Сөз

Сөзлер мына тозған әлемнен уллы!
Сөзлер өзин жазған қәлемнен уллы!
Сөздиң қуны аўыр, сезиналсаң, дәрт,
Сондай бир сыйлы дәрт, мың емнен уллы.

Түсинсең "Сөз пайда болған әўеле",
Ҳәмде сол сөзлер бизлерге жаў еле...
"Қәлемлер үзилген, сыялар кепкен",
Жазмыштан озбайсаң болма әўере!

Жалғанларға бир өмир тоңды жаның..,
Ҳақ сөз айтып төгилсин соңғы қаның!!!
Сен де жалған дүньяға жалған қоспа!
(Тилден екен тоғызы он гүнәның)

Сөзлер мени я қыс, я жаз қылады,
Еки әлем сөз бенен қозғалады.
Мен сөзлердиң алдында баратырман,
Қалса мениң артымда сөз қалады.

Исмайылов Абдирашид
Жазылған сәне:19.VIII.2023

Сүўретте шептен оңға Базарбай Жолдасбаев, Мейрамбек Абдиқалиев, мен ҳәм Атағулла Сатбаевлар.

@Poeziya_Abdirashit

https://t.me/QRjas_doretiwshiler