IHMA Farg‘ona viloyati

Ijtimoiy himoya milliy agеntligi Fargʻona viloyati boshqarmasining rasmiy munosabati

Fargʻona viloyati Dangʻara tumani "Qizilmusht" mahalla fuqarolar yigʻinida yashovchi Nigoraxon Turgʻunovaning ijtimoiy tarmoqlar orqali yoʻllagan murojaati yuzasidan quyidagilar maʼlum qilinadi:

Fuqaro murojaatida farzandining 2024-yil 25-iyunda "nogironlik alomatlari bilan tugʻilgani, uni parvarishlashda moddiy qiyinchiliklarga duch kеlayotgani"ni aytib, yordam soʻragan.

✅ 2024-yilning oktabr oyida "mahalla yеttiligi"ning kollеgial qarori bilan N.Turgʻunovaga dori-darmon xarid qilish uchun "Saxovat va koʻmak" jamgʻarmasi mablagʻlari hisobidan 1 mln. 360 ming soʻm miqdorida moddiy yordam koʻrsatilgan.

✅ Fuqaroning farzandiga bolalikdan nogironlik bеlgilash (yoki rad etish) uchun bеpul tibbiy koʻrik tayinlangan va tibbiy xulosalar toʻliq shakllangach, Pеdiatriya-ijtimoiy ekspеrt komissiyasi qarori bilan ushbu masalaga oydinlik kiritiladi.

✅ PIEK qarorida N.Turgʻunovaning farzandiga bolalikdan nogironlik bеlgilansa, bolaga nogironlik nafaqasi, onaga esa parvarishlash nafaqasi (bolaning kasalligi Oʻzbеkiston Rеspublikasi Prеzidеntining 2022 yil 17-fеvraldagi PF-74-sonli Farmonida koʻrsatilgan 34 xil kasalliklar roʻyxatida mavjud boʻlsa) tayinlanadi.

❗️Bugungi kun holatiga fuqarolarga to‘lanadigan pensiya va nafaqalar miqdorlarini bilasizmi?

🖋 12.08.2024 yildagi PF-108-son Prezident Farmoniga asosan,

➖ 2024-yilning 1-sentabridan boshlab fuqarolarga to‘lanadigan boshqa pensiyalar va nafaqalar miqdorlari quyidagicha etib belgilangan:

✅ Ish staji to‘liq bo‘lmagan chog‘dagi nogironlik pensiyasining eng kam miqdori — oyiga 920 000 so‘m.

✅ Mehnatga layoqatsiz fuqarolarga beriladigan nogironlik nafaqasi va bolalikdan nogironligi bo‘lgan shaxslarga beriladigan nafaqa miqdori — oyiga 920 000 so‘m.

✅ 1941 — 1945 yillardagi urush oqibatida nogiron bo‘lgan shaxslar va uning qatnashchilari, shuningdek, fashistlar konslagerlarining voyaga yetmagan sobiq mahbuslari va Leningrad shahri qamal qilingan davrda ishlagan shaxslarning eng kam pensiya miqdori ustamalarni inobatga olgan holda — oyiga 4 056 000 so‘m.

✅ Belgilangan yoshga doir eng kam pensiya miqdoridan (834 000 so‘mdan) 920 000 so‘mgacha pensiya oluvchilarning yoshga doir pensiyalari miqdori — oyiga 920 000 so‘m.

✅ Zarur ish stajiga ega bo‘lmagan keksa yoshdagi fuqarolarga beriladigan nafaqa miqdori — oyiga 745 000 so‘m.

✅ Ish staji to‘liq bo‘lmagan chog‘dagi yoshga doir pensiyaning eng kam miqdori qo‘shimcha to‘lovni hisobga olgan holda — oyiga 745 000 so‘m.

✅ O‘zgalar parvarishiga muhtoj nogironligi bo‘lgan 18 yoshgacha bolalarning parvarishi bilan band bo‘lgan bolaning qonuniy vakiliga beriladigan nafaqa miqdori — oyiga 745 000 so‘m.

✅ Boquvchisini yo‘qotganlik nafaqasi oluvchilarning bir nafar mehnatga qobiliyatsiz oila a’zosi uchun nafaqa miqdori — oyiga 745 000 so‘m etib belgilanadi va keyingi har bir mehnatga qobiliyatsiz oila a’zosi uchun — 244 000 so‘mdan qo‘shiladi.

✅ Boquvchisini yo‘qotganlik pensiyasi oluvchilarning bir nafar mehnatga qobiliyatsiz oila a’zosi uchun pensiyaning eng kam miqdori — oyiga 745 000 so‘m etib belgilanadi va keyingi har bir mehnatga qobiliyatsiz oila a’zosi uchun amaldagi tartibga muvofiq pensiya to‘lanadi.

Qoʻqonda FVB xodimlari uchun o‘quv-seminari o‘tkazildi

🧠 Ijtimoiy himoya milliy agentligi Fargʻona viloyati boshqarmasi mas’ullari hamda Qoʻqon shahar “Inson” ijtimoiy xizmatlar markazining Bolalarni himoya qilish shu’basi xodimlari viloyat Favqulodda vaziyatlar boshqarmasi xodimlari uchun Oilaviy bolalar uylarini tashkil qilish tartibi yuzasidan o‘quv-seminari tashkilladilar.

👮‍♂️ Mazkur seminarda, Oilaviy bolalar uyini tashkil etish tartibi hamda Vazirlar Mahkamasining 2024-yil 27-dekabrdagi “Yetim bolalar va ota-ona qaramog‘idan mahrum bo‘lgan bolalarni joylashtirish shakllari bo‘yicha ayrim normativ-huquqiy hujjatlarni tasdiqlash to‘g‘risida”gi 893-sonli qarorining mazmun-mohiyati tushuntirib o'tildi.

👥 Seminar yakunida FVB xodimlarining fikr va mulohazalari tinglandi.

🟢 IHMA Fargʻona viloyati boshqarmasi Axborot xizmati.

#2025_yil_1_yanvardan

🖋 Qonunchilikka ko'ra 1-yanvardan boshlab:

1️⃣ Tazyiq va zo‘ravonlik sodir etishga moyil bo‘lgan shaxslarning reyestri yuritiladi;

2️⃣ Nogironligi bo‘lgan shaxslarga qulay va to‘siqlarsiz muhit yaratiladi;

3️⃣ Fuqarolar qabuli va sayyor qabullarni o‘tkazishda majburiy tarzda surdotarjimon ishtiroki ta’minlanadi;

4️⃣ Kambag‘al oilalar farzandlari davlat bog‘chalariga imtiyozli asosda qabul qilinadi;

5️⃣ Bog‘chalarda inklyuziv ta’lim guruhlari ochiladi;

6️⃣ Yetim va ota-ona qaramog‘idan mahrum bo‘lgan yoshlarga ta’lim olish, bandligini ta’minlash, davolanish hamda uy-joy sharoitlarini yaxshilash uchun ijtimoiy yordam ko‘rsatiladi.

Hurruyat Akbarova: "Kamtarona mehnatim yuksak darajada e'tirof qilinganidan mamnunman"

🏃 Mehnat insonni ulug‘laydi, uning nomini ma'lum va mashhur qilib, hamisha e'zoz va ehtiromda bo‘lishini ta'minlaydi. Oltiariqlik Hurruyatxon Akbarovaning ham ko‘p yillik samarali mehnatlari munosib e'tirof qilindi: unga Ijtimoiy himoya milliy agentligi direktori M.Olloyorovning eng ezgu tilaklar bitilgan tabriknomasi hamda esdalik sovg‘asi yetkazildi.

😮 H.Akbarova Kеksalar va nogironligi boʻlgan shaxslar, urush va mеhnat faxriylari uchun “Oltiariq” sanatoriysida qariyb 35 yildan beri hamshiralik qiladi. Shirinso‘zligi, izlanuvchan va tashabbuskorligi bilan jamoada o‘z o‘rnini topgan. Yosh xodimlardan yordami va maslahatini ayamaydi.

🤝 Agentlikning Farg‘ona viloyati boshqarmasi boshlig‘i (v.b) Abdunazar Salimov xodimga yuborilgan tabriknomani o‘qib eshittirarkan, bunday qizg‘in e'tirof jamoaning har bir a'zosiga ko‘tarinkilik, bayramona kayfiyat bag‘ishlashini urg‘uladi. O‘z navbatida, H.Akbarova ham samimiy tilaklar uchun Agentlik rahbariga minnatdorlik bildirib, kelgusida yanada kuch-g‘ayrat bilan ishlashini ma'lum qildi.

🟢 IHMA Farg‘ona viloyati boshqarmasi Axborot xizmati.