My World || Personal Blog

Frontend oson, backend qiyinmi? Aslida qanday?

Ko‘pchilik veb dasturlashni endi boshlagan o‘quvchilar frontend va backend o‘rtasidagi farqni tushunib yetmagan holda “Backend qiyin ekan, frontendni o‘rganaman” yoki “Frontendni tugatdim, backendni o‘qimayman” deb qaror qilishadi. Lekin bu qaror to‘g‘rimi? Keling, bu masalaga oydinlik kiritib o'tishga harakat qilaman.


⚠️ Frontend osonroqmi?
Ha, dasturlashni endi boshlagan odam uchun frontend ko‘rinadigan natija berishi sababli, dastlab qiziq va oson tuyilishi mumkin. HTML, CSS va JavaScript orqali sahifalarni chiroyli qilish, tugmalarni bosish bilan o‘zgarishlarni ko‘rish boshlang‘ich bosqichda juda qiziqarli bo‘ladi.

Ammo haqiqiy frontend faqat UI (foydalanuvchi interfeysi) yaratishdan iborat emas. React, Vue, Angular kabi murakkab kutubxonalar va state management (Redux, Pinia, Vuex), optimization, SSR/CSR, security, responsive design, cross-browser muammolar, Web Performance Optimization kabi tushunchalar kirib kelganda, frontend ham juda chuqur bilim va tajribani talab qilishini tushunib yetasiz.

Frontend dasturchi shunchaki HTML va CSS yozadigan odam emas, u real muammolarni hal qiluvchi mutaxassis bo‘lishi kerak.


⚠️ Backend qiyinmi?
Ko‘pchilik backendni qiyin deb o‘ylashining asosiy sababi – u ko‘rinmaydi. Chunki backend – foydalanuvchi ekranida emas, server tomonida ishlaydi. Biroq, agar siz dasturlashni o‘rganishni to‘g‘ri yo‘ldan boshlasangiz, backend ham frontend kabi o‘z qoidalariga ega bo‘lgan bir tizim ekanini tushunasiz.

Backendda ma’lumotlar bazasi bilan ishlash (MySQL, PostgreSQL, MongoDB), server so‘rovlarini boshqarish (API, REST, GraphQL), autentifikatsiya (OAuth, JWT), xavfsizlik, optimizatsiya kabi tushunchalar mavjud. Bu dasturlashning muhim jihatlaridan biri bo‘lib, aynan backend dasturchilar loyihalarning asosiy “dvigateli” hisoblanadi.

Backendni qiyin deb baholash – bu uni yaxshi tushunmagan odamlarning fikri. Aslida backendni ham to‘g‘ri tushunib, tizimli o‘rgansa bo‘ladigan soha.


🔘 Frontend va Backend – bir butun ekotizim
Professional dasturchilar frontend va backendni raqobatchi sifatida emas, bir-birini to‘ldiruvchi soha sifatida ko‘rishadi. Qandaydir murakkab ilovalar yaratishda frontend backendga bog‘liq, backend esa frontendga xizmat qiladi. Agar faqat frontendni o‘rganib backendni tushunmasangiz, interfeysda ko‘plab cheklovlarga duch kelasiz. Aksincha, faqat backendni o‘rganib frontendni tushunmasangiz, foydalanuvchi tajribasini yaxshi his qila olmaysiz.

Shuning uchun ham ko‘plab dasturchilar Full Stack Developer bo‘lishga intilishadi – ya’ni, frontend va backendni tushunadigan dasturchilar.

Shuning uchun ham kursimda ham frontend ham backend o'tiladi. Kursimni reklama qilib qoldim 😁


❕Xulosa
Agar siz faqat “oson” deb frontendni tanlasangiz, bir muddatdan keyin rivojlanish uchun backend bilimlari ham kerak bo‘lishini tushunasiz. Shuning uchun, to‘g‘ri yo‘nalish shuki – frontend va backendni tanlashda qiyinchilik darajasi bo‘yicha emas, qaysi soha sizga ko‘proq yoqishini hisobga olib qaror qilish kerak.

Dasturlashni to‘liq tushunishni xohlasangiz, backendni ham frontend kabi o‘rganishga harakat qiling. O‘z ustingizda ishlang, har ikki yo‘nalishni tushuning va haqiqiy dasturchiga aylaning! 🚀

#frontend #backend #fullstack

💻 @jonibek_turapov

Qisqa qiling!

“Quyosh qiroli” tahallusi bilan mashxur bo’lgan Louis XIV, atrofidagilarni uzoq tinglashni va ularni savollariga javob berishga kelganda qisqa qilib “I shall see” ya’ni “o’ylab ko’raman” deyishni odat qilgan.

Bu lo’nda javob sirli va o’ziga yarasha hukmronlik ramzini anglatgan.

Ikkita quloq, ikkita ko’z, ikkita qo’l, lekin bitta og’iz.

Qancha bu haqida ko’p tafakkur qilsangiz shuncha eshitishni, shuncha kuzatishni, shuncha berishni va kamroq gapirishni boshlar ekansiz.

#xulosalar

@shahadolimov

SAT is super overrated.

It’s just a simple test for high school students, nothing crazy. It may be easier than IELTS, in fact, considering the human factor in Speaking and Writing.

Nobody got a 100% result in IELTS, think about it.