⚡️
Доимобод қишлоғидаги 3 000 дан зиёд фуқаролар доимий тоза ичимлик суви билан таъминланди
🔰Фарғона вилоятида аҳолини айниқса энг олис ҳудудларда истиқомат қилаётган фуқароларни тоза ичимлик суви билан таъминлаш, сувнинг сифатини яхшилаш, сув истемъолини ҳисобга олишнинг замонавий инновацион тизимларини жорий этиш борасида салмоқли ишлар амалга оширилмоқда.
💧Ҳусусан, Данғара тумани Доимобод қишлоғи аҳолисини узлуксиз тоза ичимлик суви билан таъминлаш мақсадида, Инвестиция дастурига асосан 2.5 км сув тармоқларини тортиш, 1 дона янги сув қудуғини қазиш, янги сув минорасини ўрнатиш, замонавий энерго тежамкор сув кўтариш насоси ўрнатиш ишлари якунланди.
✅Бугунги кунда Доимобод қишлоғи аҳолиси сифатли тоза ичимлик суви билан таъминланиб, пудратчи корхона томонидан ҳар бир хонадонни марказий тармоққа улаш ва сув ўлчаш ускуналарини ўрнатиш ишлари якуний босқичларда амалга оширилмоқда.
Ахборот хизмати