#mikrafon_psixoterapevtda
Juda ommalashgan termin “shaxsiy hudud - chegalar”. Singidirilayotgan ma’lumotlarimiz Islom filtridan, albatta, o’tishi kerak. Islom asoslaridan boshqa hamma ta’limot olinadi ham, tashlanadi ham. Mana shu eng sog’lom yechim o’zimiz uchun.
Kimgadir nasihat qilaman, desangiz, shaxsiy qarorim - chegaram. Qilayotganing harom, gunoh, Jahannamiylarni amali, desangiz, o’z amalimga o’zim javob beraman va hkz.
Yaxshilikka buyursangiz, yana shu hudud. O’zim bilaman qachon nima qilishni, hozir bunga ishonchim komil emas va hkz.
Biz amri ma’ruf va nahiy munkarga buyurildik. Bu vojib darajasida, musulmon faqat o’zi bilan o’zi bo’lmaydi. U muslih, isloh qiladi, tuzatadi, yaxshilik yoyilishiga hissa qo’shadi, yomonlik kamayishi uchun kurashadi. Munkarni qo’li, tili bilan tuzatishga urunadi. Uddalay olmasa, qalbida yomon ko’radi, qo’lidan kegancha qarshiligini bildiradi, shundayam bir ish chiqmasa shu munkar jamoat, ishni tark qiladi, uzoqlashadi. Bo’tqani ichida “o’z sog’lom fikrimga egaman”, deb yashayvermaydi.
Ka’b ibn Molik (roziyallohu anhu) va Tabuk g’azoti voqeasini hammamiz bilamiz. Asossiz bahona bilan g’azotdan qoladilar, keyin Rosululloh sollollohu alayhi vasallamning buyrug’iga binoan sahobalar u kishini ancha muddatga tark qilishadi: salomlashmaydi, gapirmaydi, ayollariga ham xizmatlarini qilmaslik buyuriladi. Ish qanaqa holatda, tasavvur qilavering. U kishi sahoba, munofiqmasdi. Toki oyat tushmaguncha bu hol davom etadi. Maqsad o’sha uchta sahobani moralniy ezishmidi? Yo nafsoniy bir hukmni o’tkazishmidi? Shariat bizni iztirobga tushishimizdan, shunchaki, dilimiz siqilishidan manfaatdormas. Allohga bizni qiynash nega kerak? Hammamiz tafsilotan bilmasak ham bu yerda bir hikmat borligini his qilamiz. Shubhasiz, ayni shunday. Tarbiyalash bo’lgan maqsadlardan biri. Kelinglar, Ka’bni shaxsiy hududini hurmat qilaylik, u tanlov qildi, biz uni shaxsiy chegarasiga aralashmaylik, deyilmadi. Balki yaxshigina jazo berildi ham.
Bunaqa holatlar ko’p siyratda. Islom mezon bo’lmasa, mezon boshqa bir botil narsa bo’ladi. Siyrat ko’p o’qish kerak.