"Мана,  биз болалар боғчасига берилган гўшт ва шакарнинг ярмидан кўпини ўғрладик!
Мана,  биз таълимга ажратилган бюджет пулларини ўпириб ташладик.
Мана,  биз неча бугуноҳни турмада чиритдик.
Мана,  биз тайёр заводларни бузиб,  вайрон қилиб ғиштини,  темирини,  ёғочларини сотдик.
Мамлакат ёшлари елкаксига мардикор тамғасини илдик.
Аёллларимиз ошинга айланди.
Мана, биз фермерларнинг энасидан сўкамиз. Пахта теримига чиқмаганларни бола пулини бермаймиз.
Мана.бизнинг даврда  ариқлар,анҳорлар ковланмай қолиб кетди.
Мана, биз ариққа памперс ташлаймиз.
Мана, биз, ҳалиям ахлатни кўчага отамиз ва мажлис ва йиғинларда ерга тупуриб ўтирамиз.
Мана, биз эркинлик истаганларни Жаслиққа жўнатдик.
Мана, биз мошина йўлларни дабдала қилдик.
Мана, биз томчилаб суғоришга ажратилган пулларни ўмардик ва қишлоқ ҳўжалигини ҳалокат ёқасига олиб кетяпмиз.
Мана,  биз ўқитувчиларга кўсак қуртини тердирдик,  кўчаларда ахлат тозалатдик.

Мана,  биз камабағалларга ажратилган ёрдам пулларини чўнтагимизга урдик.
Мана,  биз яширинча ер сотдик,  биноларни сотдик,  сотувдан тушган
пулларга қаср қурдик.
Мана, биз...
Мана, биз...
Мана, биз...
Сен эса ватан учун нима қилдинг?!
Эркин матбуот ва демократик қадриятлар деган гапдан наргига ўтмадингиз. Ундан кўра бизга ўхшаб бюджет пулларини ўғласаларинг бўлмасмиди.
Эҳ, ақли йўқлар. Ақли бор одам фақат чўнтагини  ўйлайди ва мажлисларда ватан сўзини кўп тилга олади.
Жаннат  кўкда бўлса, чўнтагимдадир Ўзбекистон.
Ҳа, биз ўзимиз учун жаннат яратдик. Ватан билан нима ишимиз бор.
Раҳимжон Раҳмат