𝐹𝑖𝑧𝑖𝑘𝑎 𝑇𝐷𝑃𝑈®

​​Assalomu alaykum!
Bugun 4-yanvar, fizika va umuman ilm-fan tarixidagi eng buyuk siymolardan biri Isaak Nyuton tug'ilgan sana. Nyuton 1642-yilning xuddi shu sanasida Linkolnshir grafligidagi Vulstorp qishlog‘ida tavallud topgan. Nyuton oyiga yetmay tug'ilgani sababli juda nimjon bola bo'lgan. Nyutonlar oilasi fermerlik bilan shug‘ullanishgan. Nyuton maktabda o'qib yurgan yillari 6 yil mobaynida dorixonada shogird bo'lib ham ishlagan va o'sha yerda kimyo fanining amaliy jihatlaridan yaxshi xabardor bo'lgan. Juda iste'dodli yigit bo'lgan Nyutonni 18 yoshida Yevropaning eng nufuzli ilmiy dargohlaridan bo'lgan Triniti kollejiga qabul qilingan.
Uning dastlabki ilmiy tadqiqotlari yorug'lik bilan bog'liq bo'lgan. Hammamizga ma'lum va mashhur o'sha prizma tajribasi, ya'ni, yorug'likni tarkibiy ranglarga ajratish tajribasi uning fanda ko'targan birinchi yirik shov-shuvli ishi bo'lgan edi. Keyinchalik u fizikaning, asosan, mexanikaning deyarli barcha-barcha sohalariga taalluqli bo'lgan yana qator muhim ilmiy ishlarni bajardi. Xususan, u butun olam tortishish qonunini kashf etdi, qator harakat qonunlarini ochdi, hamda, differensial va integral hisob nazariyasini barpo qildi. Uning "Tabiat falsafasining matematik asoslari" asari esa ilm-fan tarixidagi eng birinchi fundamental qomusiy asarga aylandi. Nyuton shubhasiz, ilm-fan tarixidagi eng buyuk olimlardan biridir. Biz bejizga fizikada, 1900-yilgacha bo'lgan davrni, yoki, Eynshteyngacha bo'lgan davrni "Nyuton fizikasi" demaymiz. Zero, o'sha klassik fizikaning asoslari aynan Nyuton qonunlariga asoslangan edi.

😄 FIZIKA FANIDAN TASHKIL ETILGAN XALQARO OLIMPIADADA NIZOMIY NOMIDAGI TDPU TALABA YOSHLARI FAXRLI OʻRINLARNI QOʻLGA KIRITISHDI.

✅ 2024-yil 4-dekabr kuni Seyitnazar Seydi nomidagi Turkman davlat pedagogika instituti tomonidan tashkil etilgan xorijiy mamlakatlar o‘rtasida fizika bo‘yicha IV ochiq xalqaro onlayn olimpiada bo‘lib o‘tdi. Unda Turkmaniston hamda O‘zbekiston, Rossiya Federatsiyasi, AQSh, Xitoy Xalq Respublikasi, Italiya, Ruminiya, Turkiya, Laos Xalq demokratik Respublikasi, Belarus Respublikasi, Ukraina, Tojikiston, Qozog‘iston, Qirg‘iziston va Janubiy Koreya kabi davlatlardan 400 nafardan ortiq talabalar ishtirok etdi.

✅ O‘zbekiston Respublikasi terma jamoasi sifatida Nizomiy nomidagi TDPU Fizika va astronomiya ta’lim yo‘nalishi 6 nafar talabalar faol qatnashib, 2 nafar faxrli 1-o‘rinni, 4 nafari esa 2-o‘rinni egalladilar.

✅ Olimpiada natijalari elektron havolasi: https://drive.google.com/file/d/1QtTU4gMK-UBY3xaxhjiSjjIVakvYpbXe/view

🏛 Nizomiy nomidagi Toshkent davlat pedagogika universitetining rasmiy matbuot xizmati sahifalarini kuzatishda davom eting!

✈️ Telegram 🌐 Instagram
📹You Tube 💬Facebook