UzDJTSU (Rasmiy_kanali)

#8_mart #tabrik #e’tibor

💐Universitetning fidoiy ishchi xodimalari va tyutorlari munosib taqdirlandi

✅2025-yil 6-mart kuni O‘zbekiston davlat jismoniy tarbiya va sport universitetida Yoshlar bilan ishlash, ma’naviyat va ma’rifat, Xotin-qizlar bilan ishlash, Tibbiy-sanitariya bo‘limlari, Talabalar turar joyi va sport inshootlarini boshqarish direksiyasi xodimalari hamda tyutorlar ishtirokida tadbir bo‘lib o‘tdi.

🌷8-mart – Xalqaro xotin-qizlar kuni munosabati bilan tashkil etilgan ushbu tadbirda oliygohning Yoshlar masalalari va ma’naviy-ma’rifiy ishlar bo‘yicha birinchi prorektori Sherzod Mirzanov, rektor maslahatchisi Umar To‘raqulov, shuningdek bo‘lim xodimlari tomonidan barcha ishchi xodimalar va ayol tyutorlarning fidoiylik bilan qilib kelayotgan mehnatlari alohida e’tirof etilib, o'zlarining samimiy tilaklarini bildirdilar va ularga esdalik sovg‘alari ulashildi.

Telegram | Instagram | You Tube | Facebook

#talaba_yutuqlari
#iftixor

🏆Xokkey: Jahon chempionatida universitet talabasi eng yaxshi o‘yinchi sifatida e’tirof etildi!

🏒Joriy yilning 28-fevral sanasida Tailandning Bangkok shahrida boshlangan sportning xokkey turi bo'yicha Jahon chempionati o‘z nihoyasiga yetdi.

🇺🇿Unda ishtirok etgan xokkey boʻyicha Oʻzbekiston U18 terma jamoasi III divizion B guruhidagi ishtirokida yirik g‘alabalarni qo‘lga kiritib, tarixiy gʻalabaga erishishdi. Xususan, sportchilarimiz chempionat davomida Janubiy Afrika Respublikasi (12:0), Lyuksemburg (12:1), Turkmaniston (8:2), Bosniya va Gertsegovina (11:3) hamda hal qiluvchi bahsda Tailand ustidan 3:2 hisobida g‘alaba qozondi.

🎉Eng quvonarli tomoni, so‘nggi o‘yinda g‘alaba keltirgan shayba universitetimizning xokkey ixtisosligi talabasi Jasur Rustamxonov tomonidan kiritildi va sportchi talabamiz 5 o‘yinda 22 ochko (14 gol + 8 assist) jamg‘arib, turnirning eng yaxshi o‘yinchisi deb topildi.

👏Ofarin Jasur! Barakalla shovvozlar!

Telegram | Instagram | You Tube | Facebook