⚡️Умрбод олий тоифали ўқитувчи бўлиш учун 15 йил давомида олий тоифани сақлаш керак

Вазирлар Маҳкамасининг 17.09.2021 йилдаги 572-сон қарори билан аттестация низомининг 1-боб 8-д бандига кўра, олий малака тоифасига (бош ўқитувчи лавозимига) эга бўлгандан сўнг олий малака тоифасини (бош ўқитувчи лавозимини) 15 йил давомида сақлаб келган ва узлуксиз иш стажига ега бўлган педагог кадрларга — олий малака тоифаси (бош ўқитувчи лавозими) тўғридан тўғри (аттестатсиядан ўтказилмасдан) берилиши белгиланган.

Ундан ташқари, тоифасидан қатъий назар педагогик фаолияти бўйича 25 йил ва ундан кўп стажга эга бўлган ва ёшга доир пенсияга чиқиши учун 5 йилдан кўп бўлмаган вақт қолган педагог кадрларга уларнинг амалдаги малака тоифаси тўғридан тўғри (аттестатсиядан ўтказилмасдан) берилади. Яъни улар кейинчалик навбатдаги мажбурий аттестатсияга жалб этилмайди. Лекин исталган вақт ўз ихтиёрларига кўра навбатдан ташқари топширишлари мумкин.

Эслатиб ўтамиз, 2022 йил 2 августгача стажига 15 йил тўлган ва 2 август кунида олий тоифага эга бўлган барчани олий тоифаси сақланиши ва олий тоифа билан иш ҳақи тўланиши ҳам белгиланган.


Kanalga obuna bo'lish:👇👇👇
@TALIM_FIDOYILARI_KANALI