Bu o'zgarish haqida jim turgandim (ya'ni naqd pul yo'qolib, karta orqali to'lovga o'tish haqidagi o'zgarish). Sababi, iloji bor narsa, odamlar ko'nikib, o'rganib ketadi deb o'ylagandim. Yo'q, adashibman. Bu o'zgarishning aholida qiyinchilik va noqulaylik tug'diradigan taraflarini sanab chiqsa yetarlicha ekan. Misol uchun bugun o'zimda bir holat bo'ldi: kartamda yetarli miqdorda (50 ming so'm atrofida) pul bor edi. Tushadigan bekatimga yaqinlashgach validatorga kartamni tekkizdim, xatolik belgisi chiqdi. Qayta, qayta harakat qilsam ham shu holat takrorlanaverdi. Kartamga click ochilmagan edi (agar click ochilganida ham boshqa gap edi, skaner orqali to'lov qilib tushib ketaverardim). Yonimda naqd pul ham bor edi, ammo uni avtobus haydovchisiga berishdan foyda yo'qligini bilaman. Avtobus haydovchisining muomalasi esa boshqa bir masala: shunchaki qo'pol. Noqulay ahvolda tushib qolganim qoldi. Narxning so'nggi 2 yilda deyarli 1 baravarga oshgani esa alohida masala.

Xullas, guvohi bo'lyapman: aholining yetarli qismi bu o'zgarishga qarshi, ijtimoiy tarmoqlarda ham bunga ko'p guvoh bo'ldim. Menimcha bu o'zgarish ko'pga bormay bekor bo'lib ketsa kerak.