Orenburg viloyatida toʻgʻon buzildi. Odamlar evakuatsiya qilinmoqdaOrenburg viloyatining Orsk shahrida toʻgʻon buzildi. Shahar va unga yaqin aholi punktlari aholisi zudlik bilan sel zonasidan evakuatsiya qilinmoqda.
TASS manbasiga koʻra, toʻrt mingga yaqin xususiy turar-joy binolari suv toshqini zonasiga tushishi mumkin.
Mash telegram kanali xabariga koʻra, Orskdagi butun Eski shahar va Nikel qishlogʻini zudlik bilan evakuatsiya qilish eʼlon qilingan.
Viloyatning uch mingdan ortiq aholisi avvalroq suv toshqini tufayli evakuatsiya qilingan edi, deb yozadi “TASS”. Viloyatda 5-aprel holatiga koʻra, 95 ta aholi punktida 1825 ta turar-joy binosi va 5242 ta tomorqa yerlari suv ostida qolgan.
Orsk 200 mingga yaqin aholisi boʻlgan Orenburg viloyatidagi ikkinchi yirik shahardir.
Instagram |
Telegram