Абдуқодир тўлиқ ўйин ўтказди, Манчестер Сити ниҳоят Тоттенхэмни ютди, 1:0. Ўтган учрашувда фақат алдаб, кимга пас беришни билмаган Доку бу сафар майдонга тушган Холандга ассист тақдим этди. Эрлинг келди ва голини урди. Эдерсон ҳам бир неча сейв ижро этди.

Ҳусанов ўйиндан-ўйинга ўзига ишончи ортиб бормоқда. Олдинлари унинг алоҳида эпизодларини гаплашардик. Бугун тўлиқ барқарорлик намойиш этишни бошлади. Қуруқ ўйин ва жамоадошлар билан ҳамжиҳатлик. Марказий ҳимоячи учун муҳими шу. Яккакурашларни деярли бой бермаяпти. Аввалроқ айтганимдек унга оптимал жуфтлик бу Диаш. Тажрибали ва позиция жиҳатдан мос. Абдуқодир яхши балл олди ва ўйиндан кейин Пепдан мақтов эшитди. Қисқача:

- У фақат футбол ҳақида ўйлайди, Лондонга ортиқча буюмларсиз, ҳатто тиш щеткасиз, шунчаки ўйнаш учун келди. Нима десанг ҳам кулиб туради. Жамоадошлари, мухлислар уни яхши кўришади. Унда тезлик, яхши пас ва жисмоний яхши кўрсаткичлар бор. Баъзи камчиликлар ёш билан боғлиқ. Челси билан ўйиндан кейин у босиқлик ва меҳнат билан вазиятдан чиқиб кетди.

Раҳмат Пеп, ишонч ва эътироф учун, одам худди ўзи ҳақида эшитгандек ҳурсанд бўлади)

t.me/Davron_Fayziev