АҚШнинг дунёдаги бузғунчи сиёсати туфайли унинг сиёсатчиларини хушламайман, лекин кечаги Тамп-Зеленский учрашувининг тўлиқ 46-дақиқалик версиясини эринмай томоша қилдим, сизларга ҳам тавсия этаман. Тўлиқ версияни кўриб, бу икки инсоннинг қадриятлари, дунёқараши, манфаатлари, сиёсий қарашлари бир-бирига умуман зид эканлигини тушуниб етасиз.

Бошида ҳаммаси аъло даражада бошланган, Трамп учрашувдан кейин мазали тушлик режалаштирганини, “ист офис”да нодир металлар бўйича келишув имзолашларини жуда ҳам яхши кайфиятда айтиб ўтди, Зеленский ва аскарларини мақтади. Трамп, Россиядаги украиналик маҳбусларини олиб чиқишда ёрдам беришини ҳам айтган, қисқаси ҳаммаси прагматик давом этганди. 37-дақиқадан бошлаб Зеленскийнинг дипломатиядаги тажрибаси панд бердими, 3 йил давомида унга ҳомийлик қилиб келаётган катта оғага очиқдан-очиқ қарши кетди, Трамп айтганларининг аксини айтди, эмоциясини жиловлолмади. Бу Зеленский командаси учун катта провал, масалалар олдиндан келишилмаган.

Трамп қария Байдендан кўп чекди, Байденнинг кўрсатмаси билан судма-суд юрди, ОАВдан маҳрум бўлди, негатив пропагандадан азоб чекди. Байденнинг ўғли Хантер Байден билан боғлиқ Украинада коррупцион скандални ҳеч ким унутгани йўқ. Европа Украинага барча ёрдам пулларини қарз сифатида берган бўлса, Байден эса 350 миллиард пулни ҳадя қиворган. Зеленскийнинг дипломатиядаги энг катта хатоси, сайловларда очиқ-ойдин бир томонга, Байденга тарафдорлик қилиши бўлди, кеча вице-президент Вэнс буни Зеленскийнинг кўзига тиқиб эслатди.

Ҳар бир учрашув олдидан ҳамкорингни ҳар томонлама ўрганмасдан суҳбат қурушининг қаердадир билмай туриб, унинг қизил чизиқларини кесиб ўтишининг билан якунланади. Менимча бу учрашувга Зеленский Байден билан учрашувга келгандек тайёргарлик кўрганди, хатонинг сабаби ҳам шу, ким бўлишидан қатъий назар Оқ уйнинг ҳозирги эгаси Трамп.

П.С. Зеленскийнинг кўзлари, бошини буриши, ўзини тутиши, бурни ва оғзини қимирлатиши менга ўта ғалати туюлди…