Yunusobod tumani Oila va xotin-qizlar bo'limi

☑️Bugundan boshlab, Yunusobod tumanida “Ayollar daftari” bilan ishlash tizimining 6-bosqichini tashkil etish va amalga oshirish bo‘yicha xonadonma-xonadon yurilib, xotin-qizlarning muammolarini o‘rganish ishlari boshlandi.

☑️Mas’ullar mahallarda har bir oilaning moddiy imkoniyatlari, oilaviy ahvoli va imkoniyatlarini o‘rganib, "Ayollar daftari" ro‘yhati shakllantiriladi. Shu asosda xotin - qizlarning ijtimoiy himoyasi ta’minlanadi.

Yunusobod tumanida 2025 yilda «ayollar daftari»ga xotin-qizlar quyidagi 6 ta toifa bo‘yicha ro‘yxatga olinishi ko‘zda tutilgan:

✅1-toifa: Ijtimoiy himoyaga muhtoj ishsiz xotin-qizlar. Bunda bandligi ta’minlanmagan, ammo ishlash istagida bo‘lgan, daromad manbaiga ega bo‘lmagan ehtiyojmand xotin-qizlar kiritiladi;

✅2-toifa: Tadbirkorlik qilish istagida bo‘lgan ehtiyojmand xotin-qizlar. Bunda bandligi ta’minlanmagan, tadbirkorlik qilish istagida bo‘lgan ehtiyojmand xotin-qizlar kiritiladi;

✅3-toifa: Boquvchisi bo‘lmagan ehtiyojmand xotin-qizlar. Bunda boquvchisi vafot etgan yoki jazoni ijro etish muassasalarida saqlanayotgan yoxud ruhiy kasallikka chalingan, I va II guruh nogironligi bo‘lgan, shuningdek, boquvchisi bedarak yo‘qolgan hamda nikohi bekor qilingan ehtiyojmand xotin-qizlar hamda FHDYO organlarining ma’lumotnomasiga ko‘ra yolg‘iz ayollar kiritiladi;

✅4-toifa: Ijtimoiy yordamga muhtoj I va II guruh nogironligi bo‘lgan xotin-qizlar. Bunda mehnatga layoqatsiz, o‘zgalar parvarishiga muhtoj xotin-qizlar kiritiladi;

✅5-toifa: Uy-joyga muhtoj ehtiyojmand xotin-qizlar. Bunda noturar joylarda istiqomat qilayotgan, doimiy turar joyi yo‘q yoki turar joyida yashash uchun sharoiti bo‘lmagan, shuningdek, bir xonadonda 3 va undan ortiq oila bo‘lib yashayotgan, biroq o‘zining yoki birgalikda yashovchi oila a’zolarining nomida turar joy mavjud bo‘lmagan ehtiyojmand xotin-qizlar kiritiladi;

✅6-toifa: Qaramog‘ida nogironligi bo‘lgan farzandi mavjud ehtiyojmand xotin-qizlar. Bunda nogironligi bo‘lgan farzandini parvarishlayotgan ehtiyojmand xotin-qizlar kiritiladi.

Kanalga ulanish👇👇👇

https://t.me/yunusobodxotinqizlar