ВАЛЮТА КУРСИ

#прогноз #валюта #курс

❓2025 йил охиригача доллар курси қандай ўзгариши мумкин?

2025 йил 3 январда АҚШ долларининг расмий курси 12 904,91 сўм эди. 17 февраль ҳолатига 12 993,15 сўм этиб белгиланган. Яъни, йил бошидан бери 88,24 сўмга ёки 0,68% га ошди.

Агар бу тенденция давом этса, 2025 йил охирига бориб доллар курси тахминан 13 590,18 сўм бўлиши мумкин. Шу билан бирга, S&P агентлиги ўз баҳоларига асосланиб, йил охиригача курс 13 650 сўм атрофида бўлишини прогноз қилмоқда. Шунингдек, агентлик АҚШ доллари курсини 2026 йил охирида 14 300 сўмга, 2027 йил охирида эса 15 000 сўмга етишини прогноз қилган.

Ҳозирча, курснинг қандай ўзгаришини бозор шароитлари ва макроиқтисодий омиллар белгилайди.


🌐 Манба: Bankxabar

👇 Каналга уланиш:
https://t.me/+N6gYmFk1Da4zYWMy

#валюта #банк #айирбошлаш

16 млрд доллар

2024 йилда ўзбекистонликлар банклар орқали худди шунча миқдорда доллар майдалади. Бу 2023 йилга нисбатан 3,7 млрд долларга кўпроқ.

Банкларга энг кўп доллар сотуви август ва сентябрь ойларида кузатилди — 1,5 млрд доллардан кўпроқ.

Ўтган йил давомида банклардан доллар сотиб олиш кўрсаткичи анча камроқ — 9,3 млрд долларни ташкил қилди. Бу 2023 йилга нисбатан атига 208 млн долларга кўпроқ.

Шундай қилиб, 2024 йил давомида ўзбекистонликлар банклардан доллар сотиб олишдан кўра, сотишни кескин кўпайтирди.

Бу асосан мамлакатга кириб келган пул ўтказмалари билан боғлиқ. 2024 йилда уларнинг миқдори 3,4 млрд долларга ошиб, деярли 15 млрд долларга етди.


🌐 Манба: bankir

👇 Каналга уланиш:
https://t.me/+N6gYmFk1Da4zYWMy

#иқтисодиёт #валюта #сўм #курс

Ўзбек сўми юқори волатиллик даврида ҳайратланарли барқарорлик кўрсатди

Гарчи бугун 13 февралда доллар расмий курси 13 минг сўмлик шунчаки навбатдаги психологик маррадан ўтган бўлсада, сўмнинг барқарорлиги учун яқин истиқболда жиддий хатарлар кўринаётгани йўқ.

Биринчидан, доллар курси 12 900 ва 13 000 сўмлик оралиқни босиб ўтишга 50 кундан кўпроқ вақт кетди. Эътиборга олиш керакки, худди мана шу даврда асосий савдо ҳамкорларимиз бўлган Россия ва Қозоғистон миллий валюталари жудаям юқори волатиллика эга бўлди. Яъни нисбатан олганда, сўм бу синовли даврда ҳайратланарли барқарорлик кўрсатди ва бир марталик тўғирланишларга дучор бўлмади.

Иккинчидан, геосиёсий қарама қаршиликлар тумани тарқай бошлади. Украинага босқиннинг қанақадир сулҳ билан (ёқимсиз бўлсада) тугаши эҳтимоли пайдо бўлди. 19-асрнинг зўравон ва ибтидоий қоидалари билан қарор қилувчи гегемонларнинг кечаги кутилмаган мулоқотидан кейин, масалан, Россия рубли долларга нисбатан ўтган йили августдан бери максимумгача кўтарилди (1 доллар 89 рубль). Долларнинг қозоқ тенгесига нисбатан курси ноябрдан буён биринчи марта 500 дан ортга қайтди. Бу тенденция меҳнат мигрантларимиз учун асосий бўлиб қолаётган икки мамлакатдан пул ўтказмалари ҳажмини яна оширади.

Учинчидан, янги тўрт йилликда қайноқ урушлар ўрнини савдо урушлари, ҳатто геосиёсий иттифоқчилар ўртасидаги бож низолари эгаллаши тобора ойдинлашмоқда. Халқаро қоидалар яна бир бор синовдан ўтади. Қисқа муддатли истиқболда бу асосий экспорт товаримиз олтин нархини яна янги чўққиларга кўтаради (кечаги янги максимум 2 940 доллар). Ҳа, ўрта истиқболда бу бизнинг ташқи савдо дефицитимиз кенгайишига олиб келади. Лекин ҳозирча вазият бизнинг фойдамизга ишламоқда.

Ўзбек сўмининг ўрта ва узоқ муддатдаги динамикаси ва барқарорлигини эса ҳар доимгидек, фундаментал омиллар белгилайди.


🌐 Манба: bakiroo

👇 Каналга уланиш:
https://t.me/+N6gYmFk1Da4zYWMy

#прогноз #валюта #курс

Душанба АҚШ доллари курсининг пасайиши кутилмоқда ⬇️ 10 сўм


🌐 Манба: dollaruz.net

👇 Каналга уланиш:
https://t.me/+N6gYmFk1Da4zYWMy

#прогноз #валюта #курс

Эртага АҚШ доллари курсининг кўтарилиши кутилмоқда ⬆️ 15 сўм

🌐 Манба: dollaruz.net

👇 Каналга уланиш:
https://t.me/+N6gYmFk1Da4zYWMy

#хавфсизлик #пластик #банк

❗️Банклар ва тўлов тизимларида янги тартиб: шахсни тасдиқлаш мажбурий бўлди!

⚠️ 7 февралдан бошлаб Ўзбекистонда барча банклар ва тўлов ташкилотларининг мобил иловаларида идентификациядан ўтмаган мижозлар картадан картага пул ўтказа олмайди!

❓Нима ўзгарди?
☑️ Мобил иловага янги қурилмадан кирсангиз, ҳатто парол ва махсус кодни тўғри терсангиз ҳам, идентификациядан ўтмасдан туриб тўлов ва ўтказмаларни амалга ошира олмайсиз.

☑️ Баъзи банк ва тўлов тизимларида FACE ID’дан ўтмасдан операция қилиш мумкин эмас. Бу киберфирибгарликка қарши чора сифатида жорий қилинган.

☝️10 февралдан бошлаб банк ёки тўлов тизими мижозни тасдиқламасдан операцияга рухсат берса ва натижада фирибгарлик содир бўлса, етказилган зарар молия ташкилоти томонидан қопланади.

Нега бу жорий қилинмоқда?
▪️Мижозларнинг маблағини ҳимоя қилиш;
▪️Киберфирибгарликка қарши кураш;
▪️Хавфсизликни кучайтириш.

❓Қандай қилиб идентификациядан ўтиш мумкин?
1️⃣ Мобил иловангизни очинг
2️⃣ «Идентификациядан ўтиш» тугмасини босинг
3️⃣ Паспорт маълумотларингизни киритинг
4️⃣ Юзни сканер қилинг (Face ID)


🌐 Манба: bankxabar

👇 Каналга уланиш:
https://t.me/+N6gYmFk1Da4zYWMy

#иқтисодиёт #валюта #олтин #прогноз

Олтин билан нима бўляпти?

Citi Group таҳлилчилари олтин нархини келаётган уч ой ичида 3 000 долларлик рекорд даражага чиқишини прогноз қилди.

Таҳлилчиларнинг прогнозлари ўзини аллақачон оқлашни бошлади. Бугун олтин нархи 2 940 долларга чиқиб, янги рекорд қўйди. Ўзбекистонда ҳам нарх яна бир бор рекордни янгилади.

Олтин нархининг сезиларли ўсишига асосий сабаб АҚШ президенти Доналд Трамп ҳукуматининг иқтисодий қарорлари бўлиб турибди.

АҚШнинг Хитой билан савдо уруши (бунинг Ўзбекистонга таъсир ҳақида бу ерда яхши тушунтирилибди) ва янги божларнинг жорий қилиши АҚШ иқтисодиётига бўлган салбий кутилмаларни шакллантирмоқда.

Буёғи ўша машҳур ибора — When America sneezes, the world catches a cold.

Бутун дунёдаги инвесторлар эса бундай ҳолатда олтинни анъанавий равишда энг хавфсиз сармоя активи деб ҳисоблаб, унга пул тикмоқда.

Ҳукуматлар ҳам олтинга қизиқишни оширди

Россия-Украина уруши, Яқин Шарқдаги нотинчликлардан сўнг ҳукуматлар ҳам хавфсиз актив сифатида олтинга боғлиқлигини оширди.

Хитой, Россия, Туркия ёки Ўзбекистон каби давлатлар азалдан олтинни асосий захира активи сифатида билади.

Бироқ, Араб мамлакатлари ҳам сўнгги пайтларда захираларидаги олтин миқдорини кўпайтирмоқда.

Ўзбекистон захирасида ҳам олтин миқдори 2022 йилдан бери энг юқори даражада — 392 тонна.

Шундай қилиб, инвесторлар ҳам, ҳукуматлар ҳам пулларини олтинда сақлаш ҳозирча тўғрироқ қарор деб ҳисобламоқда.


🌐 Манба: bankir

👇 Каналга уланиш:
https://t.me/+N6gYmFk1Da4zYWMy