Xorazm sport | Rasmiy kanal

🗣 Bugun Sport vaziri Adkham Ikramov boshchiligida ommaviy sportni rivojlantirish masalalari yuzasidan hududiy sport boshqarmalari ishtirokida videoselektor yigʻilishi oʻtkazildi.

🫥 Yigʻilishda dastlab, ommaviy sportni rivojlantirish borasidagi ishlarning holati hamda bu borada joylardagi tizim tashkilotlari rahbarlari va xodimlarining masʼuliyati tanqidiy koʻrib chiqildi.

💬Sport vaziri hududlar kesimida ommaviy sportni rivojlantirish borasidagi ishlarni tahlil qilib, "Besh tashabbus olimpiadasi" doirasidagi sport musobaqalarida joriy yilda 15 mln nafar aholini qamrab olishda hamkor tashkilotlar bilan birgalikda ishlash lozimligini taʼkidladi.

⏺Shundan soʻng, umumtaʼlim maktablari oʻquvchilaridan “Jismoniy tayyorgarlik darajasi” sport sinovlarini qabul qilish jarayonlari holati va kelgusida amalga oshiriladigan ustuvor vazifalar hamda 30 yoshdan katta aholi oʻrtasida tashkil etiladigan “Mahalla ligasi” sport musobaqalari koʻrib chiqildi. Yig'ilishda ushbu jarayonlarini uyushqoqlik bilan tashkil etish hamda ommaviy axborot vositalari orqali keng yoritish yuzasidan masʼullarga tegishli topshiriqlar berildi.

⚡️Shuningdek, hududlarda nogironligi boʻlgan shaxslar oʻrtasida adaptiv sport turlari boʻyicha oʻtkazilayotgan musobaqalarni yangicha yondashuv asosida tashkil etish, mazkur musobaqalarda imkoniyati cheklangan barcha fuqarolarni qamrab olish boʻyicha tizim tashkilotlari rahbarlariga tegishli koʻrsatmalar berildi.

Web-Sayt | Telegram | Facebook | Instagram | Youtube