Ytittalaba

⚡️Mehnat yarmarkasiga marhamat!

Joriy yilning 20-fevral kuni Toshkent Kimyo xalqaro universitetida “Mehnat yarmarkasi” va shu bilan birga “Ochiq eshiklar kuni” bo‘lib o‘tar ekan.

Mehnat yarmarkasi davomida bir qator yetakchi kompaniya vakillari o‘zlarida mavjud bo‘lgan bo‘sh ish o‘rinlari bo‘yicha ma’lumot berishadi.

Talabalar va ayniqsa, bitiruvchi bosqich talabalar mazkur yarmarkada ishtirok etish orqali, ish beruvchilar bilan bevosita suhbatlashgan holda o‘z sohalariga aloqador ishga joylashishlari mumkin.

Shuningdek, kun davomida universitetdagi ayrim ta’lim yo‘nalish talabalari ijodidan lavhalar, ijodiy ishlar, ko‘rgazmalar va kitob yarmarkasi bo‘lib o‘tadi.

Kitobsevar yoshlar uchun kitob yarmarkasida ishtirok etish – yangi adabiyotlar va bestseller kitoblar bilan tanishish imkoniyatini taqdim etadi.

Batafsil

👉 @ytittalaba

⚡️“Men bitiruvchi bosqich talabasiman. Diplom olishim uchun universitetga qizil (загран) pasport berishim shartmi yoki yo‘q?”

Universitet taqdim etadigan diplomga ikki xil til – o‘zbek va ingliz tilidagi ma’lumotlar yoziladi.

Odatda, oddiy (yashil) pasportdagi ma’lumotlar ham o‘zbek va ingliz tilida yoziladi. Ammo, ayrim holatlarda yashil va qizil pasportdagi shaxsga doir ma’lumotlarda biroz farq bo‘lib qolish holatlari kuzatiladi.

Masalan, “Ahmedov” familyasi yashil pasportning ingliz tilida yozilgan qismida “Akhmedov” deb yozilgan bo‘lsa, qizil pasportda bu “Akxmedov” bo‘lib yozib qolingan bo‘lishi mumkin (albatta, bu juda kamdan-kam holatda kuzatilishi mumkin, ammo, amaliyotda kuzatilgan).

Shuning uchun, bitiruvchi bosqich talabalari ayniqsa, kelajakda o‘z o‘qishini chet el universitetlarida davom ettirish istagida bo‘lgan talabalar keyinchalik sodir bo‘lishi mumkin bo‘lgan ehtimoliy muammolarning oldini olish uchun tegishli dekanatlariga imkon qadar qizil pasport (загран паспорт) taqdim etishlari tavsiya qilinadi.

Oddiy (yashil) pasport o‘rniga ID kartadan foydalanadigan bitiruvchi bosqich talabalari esa qizil pasport topshirishlari shart. Diqqat bilan o‘qing, SHART! Sababi, ID kartadagi ma’lumotlar faqat o‘zbek tilida yozilgan bo‘ladi.

Agarda ID kartadan foydalanadigan talabalarda hali qizil pasport bo‘lmasa, tegishli idoralarga murojaat qilgan holda qizil pasport olish uchun tezroq ariza berib qo‘yishlari so‘raladi.

“Yo‘q, men qizil pasport olmayman, baribir chet elga ham chiqmayman, menga bor ma’lumotni qanday bo‘lsa shundayligicha yozib beraveringlar!” desangiz, unda bu bo‘yicha tegishli dekanatingizni ogohlantirib qo‘ying.

👉 @ytittalaba

⚡️Agarda siz ish so‘rab borgan biror korxona, tashkilot yoki vakolatli organ “Xususiy universitet diplomini qabul qilmaymiz!”, deb sizni qaytarib yuborsa, unda quyidagicha yo‘l tuting.

1. O‘sha rahbar yoki mansabdor shaxsdan asos so‘rang, qonuniy asosi bormi, qaysi qaror, qaysi qonun yoki qonunosti hujjati asosida bu gapni gapirmoqda.

2. Tabiiyki, birinchi savolga javob yo‘q, shunda siz o‘sha mansabdor shaxsga yozma murojaat qiling, qonun bo‘yicha u sizning murojaatingizga 15 kun ichida javob qaytarishi kerak.

3. Bu savolga odatda javob berilmaydi, berilgan taqdirda ham qonuniy asos yo‘q bo‘lsa, nima deb javob beradi?

4. O‘zingiz tahsil olayotgan xususiy oliygohdan o‘sha mansabdorga nisbatan rasmiy xat qilishlarini so‘rang, bu ikki tomonlama ish bo‘ladi.

5. Hech qanday javob berishmasa, sudga murojaat qilib rahbarni javobgarlikka torting, chunki u o‘z vazifasini suiiste’mol qilmoqda.

Ma’lumot o‘rnida: O‘zbekiston Respublikasida litsenziya asosida faoliyat yuritadigan nodavlat (xususiy) universitetlar diplomi davlat universiteti diplomi bilan bir xil kuchga ega.

Nodavlat (xususiy) universitet diplomlari O‘zbekiston Respublikasi hududida to‘laqonli tan olinadi.

👉 @ytittalaba

⚡️“Fail(lar) bilan boshqa universitetga perevod qilsam bo‘ladimi?”

Odatda 1-semestr yakuni bo‘yicha Fail’ingiz bo‘lmasa, bemalol boshqa OTM’ga o‘qishni ko‘chirishingiz mumkin.

Ya’ni, 2-semestrdagi fanlardan Fail mavjudligi perevod uchun juda katta rol o‘ynamaydi. Ammo, 1-semestrda mavjud bo‘lgan Fail(lar) yo‘lingizni to‘sadi.

Lekin, shunda ham avvalo, siz o‘qishni ko‘chirmoqchi bo‘lgan universitet sizni Fail bilan qabul qilishga rozi bo‘lsagina perevodni amalga oshirishingiz mumkin.

Masalan, odatda ba’zi universitetlar akademikqarzdor talabalarni o‘qishga qabul qilmaydi. Yoki, qabul qilsa ham fanlarni qaytadan o‘zlashtirish sharti bilan qabul qilishadi.

Tashqi perevod masalasida universitetning hech qanday qarshiligi yoki to‘siqlari yo‘q. Agarda qandaydir muammo bo‘ladigan bo‘lsa, buning hammasi o‘zingizga bog‘liq bo‘ladi.

Xullas, agarda haqiqatda o‘qishingizni boshqa davlat yoki nodavlat universitetga ko‘chirish maqsadingiz bo‘lsa, imkon qadar Fail(lar)ingizni hozirdanoq yopishga harakat qiling!

Tashqi perevod jarayonlari taxminan 15-iyul sanasidan boshlanadi. Demak, Fail(lar)ingizni ana shu muddatgacha yopishingizni tavsiya qilaman.

👉 @ytittalaba

⚡️“Men yozda o‘qishimni ko‘chirmoqchi edim. Bir vaqtning o‘zida ham ichki, ham tashqi perevod uchun ariza yoza olamanmi?”

Avvalo, ichki va tashqi o‘qishni ko‘chirish (perevod) masalasiga qisqacha ta’rif berib o‘tsam. Demak:

Ichki o‘qishni ko‘chirish (perevod) – bu universitetda mavjud bo‘lgan ta’lim yo‘nalishlari va ta’lim shakllari bo‘ylab o‘qishni o‘zgartirish;

Tashqi o‘qishni ko‘chirish (perevod) – bu bir oliygohdan boshqa bir davlat yoki nodavlat oliygohlari bo‘ylab o‘qishni o‘zgartirish.

Odatda, o‘qishni ichki va tashqi ko‘chirish (perevod) jarayonlari bir vaqtda (yoz faslida) boshlanadi.

Agarda siz ham ichki, ham tashqi perevod uchun ariza qoldirmoqchi bo‘lsangiz, buning iloji bor. Ya’ni qanday?

Ichki o‘qishni ko‘chirish (perevod) uchun tahsil olayotgan yo‘nalishingizning tegishli dekanatiga murojaat qilasiz va o‘qishni ko‘chirish uchun ariza qoldirasiz, bo‘ldi.

Shu paytning o‘zida, tegishli dekanatingizdan transkript olasiz (transkript olishdan avval maxsus sayt orqali ariza qoldirishingiz zarur) va ushbu transkript hamda bir nechta shaxsiy hujjatlaringizni my.uzbmb.uz saytidagi “O‘qishni ko‘chirish” bo‘limi orqali ro‘yxatdan o‘tkazasiz.

Mana shu orqali siz ham ichki, ham tashqi perevod uchun ariza qoldirgan hisoblanasiz.

👉 @ytittalaba

⚡️Onlayn qayta topshirish imtihonlari bilan bog‘liq eng oxirgi post. Boshqa bu mavzuga qaytilmaydi!

Joriy yilning 24-fevral sanasidan 5-mart sanasiga qadar akademikqarzdor talabalar uchun onlayn qayta topshirish imtihonlari bo‘lib o‘tadi.

Mazkur onlayn qayta topshirish imtihonlari faqat test shaklida topshiriladigan fanlar bo‘yicha tashkil etiladi. Imtihonda ishtirok etish mutlaqo bepul va ixtiyoriy.

Onlayn imtihonlarda ishtirok etish uchun ariza yozish yoki to‘lov amalga oshirish shart emas. Imtihonlar universitet o‘quv bo‘limi tomonidan akademikqarzdor talabalar uchun avtomatik qo‘yib beriladi.

Imtihon jarayonlari newtest.kiut.uz sayti orqali tashkil etiladi va unda ishtirok etish uchun bir marotaba imkoniyat taqdim etiladi.

Mazkur sayt ma’lum bir imtihon kunlari kech soat 20:00 dan 23:59 gacha ish faoliyatida bo‘ladi. Talabalar o‘zlari uchun belgilangan imtihon kunlari va belgilangan vaqt ichida imtihon topshirishlari talab etiladi.

Onlayn qayta topshirish imtihonlarida baholash tizimi 60 ballik me’zonda hisoblanadi. Ya’ni, imtihonda to‘planishi mumkin bo‘lgan minimal (o‘tish) va maksimal (eng yuqori) ball miqdori – 60 ga teng.

Talablarda imtihon jarayonlarida ishtirok etish majburiyati yo‘q. Agarda sizga onlayn imtihon qo‘yib berilgan bo‘lsa-yu, undagi ayrim talablar (masalan, baholash me’zoni) sizga ma’qul kelmagan bo‘lsa – shunchaki imtihonda ishtirok etmasligingiz mumkin.

Bu sizning keyingi holatingizga mutlaqo ta’sir qilmaydi. Ya’ni, vaziyatingiz xuddi avvalgidek o‘z joyida qoladi.

Ayni paytda onlayn qayta topshirish imtihonlari bilan bog‘liq barcha ma’lumotlar student.kiut.uz saytidagi “Exam Schedule” bo‘limiga joylashtirilgan.

Ushbu bo‘limda imtihon topshirilishi kerak bo‘lgan fan nomi, imtihon topshiriladigan sayt, imtihon o‘tkaziladigan kun va imtihonda ishtirok etish uchun maxsus login-parollar ketma-ketlikda ko‘rsatib o‘tilgan.

Talaba ushbu bo‘limda unga nechta fan bo‘yicha imtihon qo‘yib berilgan bo‘lsa, faqat o‘sha fanlardan imtihon topshira oladi xolos.

👉 @ytittalaba

⚡️“Onlayn qayta topshirish imtihonlarida kimlar qatnasha olmaydi?”

Onlayn imtihon jarayonlarida 4 turdagi talabalar qatnasha olishmaydi. Bular:

– shaxsiy kabineti yopiq (No Entry) bo‘lgan talabalar;
– kafedra tomonidan ayrim imtihonlarga ruxsat berilmagan (недопуск) bo‘lgan talabalar;
– akadamikqarzdorlik yozma yoki loyiha ishida topshirilishi kerak bo‘lgan talabalar;
– hech qanday akademikqarzdorlik (Fail) mavjud bo‘lmagan talabalar.

Shaxsiy kabinetida “No Entry” yozuvi bor bo‘lgan talabalar mazkur masalani hal qilish uchun tegishli dekanatlariga murojaat qilishlari so‘raladi.

Ayrim fanlar bo‘yicha imtihonlarga qo‘yilmagan (недопуск) talabalar agarda onlayn qayta topshirish imtihonlarigacha bu fanlarni bartaraf qilishgan bo‘lsa, uni asoslovchi hujjat (ya’ni, fan o‘qituvchisining bildirishnomasi)ni dekanatga taqdim etishlari lozim.

Yozma, og‘zaki va loyiha ishi shaklida topshiriladigan fanlar bo‘yicha onlayn qayta topshirish imtihonlari o‘tkazilmasligi avval ham aytib o‘tilgan edi. Demak, bu masala bo‘yicha hech qayerga murojaat qilish shart emas, chunki baribir foydasi yo‘q.

Akademikqarzdorligi mavjud bo‘lmagan talabalar esa, tabiiyki onlayn qayta topshirish imtihonlarida ishtirok etishmaydi, chunki bunga hojat ham yo‘q.

👉 @ytittalaba

⚡️“Menga onlayn imtihon qo‘yib berilmabdi. Endi nima qilsam bo‘ladi?”

Ayni paytda an’anaviy tarzda o‘tkazildigan qayta topshirish imtihonlariga ariza yozish davom etmoqda!

Talabalar qayta topshirish imtihonlariga ikki xil shaklda – onlayn va oflayn tarzda ariza yozishlari mumkin.

Onlayn tarzda ariza qoldirish istagida bo‘lgan talabalar mana bu havola orqali kerakli ma’lumotlarni to‘ldirishlari lozim.

Oflayn tarzda ariza qoldirish istagida bo‘lgan talabalar esa universitetning A 305-xonasiga murojaat qilishlari mumkin.

Qayta topshirish imtihonlariga ariza yozgan talabalar uchun imtihon jarayonlari haftaning ikkinchi qismida – payshanba yoki juma kuni qo‘yib beriladi.

👉 @ytittalaba

⚡️Onlayn qayta topshirish imtihonlari to‘g‘risida ma’lumot olish uchun sayt – student.kiut.uz

Onlayn qayta topshirish imtihonlari bo‘lib o‘tadigan sayt – newtest.kiut.uz

Qayta topshirish imtihonlariga onlayn tarzda tayyorgarlik ko‘rish uchun sayt – cabinet.kiut.uz

👉 @ytittalaba

⚡️“Men uchun onlayn imtihon qo‘yib berilibdi. Endi imtihonga qanday tayyorlansam bo‘ladi?”

Qayta topshirish imtihonlariga cabinet.kiut.uz sayti orqali onlayn tarzda tayyorgarlik ko‘rsangiz bo‘ladi.

Mana bu havola ostida cabinet.kiut.uz saytiga qay tartibda kirish kerakligi batafsil tushuntirib o‘tilgan.

👉 @ytittalaba

⚡️Onlayn qayta topshirish imtihonlari umumiy 9 kun davom etadi. Lekin bu – siz ketma-ket 9 kun imtihon topshirasiz, degani emas.

Bu 9 kun – universitetda umumiy onlayn imtihonlar o‘tkaziladigan kunlar xolos. Ya’ni, qaysidir talaba uchun dastlabki 3 kun ichida imtihon qo‘yib berilgan bo‘lsa, yana boshqa bir talabaga dastlabki 5 kun ichida imtihon qo‘yib berilgan bo‘lishi mumkin.

Yanada aniqroq aytadigan bo‘lsam, har bir talabaning shaxsiy kabinetida xuddi mana bu jadvaldagi kabi alohida imtihon sanalari ko‘rsatib o‘tilgan.

Talaba o‘zi uchun belgilangan imtihon kunlaridagina imtihon jarayonlarida ishtirok eta oladi xolos. Agarda talaba turli sabablar bilan imtihonda ishtirok eta olmasa yoki imtihon sanasini unutib qo‘ysa – u uchun qaytadan imtihon qo‘yib berilmaydi!

👉 @ytittalaba

⚡️Onlayn qayta topshirish imtihonlari o‘tkaziladigan sanalar:

24.02.2025 – 05.03.2025

Ya’ni, umumiy 9 kun davomida imtihon jarayonlari tashkil etiladi va mazkur muddat ichida umumiy onlayn qayta topshirish imtihonlari bo‘lib o‘tadi.

Onlayn imtihonlar talabalarning akadamikqarzlari soniga qarab turli kunlarga taqsimlangan.

Har bir talaba o‘ziga belgilangan imtihon kunida imtihon topshirishi va umumiy imtihon jarayonlarida ishtirok etishi mumkin.

👉 @ytittalaba

⚡️Onlayn qayta topshirish imtihonlari qachon va qaysi sanaga belgilangan bo‘lsa, unda ishtirok etish imkoniyati faqat o‘sha kun uchun amal qiladi.

Ya’ni, masalan sizga 28.02.2025 sanasida imtihon qo‘yib berilgan bo‘lsa, demak mana shu kuni soat 20:00 dan 23:59 gacha imtihon topshirish saytidan foydalanishingiz va imtihonda ishtirok etishingiz mumkin.

Undan avval yoki keyin bu imkoniyat taqdim etilmaydi!

👉 @ytittalaba

⚡️Onlayn qayta topshirish imtihonlarida ishtirok etish mutlaqo ixtiyoriy va bepul.

Imtihon jarayonlarida test shaklida topshiriladigan fanlar bo‘yicha akademikqarzdorligi bor bo‘lgan talabalar ishtirok etishi mumkin.

Shuningdek, avvalgi o‘quv yillarida fanlarni o‘zlashtira olmagan va diplomsiz universitetni bitirgan talabalar ham ushbu onlayn qayta topshirish imtihonlarida ishtirok etishlari mumkin ekan.

Imtihonda ishtirok etish uchun tegishli bo‘lgan barcha ma’lumotlari shaxsiy kabinetga joylashtirilgan.

👉 @ytittalaba

⚡️Onlayn qayta topshirish imtihon ma’lumotlari shaxsiy kabinetga joylashtirilibdi.

student.kiut.uz saytidagi “Exam Schedule” bo‘limiga onlayn tarzda o‘tkaziladigan qayta topshirish imtihonlariga tegishli ma’lumotlar e’lon qilinibdi.

Imtihonlar newtest.kiut.uz sayti orqali bo‘lib o‘tadi va saytdan foydalanish imkoniyati kech soat 20:00 dan 23:59 gacha amal qilar ekan.

Ya’ni, talabalar ma’lum bir imtihon kunlari mana shu vaqt orasida imtihonda ishtirok etishlari talab etiladi.

👉 @ytittalaba