4-savol. Assalomu alaykum, SAT sertifikatini oldim. Shu sertifikatni verifikatsiyasi haqida maʼlumot bersangiz?

Oliy taʼlim, fan va innovatsiyalar vazirligi hamda Maktabgacha va maktab taʼlimi vazirligining “Xorijiy tillar va umumtaʼlim fanlarini bilish darajasini belgilovchi milliy va xalqaro tan olingan sertifikatlar roʻyxatini tasdiqlash toʻgʻrisida”gi qarori (Adliya vazirligidan 2024-yil 29-may kuni 3515-raqam bilan roʻyxatdan oʻtkazilgan) qabul qilingan.

Mazkur qarorga koʻra 2024-yil 29- maydan keyin olingan SAT sertifikatlari uchun ustama berilishida eng kamida 700 ball boʻlishi (oldingi qarorlarda kamida 640 ball boʻlgan) belgilangan.

SAT sertifikati haqiqiyligini tekshirish yuzasidan Maktabgacha va maktab taʼlimi vazirligiga College Boarddan DI cod (31540) berilgan.
Har bir SAT xalqaro sertifikatini olgan pedagog ushbu DI kodni imtihonga kirishdan oldin yuborgandan keyin uning sertifikatini haqiqiyligini tekshirish imkoniyati Maktabgacha va maktab taʼlimi vazirligiga mavjud boʻladi. Yaʼni SAT sertifikati bor talabgor test natijalarini koʻrishga ruxsat bergan hollarda sertifikatni haqiqiyligini tekshirish imkoniyati boʻladi va haqiqiyligi tasdiqlangandan soʻng ustama toʻlanadi.

Kanalga ulanish uchun: @xalqaro va milliy sertifikat