Bugun yaqin joʻram, ajoyib inson, shoir Dilmurod Doʻstning tugʻilgan kuni. Ijodi va ilmi oʻsaversin, ulugʻvor unvoni – joʻraligi bor boʻlsin!

OʻN BARMOQLI TIL

Vokzal.
Oʻn sakkiz yoshli bir gung yigitcha,
Tirikchilik qilardi hammollik bilan.
Yuk tashir, yelkalab hayot tashvishin
Yashardi mehnatda, halollik bilan.

...Bir kun
misli koʻkda mohday dilobar,
Koʻzlari munchoqdek, xushqomat, lobar.
Hurliqo imlamish hammol yigitni.
(Yoʻlqutilar turar, gʻamga barobar)

Yigit unutgandi dunyo-yu dunni,
Oʻtgan bedor tunlar, ham ogʻir kunni.
Mohmonand qizni u sevib qolgandi,
Izhori dil uchun izlar bir unni.

Taassufki, bexabar ketib borar qiz...
Bir alam tirnardi yigit dilini.
Ayni dam izhorga imkonsiz edi,
Band qilgandi yuklar uning tilini.

© Dilmurod Doʻst