Қурбонлик кунлари яқинлашмоқда

Нега қурбонлик қилади инсонлар, биласизми?

فصل لربك وانحر

Намозларингизни Аллоҳ учун ўқиб, жонлиқларингизни Аллохнинг номи ила ихлос билан сўйинг, деб буюрилдилар.

Намоз ва қурбонлик сўйишни бир хил улуғ ибодат манзилига кўтарди.

Демак Аллохга яқинлик кунлари келмоқда

Жоҳилият замонида одамлар бут санамлари пойида уларга атаб қурбонликлар қилиб,уларни қонидан бутларини устига суриб гўштларидан бир қисмини ўша бутлар олдида қолдирардилар

Аллоҳ азза ва жалла оятда:

Қурбонликларингизни гўшти ҳам,
қони ҳам Аллоҳга етиб бормайди,
Аллоҳга тақвоингиз ихлосингиз етиб боради,деди

Сўйиш вақтида У Зотни улуғлаб,
Унинг розилигини кўзлаб,
У Зот Раззоқ боқувчи эканлигига ва жамики сиздаги неьматларнинг эгаси эканлигига шукрона ўлароқ қурбонлик қилаётганингизни билган ҳолда,

энг чиройли,кўркам бўлган,
айбу-нуқсонсиз жонлиқни сўйинг

Сиз Аллоҳникисиз,мулкингизни бари Аллоҳники

Шунинг учун энг азиз нарсангизни У Зот учун бағишлаб қурбонлик қилинг

Қиммат қўй сўйишдан қизғониш сизга ор бўлсин

Сўйган жонлиқдан энг аввало ўзингиз ва ахлингиз ейиши суннат бўлади

Бечора фақир муҳтожларга ҳам қурбонликдан едириб ажрлар жамлаб олинг

Ўзингиз яхши еридан еб, Аллоҳ учун суякли ерларидан тарқатиб хурсанд бўлманг!

Отангиз Одамни икки ўғли қурбонлик қилганини эсланг.

Хобил ўзидаги энг яхши нарсани қурбонлик қилди
-Аллоҳ эҳсонини қабул қилди

Қобил эса энг арзимас нарсаларини қурбонликка ажратди

Аллоҳ уни қурбонликларини ўзига қолдирди,
ўзини хам дунё охиратда хорликда қилди

Қурбонликни хурсанд бўлиб,
сизни боқиб авайлаб турган ёлғиз Раззоқингиз учун сўйинг

Қурбонликни, одамлар кўриб қўйсин,фалончи катта-катта қўйлар сўяди, деб овоза бўлиш учун сўйманг

Сиздан Аллоҳ Иброҳим пайғамбардай,болангизни сўйишни талаб қилмади!
Ўзингиз ейдиган бир дона қўй талаб қилинди

Эй Роббим оч едим тўйдирдинг,яланғоч эдим кийдирдинг,фақир эдим мол дунё бердинг,заиф эдим жисмимга қувват,кўзимга нур қалбимга имон бердинг!

Жамики нарсамни Сенга қурбон қилишга тайёрман,жоним ҳам молим ҳам сенга қурбон деб сўйинг