#ШЕЪРИЯТ

Эй қадрдоним,
Дунёча борим,
Ҳиргойи қилсам,
Қалбимда торим,
Ичимда денгиз,
Пўртана тенгсиз,
На қилай сенсиз,
Сўнги қарорим,
Эй қадри борим!

Эй қадри борим!
Сен зўру зорим,
Оғир бедаво
Дардимга дорим..
Ўлимдан кечдим,
Ҳимматни ечдим,
Мен оғу ичдим,
Ғурбатда жоним,
Кел кўрда ҳолим!

Синди дуторим,
Кел номус, орим.
Тўс! Ушла! Ана!
Қочди ҳаёлим.
Сен ҳуркак ҳулкар,
Мен ёлғиз лашкар
Ов қачон тугар?!
Бир бор висолим,
Ўқсиз камоним.

Дарди давомиш,
Тўғри хатомиш,
Майдонда ёлғиз,
Ғолиб Сафомиш.
Ҳозир айни пайт,
Маҳбубийга айт:
«Бу йўлингдан қайт!»
Дейди: «Қарорим -
Қадарда борим!»

Ҳақ Мустафодир,
Ғолиб Сафодир,
Маҳбубий Ошиқ,
Ҳулкар Вафодир.
Дунё бир онлик,
У ҳам гумонлик,
Борми омонлик,
Раҳм айла, Ёрим,
Кел кўрда ҳолим!

©️ Маҳбубий

📨 Постни яқинларингизга ҳам улашинг!

📌Каналга аъзо бўлиш учун
манзил👇👇👇

https://t.me/AbrorMuxtorAliy