Тошкент шаҳридаги “Аъло” тантаналар саройида ногиронлиги бўлган шахслар учун тўкин дастурхон ёзилди. Халқаро ногиронлар куни муносабати билан ташкил этилган тадбирга Ногиронлар жамиятининг шаҳар ҳудудидаги туман бўлимларида рўйхатда турувчи 150 нафар ўзгалар парваришига муҳтож юртдошларимиз таклиф этилди.
Тадбир давомида юртдошларимиз шўх куй-қўшиқларга ўйнаб, маданий ҳордиқ чиқаришди. Сўнгра уларга озиқ-овқат ва гигиена маҳсулотлари тарқатилди.