7-noyabr sanasida mashhur rus yozuvchisi Aleksandr Faynbergning tavalludiga 85 yil to'lishi munosabati bilan Axborot-resurs markazi kutubxonachisi Sh. Artikova, rus filologiyasi tyutori D. Izzatullayeva va 24-04-guruh talabalari bilan birgalikda shoirning hayoti va ijodiga bag'ishlangan davra suhbati o'tkazildi. Suhbatda yozuvchining "Olis ko'priklar", "Ibodat", "Soniya", "Qisqa to'lqin" kabi she'rlarida o'tmish bilan hozirgi kun namoyon etilganligi, Faynberg ijodining muhim qismini badiiy tarjima tashkil etishi haqida gapirildi. O'zbek she'riyatini mukammal bilgan shoir A. Navoiy g'azallari, E. Vohidov, A. Oripov, O. Matjon va boshqa o'zbek shoirlarining she'r va dostonlarini rus tiliga tarjima qilgan. Suhbatda talabalar uning "Ishq" she'rini o'zbek, rus va ingliz tillarida yod olishdi.