Shovot tumanining “Doʻstlik” mahallasida “Hududgaztaʼminot” AJ va Xorazm viloyati prokuraturasi hamkorligida avtomatlashtirilgan mahalla isteʼmol nazorat balansining “Shovot tajribasi” misolida amaliy seminar boʻlib oʻtdi. Unda mahalla yettiligi, tuman sektor rahbarlari hamda prokuratura organlari va gaz xodimlari ishtirok etdi.

Taʼkidlanganidek, tumanning barcha mahallalarida avtomatlashtirilgan mahalla isteʼmol nazorat balansi shakllantirilishi natijasida texnologik yoʻqotishlar oldi olinadi.

“Doʻstlik” mahallasida 400 ta aholi xonadonlari mavjud boʻlib, qish mavsumda oʻtgan yilning mos davriga nisbatan oʻrtacha kunlik 3000 metr kub (25%) gacha tabiiy gazni iqtisod qilishga erishilgani misol qilib koʻrsatildi.

Bundan tashqari ushbu tizim orqali har mahalladan tejalgan tabiiy gaz ushbu mahallaning oʻzida yangidan tashkil etiladigan tadbirkorlik subyektlari uchun yoʻnaltirilishi natijasida aholi bandligi taʼminlanishiga xizmat qiladi.

Seminar ishtirokchilari yangi tizim bilan yaqindan tanishib, oʻzlarini qiziqtirgan savollariga mutaxassislar tomonidan batafsil javoblar olishdi.

💬Facebook | 👉Telegram |▶️ YouTube | 📷Instagram | 🌐 hududgaz.uz