l borgani yo‘q.

Endi maslahatim. Yoshligingizdan o‘zingizni kelajakda tasavvur qiling. 5 yildan keyin nimalarni o‘rgangan bo‘lasiz, qayerda ishlaysiz, kim bo‘lib ishlaysiz. Bitta sohada AS bo‘ling. Sizga yetadigani bo‘lmasin. Buning uchun shu sohani sevishingiz kerak. Bitta mutaxassislik bitta hobbi — tamom

Yoshlikdan harakat qiling, mehnat qiling, o‘rganishdan charchamang. Birov gapirganda tanqid emas, yordam deb qabul qiling. Kimdir yaxshiroq pul beradigan soha haqida gapirsa ham, chalg‘imang. Biling, eng yaxshilaridan biri bo‘lsangiz va sohani sevsangiz, ish va pul o‘zi keladi

Hozir men na zo‘r o‘qituvchi, na zo‘r jurnalist, na yaxshi blogerman. Tarjimonlikda ham do‘ndirgan joyim yo‘q. Siz ham shu ahvolga tushib qolmang