Yurist Muzaffar 🛡

Маҳкумлар қизамиқдан қирғин хоҳлаганми?

Суд ҳукмига кўра, Наманган вилояти ҳудудида аҳоли орасида қизамиқ касаллиги кенг тарқалиб, эпидемиологик вазият кескинлашиб, бунинг натижасида 2023 йилда 1912 нафар, 2024 йил январь-февраль ойлари давомида 875 нафар фуқароларга қизамиқ касаллиги тарқалган, 25 нафар бемор қизамиқ касаллиги асоратида вафот этган.

Илгари сурилган айбловларнинг моҳиятига кўра, қизамиқ касаллиги аслида, айблов илгари сурилаётган, масъул шахсларнинг эҳтиётсизлиги оқибатида тарқалиб кетган.

Бироқ, суд ҳукмининг қарор қисми мазмунан бошқачароқ тўхтамни ифодалаб қўйган. Яъни, гўё-ки, судланувчилар эпидемиологик суриштирув ўтказиш, касаллик занжирини аниқлаш ва бартараф этиш чораларини қасддан кўрмаган, деб ёндашиб қўйилган.

Суднинг айнан шундай ёндашуви уларни, шу жумладан, икки нафар 60 ёшдан ошган врачларни суд залидан қамоққа олишга, алалоқибат эса, жазо сифатида озодликдан маҳрум қилишни танлашига хизмат қилган. Эҳтиётсизлик орқасида содир этилган деб баҳоланганида эди, қонун талаби (ЖК 50-м 10-қ) дан келиб чиққанда, балки озодликдан маҳрум қилиш жазосини танлашга ҳам асос қолмаган бўлар эди.

Биз суд ҳукмини таҳлилий кўриб чиққанимизда унда судланувчилар айнан ЖКнинг 257-1-моддаси 3-қисми билан малакаланган қилмишларини қасддан содир этган эканликларининг асосларини кўрмадик.

Шуни эътиборга олиниши керак-ки, ҳисоботларда касаллик фактларини қасддан яширганликка доир айбловдаги қасд масаласи бошқа мавзу ва бундаги қасдни ЖК нинг 257-1-моддасининг таркибини берувчи зарурий белгиларга ҳам қўшиб, талқин қилиниши хато.

Advokat Abdullayev
👉@yurist_muzaffar

Instagramda soʻrovnoma oʻtkazyabman qatnashib yuborizlar

Hozir Samarqanddaman. Boshqa viloyatlik obunachilarimdan taklif tushyabdi Samarqandni koʻrsating tarixiy joylarini deb.

Instagramda sizlar bilan onlayn va offlayn Samarqandga sayohat qilamiz

Qaysi joylarga borishimizni esa shu link orqali sizlar aniqlaysiz. Tez kirib belgilab chiqizlar

"Права" олиш учун бошқа вилоятга топширса бўладими? Сабаби бошқа жойда арзон

ЮРИСТ ЖАВОБИ

Бошқа вилоятда топшириш учун ўша вилоятда рўйхатда туриш лозим.

Ҳайдовчилик гувоҳномасини олиш учун фуқаролар доимий ёки вақтинчалик турар жойларидаги ҳудудий ЙҲХБнинг РваИОБларида имтиҳонлар топширади.

Асос: Ўзбекистон Республикаси Ички ишлар вазирининг буйруғи.2303-сон, 21.12.2011-й.

Шу сабабли бу масалада вилоят ички ишлар бошқармасига мурожаат қилишингиз мумкин

👉 @yurist_muzaffar

❗️ҲОРИЖГА ЧИҚИШ БИОМЕТРИК ПАСПОРТИ ҚАНЧА МУДДАТГА БЕРИЛАДИ ?

📄 Президентнинг 2018 йилдаги ПҚ-4079-сон қарори билан тасдиқланган Низомга асосан,

➖ хорижга чиқиш биометрик паспорти фуқароларга қуйидаги амал қилиш муддатларига берилади:

✅ туғилган кунидан бошлаб бир ёшгача — икки йил муддатга;

✅ бир ёшдан 25 ёшгача — 5 йил муддатга;

✅ 25 ёшдан ошган шахсларга — 10 йил муддатга.

❗️Амал қилиш муддати тугаганидан кейин хорижга чиқиш биометрик паспорти маълумотларни йиғиш пунктига топширилади.

👉 @yurist_muzaffar

Дунёнинг энг ривожланган давлатларида вояга етмаганлар неча ёшдан жиноий жавобгарликка тортилади?

Қуйида санаб ўтилган мамлакатлар қонунчилигига кўра, жиноят ёши:

АҚШ – 11 ёш
Ирландия, Нидерландия – 12 ёш
Португалия, Ҳиндистон – 12 ёш
Франция – 13 ёш
Россия, Германия, Италия, Австрия – 14 ёш
Хитой, Япония, Корея – 14 ёш
Польша, Норвегия – 15 ёш
Бельгия – 18 ёш


Ўзбекистонда умумий жавобгарлик ёши 16 ёш, жиноий жавобгарликнинг энг минимал ёши эса 14 ёшни ташкил қилади.

👉 @yurist_muzaffar

Ишсизлик нафақаси кимларга ва қанча миқдорда тўланади?

Меҳнат кодекси 64-моддасида ишдан маҳрум бўлган, биринчи марта иш қидираётган, шунингдек узоқ (бир йилдан ортиқ) танаффусдан кейин меҳнат фаолиятини қайта бошлашни истаган ва ишсиз деб эътироф этилган шахсларда ишсизлик нафақаси олиш ҳуқуқи белгиланган.

❗️Шунингдек,ушбу кодекс 65-моддасига кўра ишсизлик нафақаси ишсиз деб эътироф этилган шахсга у иш қидираётган шахс сифатида маҳаллий меҳнат органида рўйхатдан ўтган кундан эътиборан тайинланади.Ишсиз шахснинг нафақа олиш ҳуқуқи у иш қидираётган шахс сифатида рўйхатдан ўтган пайтдан бошлаб кечи билан ўн биринчи кундан эътиборан кучга киради.

Қоиданинг мазмунига кўра ишсизлик нафақаси фуқаро ишсиз деб рўйхатдан ўтган вақтдан бошлаб тўланиши шарт. Бунда ушбу нафақани тўлашни бошлаш узоғи 11 кундан ошмаслиги керак.

Шуни ҳам айтиш керакки, 65-модданинг иккинчи қисмига биноан ишсизлик нафақаси ўн икки ойлик давр ичида кўпи билан йигирма олти календарь ҳафта давомида тўланади.

Энди қаранг!Аҳоли бандлиги тўғрисидаги қонун 52-моддасига мувофиқ ишсизлик нафақаси ишсиз шахснинг аввалги иш жойидаги охирги бир йилдаги ўртача ойлик иш ҳақига нисбатан фоизда белгиланади. Бошқа ҳолларда ишсизлик нафақаси меҳнатга ҳақ тўлашнинг энг кам миқдорига нисбатан фоизда белгиланади.

✅ Демак, агар шахс аввал қайсидир ташкилотда ишлаб кейин ишсиз деб топилган бўлса,унга нафақа аввалги иш жойида сўнгги йилда олган ўртача ойлик иш ҳақининг 50 фоизи миқдорида(52-модда иккинчи қисми) тўланади.

💁‍♂ Соддароқ айтганда шахс ишдан бўшаган йилдаги унинг ўртача ойлик иш ҳақи 1.000.000 сўм бўлган бўлса, унга 500.000 сўм миқдорида ишсизлик нафақаси тўланади.

☝️Агар шахс аввал ишламаган бўлса, унда ишсизлик нафақаси меҳнатга ҳақ тўлаш энг кам миқдорининг камида етмиш беш фоизи миқдорида тўланади.

❗️Ҳозирда меҳнатга ҳақ тўлаш энг кам миқдори 1 155 000 сўм эканини ҳисобга олсак, бунда ишсизлик нафақаси 866 250 сўм миқдорида белгиланади.

Агар шахс аввал қаердадир ишлаган ишдан бўшаганига узоқ муддат бўлган бўлса (1 йилдан кўп), ишсизлик нафақаси меҳнатга ҳақ тўлаш энг кам миқдорининг бир баравари миқдорида (1 155 000) тўланади.

👉 @yurist_muzaffar

#Саволимбор

Мурожатчимиздан келган савол:

Ассалому алайкум, мен вояга етмаган фарзандим учун алиментга ариза бермоқчиман.Эрим бошқа вилоятда яшайди, мен ва фарзандим бошқа вилоятда яшаймиз.Шунда мен аризани эримнинг яшаш жойидаги судга беришим керакми?

📌📌 Ўзбекистон Республикаси Олий суди пленумининг "БУЙРУҚ ТАРТИБИДА ИШ ЮРИТИШНИ ТАРТИБГА СОЛУВЧИ ҚОНУН НОРМАЛАРИНИ ҚЎЛЛАШНИНГ АЙРИМ МАСАЛАЛАРИ ТЎҒРИСИДА"ги 4-сон қарорига кўра:

✅ Вояга етмаган фарзанднинг таъминоти учун алимент ундириш ҳақидаги талаб ундирувчи яшаётган жойдаги судга тақдим қилиниши ҳам мумкин.

Демак сиз бу вазиятда ўзингиз яшаётган жойдаги судга тақдим қилишингиз ҳам мумкин.


👉 @yurist_muzaffar

📊 Аҳоли сони энг кўп бўлган туман ва шаҳарлар топ ўнталиги

1. Наманган шаҳри - 713,4 минг киши

2. Самарқанд шаҳри - 595,8 минг киши

3. Ургут тумани - 572,6 минг киши

4. Андижон шаҳри - 492,4 минг киши

5. Денов тумани - 430,5 минг киши

6. Олмазор тумани - 412,0 минг киши

7. Пастдарғом тумани - 392,1 минг киши

8. Юнусобод тумани - 385,2 минг киши

9. Шайҳонтоҳур тумани - 369,9 минг киши

10. Асака тумани - 362,1 минг киши

Sizning tumanizda qancha aholi istiqomat qiladi yozib qoldiringchi ?
👉 @yurist_muzaffar

⚡️ ДИҚҚАТ

❗️АҲОЛИ УЧУН ГАЗ ВА ЭЛЕКТР БЎЙИЧА БУГУНГИ КУН ҲОЛАТИГА БЕЛГИЛАНГАН ЛИМИТЛАР ҚАНЧА ?

⚡️ САВОЛ:
Ҳозирги кунда аҳолига газ ва электр учун бир ойлик белгиланган лимит қанча ?

⚡️ЖАВОБ:
✏️ Негалигини балмайман, лекин ҳар-сафар газ ва электр энергияси учун белгиланган манашу лимитларга кўзим тушганида кайфиятим бузилади. Шундай пайтларда, "Сен ёлғиз эмассан тинчлан жигарим" деб ўзимни босаман. Бу саволга ҳам имкон қадар анашу босиқлик билан жавоб беришга ҳаракат қиламан.

📄 Вазирлар Маҳкамасининг 16.04.2024 йил кунги 204-сон қарорига асосан,

❗️Электр энергияси учун белгиланган ойлик тарифлар:

➖ ойига 200 кВт соатгача — 450 сўм;
➖ ойига 201 кВт соатдан 1 000 кВт соатгача — 900 сўм;
➖ ойига 1 001 кВт соатдан 5 000 кВт соатгача — 1 350 сўм;
➖ ойига 5 001 кВт соатдан 10 000 кВт соатгача — 1 575 сўм;
➖ ойига 10 001 кВт соат ва ундан юқори — 1 800 сўм этиб белгиланган.

❗️Табиий газ учун иситиш мавсумида белгиланган ойлик тарифлар:

➖ ойига 500 куб метргача — 650 сўм;
➖ ойига 501 куб метрдан 2 500 куб метргача — 1 500 сўм;
➖ ойига 2 501 куб метрдан 5 000 куб метргача — 1 950 сўм;
➖ ойига 5 001 куб метрдан 10 000 куб метргача — 2 275 сўм;
➖ ойига 10 001 куб метр ва ундан юқори — 2 600 сўм.

✏️ Бугун беихтиёр электр энергияси бўйича расмий ташкилотларимиз берган бир маълумотга кўзим тушиб қолди. Унда айтилишича, бир ҳонадонда 11 турдаги электр жиҳозлари ишлатилса, ойига 180 кВт ток сарфланар эмиш 👀 ийи, у қандай электр жиҳозлари эканки бир ойда атига 180 кВт электр сарфласа. Ўша 11 турдаги электр жиҳозларининг ўнтаси телефон "зарядчик"ларими дейман. Ха майли, маълумот расмий ташкилотлар томонидан берилганку тўғри бўлса керакда...

✏️ Биз бу ерда мавзуга ҳазил қўшиб гапиряпмиз. Лекин, ҳақиқий ҳаётда кам ойликка ишлаб юрганлар бу лимитларни қандай тўлаяпти экан. Ҳеч қаерда ишламаётганларчи. Умуман олганда лимитлар майли, аммо ўша лимитлар хам тўғри ишлаяптими йўқми. Лимит доирасидаги хисоб-китоблар адолатли бўляптими йўқми? Ҳақиқий ҳаётдаги реал ҳолатларни билиш бизга мавзуни ёритишимиз учун кўпроқ маълумот ва имконият беради. Ушбу масала бўйича кимда низоли ҳолатлар бўйича саволлари бўлса қуйида бизга ёзиб қолдиринглар!

👉 @yurist_muzaffar