🌺ГЎЗАЛ ФАРИШТАЛАР🌺

​​📝​Йиғламасдан ўқий олмайсиз...

Бир кишига қўнғироқ қилиш сабаб, телефоним контактидан унинг рақамини қидирар эканман, бошқа рақам эгасига кўзим тушиб қолди. Кўзим тушди-ю, этим жимирлади, бутун вужудимни қайғу қамраб олди. Бу рақам эгаси билан туғилганимдан буён бирга эдим. Ўн ой аввал ҳам кунда кун олис суҳбатлашиб турардик.

Рақамга кўзим тушаркан, аламли хотиралар бирин-кетин кўз олдимдан ўта бошлади. Чидаб бўлмади, ўпкам тўлиб кетди, чуқур-чуқур хўрсинардим. Афсус чекардим. Бу рақам эгаси, менинг раҳматли падари бузрукворим эди.
Манашу рақамдан дадам хаётликларида, ҳар доим ҳам эмас, онда-сонда:
— Иқболжон болам, телефонимни пули тугаб қолади-да, иложи бўлса беш-ўн минг пайнет қилиб юборгин, — дердилар.
— Хўп бўлади, дада.

Алам қиладигани, армон қиладигани, баъзи-баъзида ўзим билан ўзим бўлиб (дунёвий ташвишларга берилиб), айтган илтимосларини унутиб қўйган кунларим бўлганди. Ўзлари телефонларига пул тушириб, яна қўнғироқ қилардилар. Телефон экранида рақамларини кўришим билан бояги илтимослари ёдга тушиб, "эҳ эсимдан чиқибди-ю" деганча коловланиб, қўнғироқни олганимда:
— Иқболжон! Хавотир олма, ўғлим, ўзим пул тушириб олдим, ишларингни қилавер, фақат эҳтиёт бўлгин! Бошинг омон бўлсин! — деб дуо қилиб қўярдилар.

Аламли хотираларни ёдга олар эканман, қанчалар бепарво эканлигимдан хафа бўламан, ўпкам тўлиб, кўзларимдан ёш думалаб, экрандаги "Дадам" деб ёзилган телефон рақамига думалайди. Хаёлга бериламан. Қани энди хозир шу рақамдан қўнғироқ бўлсайди, 34 йиллик таниш овоз жаранглаб:
— Ўғлим, яхшимисан? Ишларинг бўляптими? Қийналмаяпсанми? Бизлардан хавотир олма, биз яхшимисиз, ўзингни эҳтиёт қил, болам! — десалар.

Йўқ, энди қўнғироқ бўлмайди! Қўнғироқ бўлмаслигини билганим учун ҳам бугун чуқур қайғудаман! Жаннатларда кўришишлик насиб қилсин, дадажон!

P.S.: Ота-онаси ҳаёт бўлган дўсти биродарларим, сизлар бахтлисизлар! Ҳаммаси ўз қўлингизда, имкон борлигида уларга эътиборсиз бўлманглар! Сиз учун оддий кўринган, анашу пайнет мисол кичик ҳолатлар, улар ўтгандан кейин катта бир армон бўлиб қоларкан. Ҳар қандай ишни йиғиштириб бўлса ҳам уларнинг, хоҳ катта бўлсин, хоҳ кичик илтимосларини қўлларингдан келганча бажо келтиринглар, кейин жуда-жуда кеч бўлади...
Иқбол Юсуф.

🚀Яқинларингизга юбориб қўйинг. 💞💞💞💞💞


     🌺ГЎЗАЛ  ФАРИШТАЛАР🌺
          каналимизга уланинг
         👇
        @farishtalar_14|#ҳикоя

ҚАРҒИШМИДИ.....
( воқийлик асосида ёзилди)

Бисмиллаҳир Роҳманир Роҳийм...
Ассалому алейкум азизларим...
Соғ саломатмисизлар...
Бу ҳикоямни Аля холамни суҳбати асосида ёздим....
Роза жудаям гўзал ва жозибадор аёл эди. У бўлажак турмуш ўртоғи билан танишганда, йигит бир кўришдаёқ севиб қолганди. Орадан кўп ҳам вақт ўтмасдан тўйлари бўлиб ўтди. Куёв болани отаси янги уй совға қилди уларнинг тўйидан сўнг. Улар бахтли ва ширин ҳаёт билан яшай бошладилар. Роза фарзанд кўролмаслигини билишгандан сўнг , аста секин уларнинг ўртасидаги севги муҳаббати сўна бошлади. У кундан кун сўна бошлади. Медицина терминларида нима дейилишини билмайманкуя, аммо Роза болани кўтаролмас экан. Меҳрибонлик уйидан бола асраб олишни у ҳоҳламади. Буюртма билан бола туғиб берадиган оналар, у пайтлари мавжуд эмасди. Аёл депрессия ҳолатига тушиб қолди. Эри қовоғини уядиган, қўпол бўлиб қолди. Қайнонаси доим авлодини давомчисини туғиб беролмаган келинни гапирар, унга ҳатто қўшниларга ҳам ғийбат қилар эди. Қайнонаси унга туғмас хотин деб ном қўйиб олди.
Шундан сўнг уларнинг ўртасидаги муносабатлар ёмонлашди. Эри ишдан жуда кеч келадиган бўлди, ҳатто баъзида тонгга яқин келарди. Роза эри бирортасини топиб олганлигини сеза бошлади. Гапиролмасди, тили қисиқ эди. Ҳатто эрининг опаси ҳам келинига укаси яхши бир аёлни учратганини, унга уйланишини ва ўша бўлажак келини унга бола туғиб беришини айта бошлади. Роза бу гаплардан баттар сиқиларди.
Кундан кун уларнинг оиласи бузилишга қараб бораётганини сезарди. Врачлар охирги текширувдан сўнг батамом бола туғолмаслигини унга баралла айтишди. Оиласи бузулишини ҳечам ҳоҳламасди. Чунки у эрини жудаям яхши кўрарди. Аммо уни ёнида қолишини энди уддалолмасди.
Кунлардан бир куни уйида хоналарни супир сидир ишларини бажараётганида эшик қўнғироғи чалиниб қолди. Эшик ёнига бориб, тирқишдан қараганди, эшик ташқарисида бир лўли аёлча турганини кўрди. Унинг қўлида эмизикли болачаси ҳам бор экан.
Роза эшикни ҳоҳламайгина очди.
Лўли аёл кўринишидан 40- 45 ёшлар чамасида эди. Бўйи чўзиқ, сочлари чиройли, оддийгина кийиниб олган. Роза билан салом алик қилиб сўрашдида, боласини иштончаси алмаштириб олишини сўради. Чунки ташқари анчагина совуқроқ эди. Розани олдин кўпчиликдан, агар уйига киргизса ҳамма нарсаларни ўғирлаб кетиши ҳақидаги гапларни эшитганди. Шу орада бироз жимликдан лўли аёл унинг юзига қараб :
-- Қўрқма синглим, менга ҳеч нарсанг керак эмас. Боламни иштончаси алмашираману кетаман.- деди.
-- Хўп киринг .- деди Роза.
Лўли аёлнинг бу гапларига бироз ажабландида, кейин ундан бир қадам ҳам узоқлашмаслигини ва бор нигоҳини унга қаратишини ўйлаб қўйди. Лўли аёл тезгина боласини иштончасини алмаштириб бўлди.
-- Синглим, бир қултум сув берасанми ичгани.- деди лўли аёл.
Мана бошланди деб дея кўнглидан ўтказди Роза. Лекин эмизикли боласи борлиги учун рози бўлди. Ошхонага лўли аёлни ҳам чорлади ва куҳнароқ чўмичга сув солиб берди. Ўша эски чўмич(крушка) рўзғорда деярли ишлатилмасди. Роза лўли аёлга сув бериб бўлгач, ахлатга ташлаб юборишни ўйлаганди. Лўли аёл сув ичаётган маҳал болачаси йиғлай бошлади. Сувни тезгина ичиб олдида, боласини овутиш учун қўлида тебратди. Болача баттар шовқин солиб йиғлай бошлади.
-- Қорни очди шекилли,- дегач,
Роза ҳозир барибир яна рухсат сўрайди шу учун ҳам деган хаёл утиб :
-- Майли болангизни эмизиб олинг, кейин тезроқ жўнанг, мени ишларим бор.- деди.

Давоми бор эртага 13-29 га

🚀Яқинларингизга юбориб қўйинг. 💞💞💞💞💞


     🌺ГЎЗАЛ  ФАРИШТАЛАР🌺
          каналимизга уланинг
         👇
        @farishtalar_14|#ҳикоя

​​— Ундан кўра, пенсиянинг қолганини чўзинг! Қани қолгани? Қай бурчакка беркитдингиз?
— Пенсия? — Қўчқор ота илкис бошини кўтарди. — Ҳаммасини тийин-тийинигача ўзингга бердим-ку тунов куни!
— Ёлғон гапирманг! — ўшқирди Мирзали оғзидан тупук сачратиб. — Ярмисини опқолгансиз. Ё мениям ўзингизга ўхшаб кўр деб ўйлайсизми-а?
— Худо асрасин! Астағфирилло де! Битта мен кўр бўлдим, етар! Сени худонинг ўзи асрасин!..
— Берасизми-йўқми пенсияни?
— Ахир… — Қўчқор ота беихтиёр йиғламсираб кўкка бош кўтарган кўйи икки қўлини баланд кўтарди. — Алдаётган бўлсам, худо урсин, болам!
Мирзали бир муддат отасига нафрат аралаш қараб турди-да, кутилмаганда ёқасига чанг солди. Кучли қўллар зарбидан сал қурса Қўчқор отанинг нафаси қайтаёзди.
— Вей, бобой, — деди хириллаб Мирзали ора-сирада атрофга аланглаб оларкан. — Мен бугун қиморда ютқазиб қўйдим! Бир миллион сўм ютқаздим. Тушуняпсизми?
— Б-болам, — дея олди аранг Қўчқор ота. — Менда… Пул йўқ, ишон! Бўлса, сен ёлғизимдан аярмидим?
— Ҳар сафар доғулилик қилиб қутулмоқчи бўласан! — отани “сен”лаб маҳкамроқ бўғди Мирзали. — Дуониям қотирмайсан! Агар чин юракдан дуо қилганингда, мен қиморда ютқазмасдим. Ҳар куни менга милёнерлар йўлиқиб, пулини олдирарди. Ҳа-а, билама-ан, қарғайсан ичингда, қарғайсан! Бири икки бўлмасин деб қарғайсан!..
— Қарғасам, қўл-оёқларим шол бўлиб қолсин, жон бола-ам! — зорланиб йиғларди ота. — Қўйворгин энди! Пулим йў-ўқ! Йў-ўқ!!!
— Ёлғо-он! Сен шайтоннинг қулиса-ан! Шунинг учун сени худо кўр қилган!..
Шундай деб ҳайқирган кўйи Мирзали отасини куч билан итариб юборди. Қўчқор ота учиб бориб боши билан ток устунига урилди. Шунда ҳам қарғанмади. Миқ этмади. Овоз чиқарса, ўғли яна дўппослаб қолишидан қўрқиб ётган ерида юм-юм йиғлади. Орадан бир муддат ўтгач, сал ўзини ўнглаб қулоқларини динг қилди. Афтидан, Мирзали чиқиб кетгандек туйилди. Яқин орада унинг шарпаси сезилмади.
Қўчқор ота барибир қўрқа-писа қаддини кўтарди ва пайпаслаб ҳассасини қидирди. Топа олмагач, енг-тўшига ёпишган қумларни қоқа-қоқа инқиллаб ўрнидан турди. Зарб кучли бўлганидан, боши лўқиллаб оғрир, икки оёғи ари чаққан каби жизиллаб азоб берарди.
— Эҳ, болам-а, — дея кўкка боқиб шивирлади Қўчқор ота. — Бекор қилибсан-да қимор ўйнаб! Шу қурғурни ўйнамасанг бўларди-ку!.. Йўқ, мени урганингга заррача дилим оғримади. Онанг раҳматлининг йўқлиги алам қилди, холос. Онанг тирик бўлса, ура олмасдинг мени! Онангдан ҳайиқардинг. Майли, илойим, ўлмаги-ин! Доғингни кўрсатмаси-ин! Ўзинг хоҳлаганча ка-атта пул топгин! Аммо ўша ҳаром пулни сенинг қўлларинг тутмасин, бола-ам!..
Бу кўзлари ёруғ дунёни кўришдан бенасиб отанинг қалб нидолари эди.
Қўчқор отанинг нидосидан гўё ер-у кўк титраб кетгандек бўлди…
Ҳа, ота барибир ўғлини қарғамаганди Аксинча, астойдил дуо қилганди. Худо ваҳшийликни кечира олмади. Мирзали шу куни билмай, муштумзўр, каллакесар йигитларнинг киссасига тушиб қўйибди. Улар тўпланишиб, Мирзалини уриб эзиб ташлашди…
Аср намозидан сўнг Мирзалини қишлоқ қабристонига дафн этишди.
Олимжон ҲАЙИТ

🚀Яқинларингизга юбориб қўйинг. 💞💞💞💞💞


     🌺ГЎЗАЛ  ФАРИШТАЛАР🌺
          каналимизга уланинг
         👇
        @farishtalar_14|#ҳикоя