Bir nechta savolga qisqa javoblar:
1. Nima uchun bir kunda uchta mavzu?
2. Hamma mashqni bajarib, guruhga joylashtirsak bo‘ladimi?
3. Men uchun juda ko‘p yangi ma’lumotlar bor ekan, nima qilishim kerak?
Bugungi uchta mavzu bo‘yicha yangi so‘zlardan foydalanib gaplar tuzib, guruhga yuborishingiz yoki qoidalarga oid savollar bersangiz ham bo‘ladi.
1. Nima uchun bir kunda uchta mavzu?
Bir kunda uchta mavzu ko‘p bo‘lib tuyulishi mumkin, biroq bunga o‘ziga xos sabablar bor. Bu darslar pullik kurs emas, shuningdek, har bir kishi har kuni uchta mavzuni o‘qishga majbur ham emas. Asosiy maqsadlardаn biri shuki, kimdir C1 yoki B2 darajasida bo‘lsa, Telegram kanaliga kirganida nimadir yangi ma’lumot olishi yoki o‘zi uchun takrorlash imkoniyatiga ega bo‘lishi mumkin. Albatta, 33 kun ichida B2 darajadan C1 darajaga chiqib bo‘lmaydi, lekin eng muhimi — har kuni biror yangi narsani o‘rganishdir. Hech bo‘lmasa 5 ta so'z bo‘lsa ham. Bu kechagi kundan yaxshiroq degani.
2. Hamma mashqni bajarib, guruhga joylashtirsak bo‘ladimi?
Albatta. Boshqalar ham ko‘rib, fikr bildirishi yaxshi bo‘ladi, bu esa jamoaviy ishlashga xizmat qiladi. Bundan tashqari, yangi so‘zlarni ham yozib borishingiz yoki o‘sha so‘zlar bilan gaplar tuzib, guruhda birgalikda tekshirishingiz mumkin. Bu juda foydali usul.
3. Men uchun juda ko‘p yangi ma’lumotlar bor ekan, nima qilishim kerak?
A2 yoki B1 darajasidan boshlab o‘rganishga harakat qiling. Shunga qaramay, vaqtingiz bo‘lsa, har kuni bir nechta yangi so‘zdan foydalanib gaplar tuzishni odat qiling. Bora-bora bu mashqlarni kengaytirib, butun matnlarga aylantirish mumkin.
PS: Men nemis tilida mustahkam poydevor (fundament) juda muhim deb hisoblayman. Fikrimcha, "nemis tilining asosiy qismini (taxminan 50%) A1 darajasi tashkil qiladi. Qolgan 50% esa A2, B1, B2, C1 va C2 darajalaridan iborat."
Bugungi uchta mavzu bo‘yicha yangi so‘zlardan foydalanib gaplar tuzib, guruhga yuborishingiz yoki qoidalarga oid savollar bersangiz ham bo‘ladi.