G'oya tug'ilganda uni darhol yozib qo'yish kerak.
Chunki 1 yildan keyin uni izlab ham topa olmasligingiz mumkin.
Hozirgi vaqtinchalik ish joyim Multi Servis kompyuter xizmatlari markazi.
Maktab yonida joylashgan.
Yon atrofimizda maktab, musiqa maktabi, bog'cha, shahar xalq ta'lim bo'limi (GorOno) joylashgan.
Xuddi bizdek, shu hududda yana 3-4 ta kompyuter xizmatlari markazi bo'lib, talab ham shunga yarasha, ya'ni o'quvchi, o'qituvchilar doim bunday xizmat iste'molchilari bo'ladi.
O'ylanib qoldim, chunki men yashaydigan joyda ham maktab bor, lekin kompyuter xizmatlari markazi yo'q.
Shu yaqin orada, kompyuter xizmatlari markazi ochilsa o'quvchilar va o'qituvchilarga foydagi tegadi deb o'ylayman.
Balki, kelgusi 5 yillikda bu rejam ham amalga oshib qolar.
Shunchaki, esimdan chiqib qolmasin deb shu yerga yozib qo'yyapman.
5 yildan keyin shu postni o'qib, muhokama qilamiz 😉
03.12.2020
10:20
👨🏻💻
@JOrifjonov
