🍃«Жалолиддин Румий»🍃

Уч нарса уч нарса биландир
📚
Агар муаллим уч нарсани ўзида жамласа, ўқувчида нe’мат мукаммал бўлибди: Сабр, тавозe’ ва гўзал хулқ.
Агар ўқувчи уч нарсани ўзида жамласа, муаллимда нe’мат мукаммал бўлибди: Ақл, одоб ва гўзал фаҳм.

@Jaloliddinrumiyy🍃

Муаммо кимники⁉️

Сичқон уйда юрар экан бир четга қопқон қўйилганини кўрди.

Бир-икки кундан кейин ҳўрознинг олдига бориб: «Эй хўроз, кел шу қопқонни олиб қўямиз. У ҳаммамизга халақит беряпти», деди. Хўроз унга жавобан «Бу менинг муаммоим эмас. Кимнинг муаммоси бўлса, ўша ҳал қилсин», деди.

Сичқон: «Майли», деди-да, қўйнинг олдига бориб, унга «Эй қўй, кел шу қопқонни олиб қўямиз. Бу ҳаммамиз учун хатарли», деб таклиф қилди. Қўй ҳам хўроз сингари «Бунинг менга алоқаси йўқ экан. Муаммо кимники бўлса ўша ҳал қилиш керак», деди.

Сичқон энди молнинг олдига борди: «Эй мол, шу қопқонни олиб қўяйлик. Бу ҳаммамизга халақит бераяпти». Мол: «Бу менинг муаммоим эмас», деди…

Кунларнинг бирида қопқонга илон тушиб қолди. Чиқишга ҳаракат қилиб, уёқ-буёққа талпиниб, шу ерда юрган уй эгасининг аёлини чақиб олди.

Хўжайин аёлини касалхонага олиб борди. Енгил муолажадан кейин дўхтир ҳўжайинга «Биз қўлимиздан келганини қилдик. Энди уйга олиб бориб, яхши овқатлардан қилиб беринг. Товуқ шўрва бўлса янада яхши бўларди», деди.

Хўжайин уйга келибоқ катакдаги хўрозни сўйиб, шўрва қилди…

Эл-улус: «Фалончининг аёли бетоб эмиш, бориб йўқламасак бўлмас», деб бирин-кетин зиёратга кела бошлади. Хўжайин ўйланиб, «Қардош, қариндош, дўстлар – бари келяпти. Энди бир эҳсон қилай», деди-да, қўрадаги қўйни сўйишга жазм қилди…

Орадан кўп ўтмай аёлнинг касали оғирлашиб, вафот этди. Хўжайин маъракаларни ўтқизиш учун молни ҳам сўйиб юборди…

…Масалнинг қизиқ жойи шундаки, «Бу менинг муаммоим эмас», деганларнинг биронтаси омон қолмади. «Муаммо меники», деб жон кyйдирган сичқон эса ҳамон тирик…

@Jaloliddinrumiyy🕊

💐Бир кишининг беш қизи бўлиб, бешала қизини ҳам турмушга бериб, барча ғамлардан қутилиб, ўзи учун қаср уй қура бошлабди.

Усталардан бири ҳайрон бўлиб "Ўғли бўлмаса бу иморатни кимга кераги бор" деб ўйлаб қизиқиб уй эгасига савол берибди:

- Ҳожи ака, қизларингизни узатибсиз, энди бу уйни кимга соляпсиз?
Ўзингиздан кейин бирор қизингизга қолдирасизми? Сиздан кейин бу уй ғалвали бўлиб қолмасмикин?!

Ҳожи ака кулиб жавоб берибти:
- Бу уй ўзим учун, қизларимга бундан ҳам кўпроғини қолдирдим. Аллоҳ буюрса уларни сандиғи ҳеч бўш қолмайди. Уларнинг бойлиги менинг бойлигимдан ҳам зиёдароқ. Нима қолдирганимни ҳам билишни хоҳлайсизми, уста? Унда эшитинг. Уларнинг ҳаммасига ёшлигидан "Воқеа" сурасини ёд олдириб қўйганман. Бундан ортиқ бойлик бўлмаса керак.
Ҳар бир хонадоннинг қизи ҳар куни бир марта "Воқеа" сурасини ўқиб турса, Аллоҳнинг ваъдаси бор - шу хонадон ҳеч қачон ёмонлик кўрмайди. Бойлигимнинг асосчилари ҳам шу қизларим. Уларнинг илмлари ортидан Аллоҳ шу кунларни кўришни менга насиб қилди. Сизга ҳам шуни тавсия қиламан. Қизингиз бўлса "Воқеа" сурасини ёд олдириб қўйинг!

@Jaloliddinrumiyy🕊

УМРНИ УЗАЙТИРАДИГАН АМАЛ

Бир куни бир йигит ва қиз Сулаймон алайҳиссаломнинг олдиларига келиб никоҳларини ўқишни сўрадилар.
Сулаймон алайҳиссалом ҳам уларнинг никоҳларини ўқидилар.
Улар ҳам севинч ичида қайтдилар. Улар кетгач ортларидан Азроил алайҳиссалом келдилар ва:
- Эй Аллоҳнинг Набийси! Сен бу икки ёшнинг севинчлари узоқ давом этади, деб ўйлама. Зотан, Аллоҳ бу йигитнинг жонини беш кундан сўнг олишимни буюрди.
Ҳазрати Сулаймон алайҳиссалом ўша йигитни кузата бошладилар. Аммо йигит беш ой ўтса ҳам яшашда давом этар эди. Ниҳоят, Сулаймон алайҳиссалом бунинг сабабини Азроил алайҳиссаломдан сўрадилар. Азроил алайҳиссалом шундай жавоб бердилар:
- Ўша йигит сенинг олдингдан чиққач, бир йўқсилга садақа қилди. Йўқсил ҳам: «Умринг узун бўлсин», деб дуо қилди. Аллоҳ ҳам йўқсилнинг холис дуосини қабул қилди ва йигитнинг умрини узайтирди.

«Оилам билан ҳар куни бир ҳаёт дарси ўрганамиз» китобидан.
235 - бет.

@Jaloliddinrumiyy🕊