"VERUM" адвокатлик фирмаси / "VERUM" Адвокатская фирма

Келгусида пенсия олиш учун мурожаат қилиш шарт бўлмайди.

Ўзбекистонда ёшга доир пенсияни мурожаатсиз тайинлаш тартиби жорий этилади. Бу ҳақда Олий Мажлис Қонунчилик палатаси матбуот хизмати хабар берди.

Хабарга кўра, пенсия олиш ёшига тўлган (эркаклар – 60 ёш, аёллар – 55 ёш) фуқароларга ёшга доир пенсияни белгилашда уларнинг алоҳида мурожаати талаб этилмайди. Фуқаронинг иш стажи, иш ҳақи ва бошқа маълумотлари вазирлик ҳамда идораларнинг ахборот тизимларидан олинган маълумотлар асосида бир кун муддатда проактив шаклда тайинлаш тартибини жорий этиш қонун лойихаси белгиланмоқда.

Шунингдек, қонун лойиҳасида фуқарода пенсия ёшига етганига қарамай меҳнат фаолиятини давом эттириш истаги бўлса, проактив шаклда тайинланадиган ёшга доир пенсияни рад этиш тартибини ҳам жорий этиш назарда тутилмоқда.

Эслатиб ўтамиз, амалдаги тартибга кўра, фуқаролар пенсия ёшига тўлганидан сўнг пенсия тайинлашни сўраб яшаш жойидаги Пенсия жамғармаси бўлимига, Давлат хизматлари марказига ёки Ягона интерактив давлат хизматлари порталига рўйхатдан ўтиб, сўровномани тўлдирган ҳолда мурожаат қилади.

Маълумот учун, ҳозирги пайтда ёшга доир энг кам пенсия миқдори — ойига 834 000 сўмни ташкил этади.

⚖️@Verumlf_uz

#Қонунчиликдаги_янгиликлар 🚜 Деҳқонлар учун эркинлик кенгайтирилмоқда! Ўзбекистон Республикаси Президентининг 03.02.2025 йилдаги ПФ-18-сон"Қишлоқ хўжалиги экин майдонлари унумдорлигини ошириш, тармоққа инвестициялар жалб қилиш учун қулай шарт-шароит яратиш бўйича навбатдаги чора-тадбирлар тўғрисида"ги фармонига асосан

✅ Энди фермерлар қишлоқ хўжалиги экинлари турлари, навлари ва ҳажмларини мустақил танлай олади.
✅ Етиштириш усуллари ва агротехник тадбирлар бўйича ҳам эркин қарор қабул қилиш имконияти яратилмоқда.
✅ Пахта ва ғалла мажбурий эмас! Фермер фақат ўзи маъқул деб топган маҳсулотни етиштириш ҳуқуқига эга.

🌱 Бу ислоҳотлар агробизнесни ривожлантириш ва деҳқонларнинг мустақиллигини оширишга қаратилган!
Бизни кузатишда давом этинг.
@verumlf_uz
#ҚишлоқХўжалиги #Фермер #Ислоҳот

#Қонунчиликдаги_янгиликлар 📢Ўзбекистон Республикаси Президентининг 03.02.2025 йилдаги ПФ-18-сон "Қишлоқ хўжалиги экин майдонлари унумдорлигини ошириш, тармоққа инвестициялар жалб қилиш учун қулай шарт-шароит яратиш бўйича навбатдаги чора-тадбирлар тўғрисида"ги фармонига асосан ижарага олинган ерларга бўлган ижара ҳуқуқини гаровга қўйиш тартиби белгиланди!

✅ Энди ер участкасига ижара ҳуқуқини гаровга қўйиш учун ижарага берувчининг розилиги шарт эмас.
✅ Гаровга олувчи бу ҳуқуқни эркин сотиши мумкин.
✅ Ижара ҳуқуқи гаровга қўйилгани ҳақидаги ахборот электрон тарзда ижарага берувчига юборилади.
✅ Гаров ҳуқуқи реализация қилинса, янги ижарачига ҳам аввалги ҳуқуқ ва мажбуриятлар тўлиқ ўтади.

🔎 Бу ўзгаришлар ижара ҳуқуқининг иқтисодий айланувчанлигини оширишга қаратилган.

Бизни кузатишда давом этинг.
@verumlf_uz

⚖️ Ҳар бир фуқаронинг меҳнат ҳуқуқи тенг ҳимоя қилинади!

🇺🇿 Ўзбекистон Республикаси Конституцияси ва Меҳнат кодексига мувофиқ, ҳар бир фуқаро меҳнат ҳуқуқларига эга ва улардан фойдаланишда тенг имкониятларга эга. Бу Меҳнат кодексининг 4-моддаси 1-қисмида белгиланган.

🚫 Ҳеч ким жинси, ёши, миллати, тили, ижтимоий келиб чиқиши, мулкий ҳолати, диний эътиқоди ёки бошқа меҳнат фаолиятига алоқадор бўлмаган сабабларга кўра камситилиши мумкин эмас. Агар шундай ҳолат юз берса, бу камситиш (дискриминация) ҳисобланади.

⚖️ Агар сиз ўзингизни меҳнат соҳасида камситилган деб ҳисобласангиз, қонуний тартибда ҳимояга эга:
✅ Тегишли давлат органига мурожаат қилиб, камситишни бартараф этиш ва моддий-маънавий зарарни қоплашни талаб қилишингиз мумкин.
✅ Бандлик ва мехнат муносабатлари вазирлиги, касаба уюшмалари, Бош прокуратура ёки унга бўйсунувчи ҳудудий прокуратураларга мурожаат қилиш ҳуқуқига эгасиз.

📜

Ўзбекистон Халқаро меҳнат ташкилотининг «Меҳнат ва машғулотлар соҳасидаги камситишлар тўғрисида»ги 111-сон Конвенциясини (1985 й.) ратификация қилган. Бу эса, мамлакатда меҳнат ҳуқуқларини халқаро стандартларга мувофиқ ҳимоя қилишни кафолатлайди.

📩 Агар сиз меҳнат ҳуқуқларингиз бузилаётганини сезсангиз, қонун доирасида ўз ҳуқуқларингизни ҳимоя қилинг! Бизни кузатишда давом этинг.
@verumlf_uz