Bitiruvchilar baholarining OTMga kirishda inobatga olinishi haqida
❕ 2022-yil 14-mart kuni “Huquqiy axborot” telegram kanalida
2022-2023-o‘quv yilidan maktab bitiruvchilarining shahodatnomasidagi 11 yillik ta’limning so‘nggi 6 yillik baholari OTMga kirishdagi balga qo‘shilishi haqida post e’lon qilindi. Shundan so‘ng mazkur xabar ko‘plab telegram kanallarda ham e’lon qilindi.
🔰 Qayd etish kerakki, maktabdagi baholarni oliy ta’lim tashkilotlariga kirishda inobatga olish tartibi
2021-yil 19-noyabrda belgilangan. Ya’ni, Vazirlar Mahkamasining 2021-yil 19-noyabrdagi
696-son qarori bilan
“Taʼlim tashkilotlari bitiruvchilari baholarining o‘rtacha ko‘rsatkichini hisoblash va uni oliy taʼlim tashkilotlariga kirish imtihonlarida inobatga olish tartibi to‘g‘risida”gi
nizom tasdiqlangan.
🖥 Unga ko‘ra, tegishli vazirlik va idoralar tomonidan 2022-yil 10-iyunga qadar elektron platformalar ishga tushiriladi hamda
2022-2023-o‘quv yili va keyingi o‘quv yillari bitiruvchilarining so‘nggi 6 yillik baholari elektron platformalarga kiritiladi va bitiruvchilar baholarining o‘rtacha ko‘rsatkichlari hisoblab boriladi.
📆 2022-2023-o‘quv yili bitiruvchilarining so‘nggi 6 yillik baholari va ularning o‘rtacha ko‘rsatkichlari esa
mazkur o‘quv yili yakunlangandan so‘ng, ya’ni,
2023-yil yoziga kelibgina aniq bo‘ladi.
✅ Bundan ma’lum bo‘ladiki, majburiy 11 yillik ta’limning so‘nggi 6 yillik baholari o‘rtacha ko‘rsatkichini oliy ta’lim tashkilotlariga kirish imtihonlarida inobatga olish
2023-2024-o‘quv yili uchun qabul imtihonlaridan boshlab amalga oshiriladi.
📨Barcha abituriyentlarga ulashing!
👉
@DTMDAN - Obuna boʻling!
