Xayrulla Sattarov

🏬 13-yanvardan “Mening maktabim” loyihasi doirasida ovoz berish bosqichi boshlanadi

💻 Joriy yilning 13–17-yanvar kunlari “Mening maktabim” loyihasi doirasida ovoz berish bosqichi o‘tkaziladi. 2–11-yanvar kunlari loyihalarni saralash bosqichi bo‘lib o‘tdi.

📁 Saralash bosqichi natijalariga koʻra, 19 219 ta loyiha ovoz berish bosqichiga oʻtkazildi.

🗒 Ma’lumot uchun: loyiha doirasida har bir maktabga 50 mln so‘mdan mablag‘ ajratiladi va ushbu mablagʻ doirasida gʻoliblar aniqlanadi.

Ijtimoiy tarmoqlarni kuzatib boring:
🕊Telegram 📱Facebook 📱Instagram

❗️O'zbekistonda "10 ming qadam" loyihasi yana qaytmoqda

Bu bo'yicha Prezident farmoni loyihasi jamoatchilik muhokamasiga qo'yildi.

Farmonga ko'ra, 2025-yil 1-iyundan boshlab “Bir million yashil oila” umummilliy harakati doirasida maxsus platforma ishga tushirilib, u orqali bir sutka davomida kamida 10 ming qadam yurganlarga “Ekofaol fuqaro” maqomi beriladi hamda ularga quyidagi imtiyozlar taqdim etiladi:

➖davlat xizmatlaridan foydalanishda 10 foiz chegirma;
➖davlat ulushi 50 foizdan yuqori boʼlgan banklarda isteʼmol kreditini olishda chegirma;
➖oilaning barcha voyaga yetgan aʼzolari “Ekofaol fuqaro” maqomini olganda, ushbu oilaga “yashil oila” maqomini berish hamda ularga har yili lotereya orqali 14 ta elektromobildan birini yutish imkoniyatini taqdim etish.

❗️Eslatma: bundan avval, 2021-yildan boshlab bir sutkada 10 ming qadam yurganlarga har kuni 3000 so‘mdan pul to‘lash yo‘lga qo‘yilgan edi. 2022-yil yanvar oyida esa piyoda yurganlarga pul berish to‘xtatilib, o‘rniga yangicha rag‘batlantirish tizimi (har hafta 100 million so‘m va mingta velosiped berish) yo‘lga qo‘yilishi va'da qilindi. Oradan uch oy o‘tib esa piyoda yurganlarni rag‘batlantirish tizimi imi-jimida butunlay bekor qilib yuborildi. Muhokamaga qo‘yilgan Prezident farmoni loyihasi bilan ushbu tizim yana qaytadigan bo‘lyapti.

Shuningdek, aholisining yarmi “yashil oila” maqomini olgan mahallalarda “Eng toza mahalla” va “Eng yashil mahalla” tanlovlarini oʼtkazilib, g'olib mahallalar jamg'armasiga quyidagi maqsadlar uchun 500 million so'm ajratiladi:

🔹bolalar maydonchasini qurish;
🔹yashil bogʼ yaratish;
🔹chiqindi yigʼish maydonchalarini qurish va chiqindi konteynerlarini oʼrnatish.

Ijtimoiy tarmoqlarni kuzatib boring:
🕊Telegram 📱Facebook 📱Instagram

🏠 Yaxshi imkoniyat! Endi ekofaol oilalarga iste’mol kreditini olishda chegirmalar berilishi mumkin

🟢 Ushbu taklif 2025-yil uchun ishlab chiqilgan davlat dasturi loyihasida bildirilgan.

💳 Unga ko‘ra, 2025-yilning 1-iyunigacha “Bir million yashil oila” harakati doirasida platforma ishga tushirilishi rejalashtirilgan. Platformada bir kun davomida kamida 10 ming qadam yurish targ‘ib qilinadi. Yuqori ko‘rsatkichlarga erishganlarga “Ekofaol fuqaro” maqomi beriladi.

📁 Mazkur fuqarolarga davlat xizmatlaridan foydalanishda 10%, davlat ulushi 50%dan yuqori bo‘lgan banklar orqali iste’mol kreditini olishda chegirmalar taqdim etiladi.

💬 Barcha voyaga yetgan a’zolari “Ekofaol fuqaro” maqomini olgan oilalarga “yashil oila” maqomi beriladi. Bu maqomni olganlar esa har yili lotereya orqali 14ta elektromobildan birini olish imkoniga ega bo‘ladi.

Ijtimoiy tarmoqlarni kuzatib boring:
🕊Telegram 📱Facebook 📱Instagram

👥 Endi shaxsni tasdiqlovchi hujjatlarning elektron nusxasi ham qabul qilinadi

🚪 2025-yil 1-iyuldan O‘zbekiston hududida shaxsni tasdiqlovchi va boshqa turdagi (ID karta, biometrik pasport, nikoh guvohnomasi, haydovchilik guvohnomasi, texpasport, diplom, pensiya guvohnomasi va boshqalar) hujjatlarning elektron nusxasi ham majburiy tartibda qabul qilinadi.

➡️ Jumladan, banklarda, notarial idoralarda, aeroportlarda ichki reyslarni ro‘yxatdan o‘tkazishda va O‘zbekiston hududidan o‘tuvchi poyezdlarga chiqishda, davlat, korporativ va boshqa xizmatlarni ko‘rsatishda, elektron xizmat ko‘rsatish hamda fuqarolarni qabul qilishda tegishli hujjatlarni taqdim etishni talab qiladigan davlat tashkilotlarida raqamli servislarning qog‘oz nusxalari talab etilmaydi.

Ijtimoiy tarmoqlarni kuzatib boring:
🕊Telegram 📱Facebook 📱Instagram

#Bilasizmi #Olimpiada

👁 2024-yilda maktab o‘quvchilari tomonidan xalqaro miqyosdagi turli fan olimpiadalarida jami 128 ta, jumladan 15 ta oltin, 36 ta kumush va 77 ta bronza medallari qo‘lga kiritildi.

🔗 “Bir million dasturchi” loyihasi doirasida esa 104 ming nafar o‘quvchi xalqaro sertifikat olgan.

Ijtimoiy tarmoqlarni kuzatib boring:
🕊Telegram 📱Facebook 📱Instagram