Bepul chipta kimlarga beriladi?

🖋 "O‘zgalar parvarishiga muhtoj bo‘lgan yolg‘iz yashovchi hamda nogironligi bo‘lgan shaxslarining temir yo‘l transportida yoki shaharlararo avtobusda bepul foydalanishi uchun qo‘shimcha chora-tadbirlari to‘g‘risida"gi 733-sonli qaror qabul qilindi.

🎅 Qaror bilan, o‘zgalar parvarishiga muhtoj yolg‘iz yashovchi, yolg‘iz keksalar va nogironligi bo‘lgan shaxslar uchun temir yo‘l transporti yoki shaharlararo avtobusda bir yil ichida borish va qaytish uchun bepul chipta olish imkoniyati yaratilmoqda.

👍 Bunday shaxslarni kuzatib boruvchi bir nafar hamroh fuqaroga ham borish va qaytish uchun bepul chipta beriladi.

Bepul chiptani rasmiylashtirishda va transport vositasidan foydalanishda shaxsni tasdiqlovchi, amal qilish muddati o‘tmagan hujjat taqdim etilishi shart.

🧠 Bunda, Ijtimoiy himoya milliy agentligi tomonidan tegishli idoralarga o‘zgalar parvarishiga muhtoj yolg‘iz yashovchi, yolg‘iz keksalar va nogironligi bo‘lgan shaxslar va ularni kuzatuvchilar to‘g‘risida ma’lumotlar taqdim etiladi.

☺️ "Yagona milliy ijtimoiy himoya" axborot tizimidagi mazkur shaxslar reyestri esa hududiy "Inson" ijtimoiy xizmatlar markazlari tomonidan yuritiladi.

📝 Telegram | 💻 Instagram
📝 Facebook | 🎞 Youtube