🟦🟦🟦🟦🟦

Andijon davlat pedagogika institutida Xalqaro ilm-fan sohasidagi xotin-qizlar kuniga bag‘ishlangan davra suhbati o‘tkazildi

Bugun, 11-fevral kuni Andijon davlat pedagogika institutida Xalqaro ilm-fan sohasidagi xotin-qizlar kuni munosabati bilan davra suhbati tashkil etildi. Tadbirda institutda faoliyat yuritayotgan "Olima ayollar jamiyati" a’zolari ishtirok etdilar.

Davra suhbatida ilm-fan rivojida xotin-qizlarning o‘rni, ularning ilmiy izlanishlarga qo‘shayotgan hissasi, shuningdek, jamiyatda ayollarga yaratilayotgan imkoniyatlar keng muhokama qilindi. Professor-o‘qituvchilar tomonidan bugungi kunda xotin-qizlarning ta’lim va tarbiya olishlari, ularning ilmiy salohiyatini mustahkamlash, ilmiy faoliyatga jalb qilish borasida amalga oshirilayotgan ishlar yuzasidan fikr-mulohazalar bildirildi.

Tadbir ishtirokchilari ilm-fan sohasida ayollarning faolligini oshirish, yosh olima ayollarni qo‘llab-quvvatlash hamda ilmiy izlanishlar uchun keng imkoniyatlar yaratish muhimligini ta’kidladilar.

🏛 Yangiliklardan xabardor bo‘lish uchun kanalimizni kuzatib boring!
🟦 Telegram 🟦 Facebook 🟦 Instagram 🟦 YouTube