Yakkasaroy tuman hokimligi Matbuot xizmati

#Yakkasaroyda_uch_avlod_tadbiri_bólib_ótdi

Bolajonlar uchun sayyohat tashkillashtirildi

➡️ Yakkasaroy tumanidagi 358-sonli davlat maktabgacha ta’lim tashkiloti tarbiyalanuvchilari uchun qiziqarli va tarbiyaviy tadbir tashkil etildi.

🔼 Ushbu tadbir doirasida yosh bolajonlar tumandagi Ichki ishlar boshqarmasi va Milliy gvardiya bo‘limlariga sayyohat qilish imkoniyatiga ega bo‘ldilar.

📱 Sayyohat davomida bolalar huquq-tartibot idoralarining ahamiyati, ularning jamiyatdagi roli va kundalik faoliyati bilan tanishdilar. Xodimlar bolalarga ish jarayonlari, maxsus texnika vositalari va jihozlar haqida qiziqarli ma’lumotlar taqdim etdilar. Shuningdek, ularga xavfsizlik qoidalari sodda va tushunarli shaklda tushuntirildi, bolalarning qiziquvchan savollari esa havas uyg‘otuvchi javoblar bilan qo‘llab-quvvatlandi.

✨ Bunday tadbirlar bolajonlarning huquqiy bilimlarini oshirish, ularda vatanparvarlik, mas’uliyat va qonunga hurmat tuyg‘ularini shakllantirishga katta hissa qo‘shadi. Shu bilan birga, ushbu tajriba ularning hayotga nisbatan ilk qarashlarini boyitishga va yorqin xotiralar hosil qilishga xizmat qiladi.

✍️ Yakkasaroy tuman hokimligi Matbuot xizmati

5 kunda 5 ta hokim o‘rinbosarining fuqarolar qabuli bo‘lib o‘tdi

🔼Yakkasaroy tumanida besh kun davomida tuman hokimining beshta hokim o‘rinbosarining fuqarolar qabuli bo‘lib o‘tdi.

📱 Bu uchrashuvlar davlat hokimiyati organlari va xalq o‘rtasida ochiq muloqotni yo‘lga qo‘yish, aholining kundalik hayotida uchrayotgan muammolarni o‘rganish va ularni samarali hal etishga qaratilgan muhim qadamlardandir.

✨ Qabul jarayonida fuqarolar turli sohalardagi muammolarni ko‘tarib chiqishdi, jumladan, ijtimoiy ta’minot, uy-joy, infratuzilma, sog‘liqni saqlash, ta’lim va ish bilan ta’minlash kabi masalalarga alohida e’tibor qaratildi.

🔼 Har bir murojaatga alohida yondashuv ko‘rsatilib, tegishli mas’ullarga vazifalar yuklatildi hamda muammolarni tezkor hal qilish uchun belgilangan muddatlar belgilandi.

👍 Ushbu fuqarolar qabuli hokimiyat va aholi o‘rtasidagi ishonchni mustahkamlash, davlat xizmatlarining shaffofligi va samaradorligini oshirishga xizmat qilmoqda. Bu kabi uchrashuvlar, aholining ehtiyoj va talablarini bevosita o‘rganish uchun muhim vosita bo‘lib, barqaror rivojlanish yo‘lida amaliy chora-tadbirlar ishlab chiqishga imkon beradi.

✨ Hokim o‘rinbosarlarining faolligi hamda ularning murojaatlarni tinglashga tayyor ekanliklari nafaqat fuqarolarga, balki davlat hokimiyati tizimiga ham ijobiy ta’sir ko‘rsatadi.

➡️ Bunday ochiq muloqotlar aholi turmush sifatini yaxshilashga va umumiy ijtimoiy barqarorlikni ta’minlashga qaratilgan sa’y-harakatlardir.

✍️ Yakkasaroy tuman hokimligi Matbuot xizmati