Xo'p, demak va'da qilingan post......
Ko'pchilikda stuck (bir joyda qotib qolish muammosi bo'lsa kerak bu ko'pincha IELTS 5.0 va 6.0, hattoki ba'zida 6.5 darajalik o'quvchilarda ko'p kuzatiladi. To'g'risi mening ham boshimdan o'tgan. Inson, depressiyaga tushib qoladi. Boshqa vazifa qilgisi kelmay qoladi. Natijada, istalgan distraction (internetga sho'ng'ish yoki keraksiz ishlarni oldi planga chiqarish) shunchaki qabul qilinadi o'sha kandidatlar tomonidan (gap passive voiceda bo'ldi). O'sha vaziyatda to'xtashni ham bilish kerak. O'sha vaqtlarda hadeb, kuniga 3-4 ta listening yoki reading qilish, devorga shuncha marotaba birin-ketin kalla qo'yishga o'xshaydi. Keling, men yaqin bir oyda boshqa sohada sinagan tajribamga e'tibor qaratamiz.
Meni yaxshi taniydiganlar, shaxmat o'ynashimni(a'lo darajada) bilishadi. Men 1 darajada qotib qoldim (1750-1800). Aslida bundan yuqori reytingga chiqqanman. Peak reytingim: 1950 (o'sha vaqtda o'zimni Chingizxon deb tasavvur qilganman, to'g'risi). Keyin fokus kamaygan, anor sharbati ila pista chaqib o'ynash oqibati aslida bu. Keyin to'xtadim, ikki hafta shaxmat o'ynamadim. G'alati tuyg'ular o'tdi yaqin 3 yilda, shaxmat va meni oramizdagi munosabat bunchalik yomonlashmagan. Kechqurunlari telegramdan yozay deyman (odam uyaladi). Ishoning, sizlarning 90%ingiz love deganda nimani tushunsangiz, o'sha his-tuyg'udan kuchliroq men va shaxmat o'rtasidagi munosabat (hamma 10% ning ichidaman deb o'ylashi uchun 90% dedim).
Shu qiyin o'tgan 2 haftadan keyin, bitta musobaqa ko'rdim, shaxmat bo'yicha. Freestyle chess —— deyarli klassik shaxmatga o'xshaydi, faqat orqadagi donalar o'rni almashishi mumkin. O'yinlar bir hafta davomida bo'lib o'tdi. Deyarli qoldirmasdan ko'rdim. Keyin Chessable Masters musobaqasining ikki kunini ko'rdim va kecha—— men intiqib kutgan o'sha go'zal oqshomda shaxmat bilan yana uchrashdim. Buni qanaqa ta'riflasam, sizlar love deganda nimani ham tushunasizlar? Xullas, 50 ga yaqin reyting qo'shildi (yana passive ishlatdim). Chunki shaxmatni sog'inch ila o'ynash + bu o'yinning eng zo'r ijodkorlari tomonidan yaratilgan holatlar va strategiyalarni ko'rib o'rganish, bu o'yinga yanada boshqacharoq qaray boshlashimga undadi.
In conclusion, government should spend more money on improving road infrastructure and public safety. Uzr, uzr....... Essayga hayolim ketib qolibdi. Endi hayol so'ziga ishlatadigan h ga hayolim ketdi.
Anyway, yuqorida aytilgandek stuck bo'lsangiz, maslahatim sal ingliz tilini sog'ining. Keyin, yaxshi ball olganlarni yondashuvlarini o'rganing. Iloji bo'lsa (pul to'lab bo'lsa ham, ularning listening,reading yoki writing topshirig'ini jonli ravishda bajarganlarini ko'ring. Xullas, style o'g'irlang, qo'rqmang halol o'g'irlik. Shunda nimadir o'zgarish bo'ladi, nasib.
Agar shunda ham tushkunlik sizni tark etmasa, shunchaki meni hozirgi holatimga boqing —— listeningdan 38 ta javobni topsa ham xursand bo'lishga haqqi yo'q insonga. Mayli shukr qilish kerak, menimcha, eng to'g'risi shu.
Sal miyani ishlatishga majbur qiladigan gaplar ko'payib ketdi, rozi bo'lasizlar.
O'zingiz, yaqinlaringiz va sizni qadrlaydigan barchani baxtiga sog' bo'ling.
