“Hududgaztaʼminot” AJ rasmiy munosabati

Ijtimoiy tarmoqlarda eʼlon qilingan murojaat yuzasidan quyidagilar maʼlum qilinadi.

Vazirlar Mahkamasining 2024 yil 16 apreldagi 204-son qarori 2-ilovasida 2024 yil 1 maydan aholi uchun elektr energiyasi va tabiiy gaz bir oylik isteʼmolining bazaviy meʼyorlari tasdiqlangan. Ushbu sanadan boshlab barcha elektron gaz hisoblash uskunalari (EGHU) joriy etilgan narx bo‘yicha hisob-kitoblarni amalga oshirib kelmoqda.

Qayd etish kerak, isteʼmolchilarga o‘rnatilgan EGHUlarning barchasida “batareyka” yoki aloqa uzatishda muammo paydo bo‘lgan taqdirda ham so‘nggi 90 kunlikdagi soatlik gaz sarfi saqlanadi. EGHUdagi muammo bartaraf etilganidan keyin 90 kunlik maʼlumotlar kunma-kun isteʼmol bo‘yicha maʼlumotlar bazasiga yo‘naltiriladi va to‘lov ham o‘sha muddatlardagi sarf bo‘yicha hisob-kitob qilinadi.

Shu o‘rinda “Hududgaztaʼminot” AJ isteʼmolchilardan vaqti-vaqti bilan gaz hisoblagich va shaxsiy kabinetdagi ko‘rsatkichlarni o‘zaro solishtirishni tavsiya qiladi. Agar ko‘rsatkichlar har xil bo‘lsa yoki EGHU aloqaga chiqmayotganini sezsangiz, darhol 1104 qisqa raqamiga yoki mahalla gazchisiga murojaat qiling.

“Hududgaztaʼminot” AJ matbuot xizmati