Bollar ancha qiziquvchan, bir kun ichida deyarli barcha sinfda mashxur bo'lib ketibman, yangi tarix ustoz kelibdi deb chiqishibdi. Maktabda bizga ham dars o'ting deb oldimga bir to'da bolalar yig'ilishib olyapdi.

Hozirda 5, 6, 7, 9 sinflarga 9 soat dars o'tdim. Darsda o'quvchini darsga qiziqtirish kerak, bu uchun esa konspekt yoki o'qib berish bilan qilib bo'lmaydi.

Har kirganimda bollar menga darslik uzatyapdi. Meni kitobsiz o'tayotganimni ko'rib qanday eslab qolgansiz deb ham savollar ko'paydi.

Kechikkan bolalarga qo'limni uzatsam seskanib tushyapdi, meni uradi deb o'ylashyapdi shekili. Maktabda o'quvchilarni deyarli ayblamayman, hamma ayb o'qituvchida. Dars metodikasini deyarli bilmaydi.