𝒁𝒂𝒌𝒊𝒚𝒚𝒂𝒖𝒛

РАМАЗОННИНГ БОШҚА ОЙЛАРДАН ФАРҚИ НИМАДА?

🔸Бу ойда Қуръони карим нозил бўлган;

🔸Бу ойда (шу боис) хатми Қуръон қилинади;

🔸Бу ойда Аллоҳнинг раҳмати ёғилади;

🔸Бу ойда мусулмонлар рўзадор бўладилар;

🔸Бу ойда минг ойдан афзал бўлган қадр кечаси бор;

🔸Рамазон ойи сабр ойи;

🔸Дуолар мустажоб бўладиган ой;

🔸Рўза тутиш сабаб тақво ҳосил қилинади;

🔸Рўза инсонга нафсни тийишни ўргатади;

🔸Рўза туфайли инсон руҳияти покланади;

🔸Рўза туфайли инсон тани покланади;

🔸Рўзадорнинг тили ғийбат, буҳтон,чақимчилик каби гуноҳлардан тийилади;

🔸Рўзадорда риё бўлмайди;

🔸Унинг қулоғи бу ойда гуноҳларни “эшитмайди”;
Унинг кўзлари гуноҳ нарсаларни “кўрмайди”;

🔸Рўзадорнинг қўллари гуноҳ ишларни қилмайди;

🔸Унинг оёқлари гуноҳ жойларга бормайди;

🔸Рўзадор саҳарлик қилиб баракага эришади;

🔸Рўзадорнинг оғзидан келадиган ҳид Аллоҳ таолонинг наздида мушки анбардан ҳам хушбуйроқ бўлади;

🔸Рўза қалбни камтарин, тавозели қилади;

🔸Бу ой тавбалар қабул бўлувчи ой ҳисобланади;

🔸Бу ой мағфират ойидир;

🔸Жаннат эшиклари очиб қўйилган ойдир;

🔸Дўзах эшиклари ёпиб қўйилган ойдир;

🔸Шайтонларга кишан солиб қўйилган ойдир;

🔸Рамазон – бандани Аллоҳга энг яқин қиладиган ой;

🔸Бу ой – саховат ойи;

🔸Бу ойда қилинган яхшиликлар савоби ўн баравардан еттиюз бараваргача кўпайтириб ёзилади;

🔸Рамазон – садақа ва эҳсонлар қилинадиган ой;

🔸Муҳтожларга ёрдам қўли чўзиладиган ой;

🔸Бу ойда закот бериб, ҳақдорлар хурсанд қилинади;

🔸Фитр садақаси берилиб, мискинлар дуоси олинади;

🔸Закот берувчи кишининг моли покланади;

🔸Закот берувчининг молига барака киради;

🔸Бой билан камбағал ўртасидаги гина, адоват йўқолади;

🔸Қариндош-уруғчилик алоқалари мустаҳкамланади;

🔸Рўзанинг мукофотини Аллоҳнинг Ўзи беради, яъни рўзадорга бериладиган савоб ва яхшиликлар миқдорини Аллоҳдан бошқа ҳеч ким билмайди;

🔸Рўзадор Раййон номли эшикдан жаннатга киради.

#Улашинг Каналга обуна бўлиш учун линкни босинг 👇
•••••┄┄┄┄༻❅༺┄┄┄┄•••••
https://telegram.me/joinchat/AAAAAFk2z10QuO0y0PuZKQ

# Мақола
Рамазоннинг фазилати
Алҳамдулиллаҳ! Бу йилги рўза ўзининг файзу барокати билан ўзгача.

Ҳидоят, хайрия, хурсандчилик билан бирга кўкламни, баҳорни олиб келмоқда. Дошқозонларда сумалаклар. Ҳар бир маҳаллада рамазонга тараддуд, шод хуррамлик. Ҳовли жойлар тозаланаётган. Кўчалар, боғларда ўзгача тароват.

Росули Акром соллаллоҳу алайҳи ва саллам дуоларига ошифта қалблар ҳам Ражаб ва Шабонда барака тилаб, муборак Рамазонга етди. Аллоҳнинг раҳматидан умидвор қалблар покланадиган ойдир бу. Дўзах эшиклари ёпилиб, жаннат эшиклари очиладиган, гуноҳлар ювиладиган ойдир.

Аллоҳ таоло Қуръони каримнинг Зориёт сураси, 50-оятида шундай марҳамат қилади: "Нажот Аллоҳ таолога қочишдадир. Бас, Аллоҳга қочинглар!" Азизлар! Фақат Аллоҳга қочадиган, истиғфор ва тавбада ихлос ила бардавом бўлиб, ажр савобларни кўпайтириш имконидамиз.

Лаҳзаларни ғанимат билайлик. Саховат, мурувват, савоблар мўл бўлган ва тавба эшиклари очилиб, гуноҳлар кечириладиган муборак Рамазондир бу! Абу Ҳурайра розияллоҳу анҳудан ривоят қилинган хадисда: "Ким рамазон рўзасини имон билан ва савоб умидида тутса, олдинги ва кейинги гуноҳлари кечирилади" дейилган.

Рўза фақат ейиш-ичишдан тийилишгина эмас, маънавий ибодат ҳамдир. У инсонни улуғ мартабаларга кўтаради. Аллоҳ таоло қудсий хадисда айтади: "Кимда-ким Мен харом қилган нарсалардан аъзоларини тиймаса, менинг учун рўза тутиб, таом ва ичимликдан тийилишига хожат йўқ". Ёмон ишлардан ва харом луқмадан тийилмасдан туриб, тутилган рўзада, хайр ҳам, савоб ҳам бўлмайди.

Пайғамбаримиз алайҳиссалом:" Қанчадан-қанча рўзадорлар оч ва чанқоқ қолдилар ", деб марҳамат қилганлар. Яъни, фақат очиққанлари, чанқаганлари қолди. Гуноҳлардан тийилмаганлари боис, ҳеч бир савоб ололмадилар.

Демак, Рамазон ойида мусулмоннинг бутун вужуди билан бирга қалби ҳам рўза тутмоғи, хатто, ўй фикри, кўнгли рўзадор бўлмоғи зарур ва муҳим экан. Биз бу ойни қадрласак, яхшиликларни, савобли амалларни қанча кўпайтирсак, меҳр-оқибат кўрсатсак, Яратганнинг Ўзи бизни турли бало-офатлардан, ёмонликлардан асрайди. Элини, юртини қадрлайдиган доно юртбошимиз бошчилигида давлатимиз қонунчилигида инсон манфаатини, қадрини барча нарсадан устун қўйилиши, айни Аллоҳ буюрган яхшилик, Расулимиз алайҳиссалом суннатларига эргашиш тимсолидир.

Ҳар бир амалимизда хавф ва ражода бўлишликни насиб қилиб, умид ила Рамазон рўзасини бекаму кўст тутишлик ниятимизни қабул қилиб, Аллоҳ таоло сиддиқлар рўзаси қаторига қўшсин. Яратгандан куч-қувват, соғлик, авф ва офият сўраб қоламиз.

Мингбулоқ тумани расмий отин ойиси
Абдураҳманова Ҳалимахон
Манбалар асосида тайёрлади.

https://t.me/zakiyyauz.

#мақола

Баҳор — янгиланиш ва яратувчилик фасли

Аллоҳ таоло бандаларига ўзининг улкан марҳаматларидан бири сифатида баҳор фаслини ато қилган. Бу фаслда табиат уйғонади, ер юзи гўзаллик ва яшилликка тўлади. Баҳор инсонларга нафақат кўнгилочар манзараларни тақдим этади, балки тақво ва шукроналикка чорлайдиган улкан ибрат ҳамдир.
Қуръонда ҳам баҳорга ишора бор.
Аллоҳ таоло марҳамат қилиб шундай деб буюради:

«Аллоҳ шамолларни юборувчидир. Бас, улар бир булутни кўтарар. Бас, Биз уни (булутни) бир ўлик шаҳарга ҳайдаб борамиз ва у (ер) билан (ўша ўлик шаҳарга) сув туширамиз ва (шу восита билан) у жойда ҳар турли меваларни етиштирурмиз. Мана шундай, ўликларни ҳам чиқарурмиз. Шоядки, эслаб қолсангиз».
(Аъроф сураси, 57-оят)

Бу оятда баҳорнинг ёмғирлари ва улар орқали ер юзининг қайта тирилиши инсоннинг ҳам охиратда тирилишига далил эканлиги таъкидланмоқда.
Ҳатто, ҳадисларда ҳам баҳорга ишора бор.
Расулуллоҳ (соллаллоҳу алайҳи васаллам) шундай деганлар:
"Қуръонни ўқинглар, зеро у баҳорий ёмғир сингари қалбларни тирилтиради".
(Доримий ривоят қилган)

Бу ҳадис бизга шундан дарак берадики, инсон қалби ҳам гўёки ер каби бўлиб, агар у қуриб, қаттиқ бўлиб қолса, Қуръон ўқиш орқали яна тирилиши ва юмшоқлигига эришиши мумкин.

Баҳор фасли бизни яратган Зотнинг қудрати ва марҳамати ҳақида ўйлашга чорлайди. Ундан ибрат олиб, қалбларимизни иймон нури билан тирилтиришга ҳаракат қилишимиз лозим.

Шунингдек, баҳорда табиатни асраш, покликка риоя қилиш, ва Аллоҳнинг неъматларига шукр келтириш ҳар бир банда учун муҳим амаллардан ҳисобланади.
Бу фаслда нафақат табиат, балки руҳий дунёмиз ҳам янгиланиши учун ҳаракат қилайлик!

Янгиқўрғон тумани расмий отинойиси Ойшахон Мадумарова манбалар асосида тайёрлади.

https://t.me/zakiyyauz.

# Мақола

Рамазон ойининг фазилати

Рамазон ойлар ичида энг афзали бўлиб, фазилатларга бойлиги билан ўн бир ойнинг султонидир. Бу ойда Аллоҳни раҳмати ёғилиб, мағфират этилган бандалар охир- оқибат дўзаҳдан ҳам нажот топганлари учун унинг дастлабки ўн кунлиги раҳмат, кейингиси мағфират, охирги ўн кунлиги эса дўзахдан нажот дейилади.
Аллоҳ Таоло: " Бас, сизлардан ким бу ойда ( ўз яшаш жойида) ҳозир бўлса, рўзасини тутсин " деб марҳамат қилган ( Бақара, 185- оят).

Пайғамбаримиз ( соллаллоҳу алайҳи ва саллам) бундай деганлар: " Аллоҳ таоло Рамазон ойи рўзасини фарз қилди. Мен унинг кечаларида ибодат қилишни суннат қилдим. Рамазон рўзасини тутиб кечаларида қоим бўлган одам онадан туғилган кунидаги каби гуноҳлардан фориғ бўлади ", дедилар.
Абу Ҳурайра ( розияллоҳу анҳу) -- дан ривоят қилинади:
" Пайғамбаримиз ( соллаллоҳу алайҳи ва саллам): "

Рамазоннинг биринчи туни бўлса, шайтонлар ва жинлар кишанланади, дўзах эшиклари ёпилиб, қайта очилмайди, жаннат эшиклари очилади ва қайта ёпилмайди. Ҳар тунда бир жарчи: " Эй яхшиликни истовчи, унга интилгин, эй ёмонликни хоҳловчи, ундан тўхтагин, ҳар кимса Аллоҳ изни билан дўзахдан озод бўлур ", деб нидо қилади", дедилар" (. Имом Аҳмад Байҳақий).

Роббим Аллоҳ ҳаммаларимизнинг ҳам танимизни сихат қилиб, шундай яхши ойда шифо ойида, раҳмату- мағфиратга лиммо- лим кунларида фарз ибодатларини адо этишда, рўзадорликда, эзгу амалларни бажаришда бардавом қилгин.

Тўрақўрғон расмий отин ойиси Ходжаева Рақибахон.
Манбаалардан фойдаланилди.

https://t.me/zakiyyauz.