Farg‘ona viloyat prokuraturasi

Бугун Ўзбекистон тумани сектор раҳбарларининг навбатдаги оммавий қабули бўлиб ўтди.

Aҳоли билан тўғридан-тўғри мулоқот қилиш, уларни қийнаб келаётган муаммоларни аниқлаш ва ҳал этишга қаратилган қабулда Ўзбекистон Президентининг тумандаги Халқ қабулхонаси мутасаддилари, туман ҳокимининг ўринбосарлари, тегишли ташкилот ва муассасалар раҳбарлари ҳам қатнашдилар.

Мазкур қабул доирасида фуқароларнинг коммунал соҳа, банк кредити, уй-жой билан таъминлаш ва мавжудини таъмирлаш, тадбиркорликни ривожлантириш, кадастр, маҳалла инфратузилмасини яхшилаш, ишга жойлашиш, тиббий хизмат, мажбурий ижро ҳаракатлари ва бошқа масалалар билан боғлиқ мурожаатлари ўрганиб чиқилди.

Шу куни 50 нафардан зиёд фуқароларнинг турли масалаларда билдирилган мурожаатлар тингланиб, уларга ижобий йечим топиш бўйича зарур чоралар белгиланди.

Мурожаатларнинг айримлари шу ернинг ўзида ижобий ҳал этилган бўлса, баъзи мурожаатлар юзасидан ҳуқуқий тушунтиришлар берилди.

Ижросини ўрганиш учун қўшимча муддат талаб қиладиган мурожаатлар эса тегишли соҳавий хизмат масъулларига йўналтирилиб, алоҳида назоратга олинди.

👉https://t.me/FargonaViloyatProkuraturasi

Ўзбекистон тумани прокурори О.Собиров бошчилигидаги ишчи гуруҳ томонидан маҳаллаларда "Камбағалликдан фаровонлик сари" дастури доирасида яратилган иш ўринлари юзасидан 2-сектор ҳудудидаги "маҳалла еттилик"ларининг фаолияти ўрганилиб, аниқланган камчиликлар юзасидан тушунтириш ишлари олиб борилиб, топшириқлар берилди.

Шунингдек, учрашувлар давомида Ўзбекистон Республикаси Президентининг 03.01.2025 йил кунги "2025 йилда республика маҳаллаларида хавфсиз муҳитни яратиш ва ҳуқуқбузарликларнинг барвақт олдини олиш тизими самарадорлигини янада ошириш бўйича чора-тадбирлар тўғрисида"ги ПҚ-1-сонли Қарори ижроси юзасидан тушунтириш ишлари ҳам олиб борилмоқда.

Вилоят прокуратураси органлари томонидан бу борадаги ишлар изчиллик билан давом эттирилмоқда.

👉https://t.me/FargonaViloyatProkuraturasi

Вилоят прокурорининг ўринбосари О.Тошматов раҳбарлигидаги Ишчи гуруҳ томонидан камбағалликни қисқартириш ва аҳолини ижтимоий ҳимоя қилиш юзасидан амалга оширилаётган ишлар аҳволи Марғилон шаҳри ўрганилди.

Хусусан, камбағал оилалар хонадонларига борилиб, оилаларни “Камбағалликдан фаровонлик сари” дастури асосида ушбу тоифадан чиқариш юзасидан амалга оширилаётган чора-тадбирлар аҳволи ўрганилиб, камбағал оилаларга бириктирилган масъул раҳбарларга ҳар бир камбағал оилани эҳтиёжмандликдан чиқариш ҳамда “Сайхунобод”, “Уйчи”, “Зарбдор” ва “Ғиждувон” тажрибалари асосида маҳаллаларда аҳоли бандлигини таъминлаш бўйича манзилли кўрсатмалар берилди.

Вилоят прокуратураси органлари томонидан бу борадаги ишлар изчиллик билан давом эттирилмоқда.

👉https://t.me/FargonaViloyatProkuraturasi

Йўл қўйилган камчиликлар ва келгусидаги вазифалар муҳокама қилинди

Фурқат тумани прокуратураси томонидан қурилиш соҳасидаги қонунлар ижроси устидан мунтазам равишда назорат тадбирлари олиб борилмоқда.

''Ташаббусли бюджет'' 2024 йил 1-мавсум доирасида 13,3 млрд. сўмлик 10 та лойиҳа энг кўп овоз тўплаб ғолиб деб топилган бўлиб, улардан 6 таси ички кўчаларни асфальтлаштириш, 3 таси қурилиш - таъмирлаш ҳамда 1 таси харид билан боғлиқ лойиҳалар амалга оширилиши белгиланган.

2-мавсум доирасида 9,4 млрд. сўмлик 4 та асфальтлаштириш, 1 та харид ва 2 та қурилиш-таъмирлаш жами 7 та лойихалар амалга оширилиши белгиланган.

Туман прокуратурасида ўтказилган штаб аъзолари ва масъуллар иштирокида ўтказилган йиғилишда қурилиш соҳасида амалга оширилаётган ишлар, йўл қўйилган камчиликлар ва келгусидаги вазифалар муҳокама қилинди.
      
Хусусан, буюртмачи ва назорат идоралари, пудрат ташкилотлари томонидан йўл қўйилаётган хато ва камчиликлар, инфратузилмани ривожлантириш инжиниринг компанияси томонидан объектлар учун марказлашган ҳолда қурилиш материалларини етказиб берилишидаги мавжуд муаммолар танқид қилинди.

Йиғилиш якунида қурилиш ишларини сифатли олиб бориш, муддатида якунлаш, ҳарид билан боғлиқ лойиҳаларда нархларни сунъий ошиб кетмаслиги ҳамда бюджет маблағларини талон-торож этилишини олдини олиш юзасидан аниқ чора-тадбирлар белгилаб берилди.

Туман прокуратураси томонидан қурилиш соҳасидаги назорат тадбирлари изчиллик билан давом эттирилмоқда.

👉https://t.me/FargonaViloyatProkuraturasi

Қува тумани прокурори С.Аминжонов раҳбарлигида 2-сектор ҳудудида ташкил этилган ишчи гуруҳ томонидан аниқланган камчиликлар фермер хўжаликлари раҳбарлари иштирокида танқидий муҳокама қилинди.

Йиғилишда 11 та қишлоқ хўжалиги йўналиши бўйича фаолиятида камчиликка йўл қўйган фермер хўжаликларининг раҳбарларига 2 кунлик муддат ичида бартараф этиш юзасидан топшириқлар берилди.

Хусусан, пахта экиладиган майдонларда шўр ювиш, пол олиш, ғалла парваришини жадаллаштириш, дала четларига экин ва мевали дарахтлар экиш ҳамда ички ариқларни бетонлаштириш бўйича кўрсатмалар берилди.

Вилоят прокуратураси органлари томонидан қишлоқ хўжалиги тадбирлари устидан тизимли назорат ўрнатилиб, бу борадаги ишлар изчиллик билан давом эттирилмоқда.

👉https://t.me/FargonaViloyatProkuraturasi