Дворец профсоюзов Узбекистана

💃🏻Barcelona Flamenco Ballet (BFB)
с программой “CARMEN”
(композитора Жоржа Бизе, который взял за основу сюжет одноименной новеллы французского писателя Проспера Мериме)

❤️‍🔥“Barcelona Flamenco Ballet” (BFB) обращается к вечному мифу о Кармен в своем новом проекте. Это новое воссоздание работы Жоржа Бизе привносит новые элементы фламенко, которые ранее были неизвестны. Оно выходит за рамки традиционной концепции, в которой оно исторически классифицировалось, и адаптирует его к реалиям современного общества.

🌟Несмотря на то, что время прошло, Кармен сохраняет свое послание свободы и мужества перед лицом неравного мира, где женщины все еще борются за свои права. Кармен является прототипом женщины, которая сталкивается с враждебным и жестоким мужским миром, в котором она не выживает, но оставляет свой пример для потомков. Кармен — это боль, страсть и крик о свободе, чувства, которые искусство фламенко мастерски представляет в своем самом диком и примитивном аспекте.

#samimiy_minnatdorchilik

Assalomu alaykum!

Barchamizga ma’lumki, O‘zbekiston davlat san’at va madaniyat instituti san'at va madaniyat sohasida yuqori malakali kadrlar tayyorlovchi yetakchi oliy ta’lim muassasalaridan hisoblanadi.

Kuni kecha O'zbekiston Kasaba uyushmalari saroyida buyuk shoir va mutafakkir Alisher Navoiy tavalludining 584 yilligiga bag‘ishlab tashkil etilgan "Navoiydan taralgan mangu navolar" nomli teatrlashtirilgan konsert dasturi bu so’zlarning yana bir isboti bo‘ldi, desak yanglishmaymiz.

Negaki, to'liq jonli ijroda o'tkazilgan konsert dasturida bugun institutda faoliyat ko'rsatib kelayotgan taniqli ijodkorlar bilan bir qatorda, ayni damda ushbu ustozlardan san’at sir-asrorlarini o'rganayotgan talaba-yoshlar bir sahnada turib, Alisher Navoiy ijodidan kuyga solingan kuy-qo’shiqlar, g'azal va ruboiylarni mahorat bilan ijro etib, tarixiy sahna ko‘rinishlarida shoirning hayoti hamda asarlaridan parchalar namoyish etishdi.

O'ylaymanki, bu konsert dasturi avvalo, iste'dodli talabalarni kashf etish hamda ularga o'z mahoratlarini ustozlari va tomoshabinlar ko'rigidan o'tkazish uchun katta imkoniyat taqdim etgani bilan ham ahamiyatli.

Zeroki, O'zbekiston Kasaba uyushmalari saroyi milliy madaniyatimiz tarixida alohida ahamiyatga ega maskanlaridan biri hisoblanadi. Bu yerda 1914-yil 27-fevral kuni Mahmudxo'ja Behbudiyning "Padarkush" dramasi ilk bor sahnalashtirildi. Demakki, o'zbek teatr san’atining tamal toshi ayni shu maskanda qo'yilgan, desak yanglishmaymiz. Keyinchalik "Sverdlov" nomli konsert zali sifatida faoliyat yuritgan hamda yurtdoshlarimiz orasida mashhur bo'lgan.
Bugungi kunda ushbu konsert zal negizida Muhtaram Yurtboshimiz tashabbuslari bilan O'zbekiston Kasaba uyushmalari saroyi barpo etildi.

Katta sahnadagi ilk qadamlarini ushbu tarixiy sahnadan boshlagan bugungi yoshlar, albatta, kelajakda iste'dodli san'atkor sifatida yetishib, xalqimizga xizmat qiladi deb ishonch bildiramiz.

Men fursatdan foydalanib, ushbu konsertni tashkil etishda bizni qo'llab-quvvatlagan Madaniyat vazirligiga, O'zbekiston Kasaba uyushmalari Federatsiyasi hamda Kasaba uyushmalari saroyi rahbariyati va xodimlariga, tadbirni ommaviy axborot vositalari orqali yoritilishiga ko'maklashgan O'zbekiston milliy teleradiokompaniyasiga hamda sahnaga chiqqan barcha professor-o‘qituvchilar va talaba-yoshlarga, sahna ortida xizmat qilgan – tashkiliy-ijodiy guruh a'zolari, ssenariy mualliflari, sahnalashtiruvchi rejissyor, rejissyor yordamchilari, musiqa rahbarlari, xormeyster, jо‘rnavozlar, rassom, ovoz rejissorlari, grim ustasi, ommaviy sahna mas’ullari, video roliklar bо‘yicha rejissyorlar, fotodizayner, ekran, chiroq va ovoz kuchaytirish bо‘yicha muhandislarga va tomoshabinlarga samimiy minnatdorchiligimni bildiraman.

Asosiy vazifamiz bo'lgan talabalarga sifatli ta'lim berish barobarida, kelgusida ustoz- shogird an'anasi asosida tashkil etilgan bu kabi tadbirlarni ko‘proq o‘tkazishni hamda qamrovini yanada kengaytirishni maqsad qilganmiz.

Xususan, zamon qahramoni, jadid bobolarimiz va tarixiy qahramonlar hayoti, mamlakatimizda amalga oshirilayotgan islohotlarning xalqimiz hayotiga ta’siri aks etgan spektakllar va teatrlashtirilgan tomoshalar sahnalashtirish, milliy va zamonaviy kuy-qo’shiqlardan iborat konsert dasturlarini tayyorlash, qisqa metrajli filmlar yaratish hamda ularni yurtimizning katta sahnalarida va chekka hududlarda namoyish etish rejalarimiz bor.

Quvonarli tomoni, buning uchun institutimiz jamoasida salohiyat va imkoniyat hamda shijoat yetarli.

So'zim yakunida bugun tavalludining 584 yilligi keng nishonlanayotgan buyuk mutafakkir Alisher Navoiyning quyidagi misralarini keltirmoqchiman:

Nafing agar xalqqa beshakdurur,
Bilki, bu naf o'zingga ko'prakdurur.

Ushbu hikmatni barchamiz hayot tarzimizga tadbiq etsak, о‘ylaymanki, mas’uliyat va shijoatimiz yanada oshadi.

Nodirbek Sayfullayev,
O‘zbekiston davlat san’at
va madaniyat instituti rektori, professor.