O'SIMLIKLAR KARANTINI VA HIMOYASI AGENTLIGI

#infographic #export

🧅 Fitosanitariya talablariga rioya qilgan holda piyoz mahsulotini yuqoridagi davlatlarga eksport qilishingiz mumkin ! 👆

📲 Qadoqlash korxonalari, biolaboratoriyalar, o'simliklar klinikalar ro'yxati va boshqa maʼlumotlarni "Agroko'makchi" mobil ilovasidan olishingiz mumkin. 👉 📱“App Store” va 📱“Play Market”

🔰 karantin.uz 📱Facebook 📱Instagram📺Youtube ✖️Twitter

🟥🟥🟥 🟥🟥🟥

🟢 2024-yil 25-dekabr kuni soat 15-00 da Milliy matbuot markazida"O'simliklar karantini va himoyasi agentligi tomonidan Qishloq xo‘jaligi mahsulotlari eksporti hajmini oshirish borasida amalga oshirilgan ishlar" yuzasidan MATBUOT ANJUMANI bo'lib o'tadi.

😄 OAV vakillari va blogerlarni ushbu matbuot anjumaniga taklif etamiz!

❓ Savollarni press@karantin.uz elektron pochta manziliga jo'natishingiz mumkin.

📲 Matbuot anjumani translyatsiyasini UzReport TV telekanali va telekanalning Facebook hamda YouTube dagi sahifasi orqali JONLI tomosha qilishingiz mumkin.

#matbuot_anjumani #hisobot #eksport

🔰 karantin.uz 📱Facebook 📱Instagram📺Youtube ✖️Twitter

O‘zbekiston Respublikasi Prezidenti Shavkat Mirziyoyev Rossiya Federatsiyasi Prezidenti Vladimir Putinning taklifiga binoan 25-26 dekabr kunlari o‘tadigan MDH va YEOII sammitlarida ishtirok etish uchun amaliy tashrif bilan Sankt-Peterburg shahrida bo‘ladi.

👩🏻‍💼 Agentlik tizimida faoliyat yuritayotgan xotin-qizlar uchun motivatsion davra suhbati tashkil etildi

⚖️ Gender tenglik uzoq muddatli institutsional yondashuvlarni taqozo etadi. BMTning 2030-yilgacha bo‘lgan Global kun tartibining barqaror rivojlanish maqsadlarini izchil amalga oshirish maqsadida O‘zbekiston Respublikasi 2021-yilning may oyida davlat idoralari, NNT, xalqaro tashkilotlar bilan hamkorlikda gender tenglikni ta’minlash hamda barcha xotin-qizlarning huquq va imkoniyatlarini kengaytirishga oid 8 ta vazifani ishlab chiqdi va «Gender tenglikka erishish strategiyasi»ni qabul qildi. Unga muvofiq, 2030-yilga kelib xotin-qizlarga nisbatan kamsitishlarning har qanday shakliga barham berish, siyosiy, iqtisodiy va ijtimoiy hayotda qarorlar qabul qilishning barcha darajalarida ayollarning to‘liq va samarali ishtirokini hamda yetakchilik qilish uchun teng imkoniyatlarni ta’minlash ko‘zda tutilgan.

📄 2019-yil 2-sentyabrda qabul qilingan «Xotin-qizlar va erkaklar uchun teng huquq hamda imkoniyatlar kafolatlari to‘g‘risida»gi Qonunning maqsadi ham xotin-qizlar va erkaklar uchun teng huquq hamda imkoniyatlarni ta’minlash sohasidagi munosabatlarni tartibga solishdan iborat.

✅ Karantin agentligida tashkil etilgan “Gender tenglik, xotin-qizlarning ijtimoiy-iqtisodiy va siyosiy faolligini oshirish” mavzusidagi davra suhbatida ham mamlakatimizda bu borada olib borilayotgan ishlar haqida so‘z yuritilib, bugun xotin-qizlarga taqdim etilayotgan imkoniyatlarga alohida urg‘u berildi.

🔈 O‘zbekiston Respublikasi Oila va xotin-qizlar qo‘mitasi, Milliy akademik drama teatridan taklif etilgan spikerlar o‘z ish faoliyati misolida gender siyosatiga qaratilayotgan e’tiborni tahlil etdilar.

🔰 karantin.uz 📱Facebook 📱Instagram📺Youtube ✖️Twitter

🇺🇿 🇱🇻 O‘zbekiston-Latviya: 2025-yil uchun hamkorlik dasturi muhokama etildi

✔️ Latviya davlati fitosanitariya xavfsizligi sohasida O‘zbekistonning yaqin hamkori hisoblanib, bir necha yildan bo‘yon tajriba almashishga qaratilgan loyihalar amalga oshirib kelinmoqda.

🤝 Karantin agentligining bosh mutaxassisi Sultonmahmud Sultonov Latviya o‘simliklar himoyasi xizmati rahbari Kristina Lomakina taklfiiga binoan Latviyada bo‘lib, 2025-yil uchun hamkorlik dasturini ko‘rib chiqdilar.

🖥 Loyiha hujjati 2023-2024-yillarda olib borilgan samarali hamkorlikning davomi sifatida O‘zbekiston davlatiga grant ajratilishiga qaratilgan bo‘lib, grant mablag‘lari hisobidan kelgusi yilda quyidagi yo‘nalishlar etib belgilandi:

➖ elektron fitosanitariya sertifikatlari bo‘yicha ma’lumotlar almashinuvini ta’minlash uchun elektron axborot tizimlarining uyg‘unlashuvini yo‘lga qo‘yish;
➖ o‘simlik va o‘simlik mahsulotlari sohasida ilg‘or ishlab chiqarish amaliyoti bo‘yicha Latviya tajribasini o‘rganish;
➖ qishloq xo‘jaligi tarmoqlarida (meva, sabzavot, don mahsulotlari), zararkunandalarga qarshi samarali kompleks kurash tizimini tashkil etish;
➖ noqonuniy va kontrafakt o‘simliklarni himoya qilish vositalari aniqlash va ularni nazorat qilish bo‘yicha inspektorlar uchun yo‘riqnomalar ishlab chiqish;
➖ hududiy inspektorlar uchun zararkunandalarga qarshi kompleks kurash (IPM) bo‘yicha amaliy mashg‘ulotlar;
➖ inspektorlari uchun agrokimyoviy tahlil yo‘nalishida amaliy mashg‘ulotlar;
➖ o‘simliklarni himoya qilish vositalarini to‘g‘ri qo‘llanilishi tizimini ishlab chiqish.

💬 Muhokamlar yakunida hamkorlik bayonnomasi imzolandi. Loyiha hujjati tasdiqlash va loyihani O‘zbekistonda amalga oshirish uchun Latviya hukumatiga taqdim etiladi.

🔰 karantin.uz 📱Facebook 📱Instagram📺Youtube ✖️Twitter

✅  Fitosanitariya talablariga rioya qilgan holda bodom mahsulotini yuqoridagi davlatlarga eksport qilishingiz mumkin! 👆

📲Biolaboratoriyalar, qadoqlash korxonalari va boshqa maʼlumotlar uchun 📱“App Store” va 📱“Play Market” 👈

#Infographic  #export  #bodom

🔰 karantin.uz 📱Facebook 📱Instagram📺Youtube ✖️Twitter

Birozdan soʻng Prezident Shavkat Mirziyoyev raisligida tadbirkorlikni har tomonlama qoʻllab-quvvatlash boʻyicha joriy yil yakunlari va 2025-yilga asosiy rejalar yuzasidan videoselektor yigʻilishi hamda yetakchi tadbirkorlar bilan muloqot boshlanadi.

🔰 karantin.uz 📱Facebook 📱Instagram📺Youtube ✖️Twitter

🇺🇿 Milliy mahsulotlar pavilyonida Malayziya senatori ham mehmon boʻldi

🇲🇾 Xabar berib borayotganimizdek, shu kunlarda Malayziyada qishloq xoʻjaligi va oziq-ovqat mahsulotlari ilk savdo yarmarkasi boʻlib oʻtmoqda.

🤳 Tashrif buyuruvchilar tomonidan mahsulotlar yarmarkasi ijtimoiy tarmoqlarda ham targʻib qilinib, koʻpchilikning eʼtiboriga sazovor boʻlmoqda.

🏅 Bugun milliy pavilyonga Malayziya senatori tashrif buyurdi. Mehmonga Oʻzbekistonning qishloq xoʻjaligi yoʻnalishdagi oʻzgarishlar, qoʻshma loyihalarni amalga oshirish uchun taqdim etiladigan imtiyozlar va Oʻzbekistonning eksport salohiyati haqida batafsil maʼlumot berildi.

🤝 Shuningdek, suhbatda hamkorlikni kengaytirish masalalari muhokama etilib, qiziqish yuqori boʻlgan yoʻnalishlar yuzasidan qoʻshma dasturlar doirasida faoliyat olib borishga kelishildi.

#Malayziya #tashrif #Made_in_Uzbekistan #yarmarka

🔰 karantin.uz 📱Facebook 📱Instagram📺Youtube ✖️Twitter

🍅 Boshlandi: Rossiyadan pomidor partiyasi qaytarildi(mi)?

🖥 Kuni kecha ijtimoiy tarmoqlarda Rossiyaning Nijniy Novgorod viloyatiga jo‘natilgan 18,5 tonna pomidor partiyasi “pomidor jigarrang bujmayish virusi” aniqlangani sababli olib kirishga ruxsat berilmagani haqida xabarlar joylashtirildi.

💬 Holat yuzasidan tezkor surishtiruv olib borildi. Ma’lum bo‘lishicha, mahsulot 7-dekabr sanasida Toshkent shahrining Bektemir tumanida joylashgan FoodCity agromajmuasida yuklangan. Pomidorni eksport qilish uchun qonunchilikdagi talablarga asosan mahsulot partiyasidan namunalar olinib, Markaziy fitosanitariya laboratoriyasiga yuborilgan.

🔬 O‘tkazilgan ekspertiza natijasida mahsulotda karantin organizmlari aniqlanmagani sababli ichki fitosanitar sertifikat va laboratoriya xulosasi asosida eksport qilish huquqini beruvchi xalqaro namunadagi fitosanitar sertifikat rasmiylashtirib berilgan.

✅ Vaziyatga oydinlik kiritish maqsadida pomidorni eksport qilgan korxona vakillari bilan muloqot olib borildi. Korxona vakillari Nijniy Novgorod viloyatiga 18,5 tonna pomidor yuk mashinasi orqali muvaffaqiyatli yetkazgani va importyor korxona bilan tuzilgan shartnomaga muvofiq mahsulotlar qabul qilib olinganligini ma’lum qildi.

🔖Ma’lumot o‘rnida qayd etib o‘tamiz, mahsulotda aniqlangani aytilayotgan “pomidor jigarrang bujmayish virusi” (Tomato brown rugose fruit virus – ToBRFV) inson organizmi uchun xavfsiz bo‘lib, zararlangan pomidorni iste’mol qilganda ham inson organizmiga salbiy ta’sir qilmaydi.

🔰 karantin.uz 📱Facebook 📱Instagram📺Youtube ✖️Twitter

❗️❗️❗️ OGOHLANTIRISH!

🇵🇰 Pokistondan import bo‘lgan mahsulot uchun rasmiylashtirilgan 30 dan ortiq  fitosanitar sertifikat qalbaki ekanligi aniqlandi

🍊 Har yili qish mavsumida respublikamizda sitrus mevalariga bo‘lgan talab yuqori bo‘lib, mazkur turdagi mahsulotlarning import hajmi ortadi. Mevalarning katta qismi O‘zbekistonga Pokiston davlatidan import qilinadi. Tabiiyki, olib kirilgan karantin ostidagi mahsulotlar karantin nazoratidan o‘tkaziladi.

🔬Bir necha kun avval “Ayrtom” chegara o‘tkazish punkti orqali 26 ta transport birligida Pokiston davlatidan olib kirilgan mandarin partiyasida karantinosti zararkunanda borligi ma’lum bo‘ldi. Mahsulotlardan namunalar olinib, Agentlikning Markaziy fitosanitariya laboratoriyasida ekspertiza o‘tkazildi. Tahlil natijasida import mevada "Qizil pomeranes" qalqondori mavjudligi aniqlandi. Mazkur turdagi hasharot limon, xurmo, anjir, olma, olxo‘ri, zaytun, uzum kabi o‘simliklarning shirasi bilan oziqlanib, ularning hosildorligiga ta’sir ko‘rsatadi. Asosan Pokiston, Afg‘oniston, Jazoir, Angola, Gvineya, Misr, Tanzaniya, Janubiy Afrika hududida tarqalgan.

💬 Holatga oydinlik kiritish maqsadida Karantin agentligi Pokiston karantin xizmati bilan bog‘landi. Muloqotda Pokiston tomoni dekabr oyida O‘zbekistonga mandarin eksporti uchun fitosanitariya sertifikati rasmiylashtirib berilmaganligini ma’lum qildi.

🖥 Ma’lumot o‘rnida qayd etish lozim, O‘zbekiston va Pokiston milliy karantin xizmatlari o‘rtasida elektron hujjatlar almashinuvi yo‘lga qo‘yilgan. Qalbaki sertifikatlar mazkur elektron tizim orqali ham tekshirildi va fitosanitariya sertifikatlari qalbaki bo‘lgani aniqlandi.

⚖️ Amaldagi qonunchilik talablariga muvofiq, endilikda Pokistondan olib kirilishi rejalashtirilgan barcha karantin ostidagi mahsulotlar uchun berilgan fitosanitariya sertifikati haqqoniyligi chegara maskanlarida Karantin agentligining “E-Fitouz” avtomatlashtirilgan axborot tizimi orqali tekshirilib, Pokiston davlatining elektron bazasida ushbu fitosanitariya sertifikati mavjudligi tasdiqlangandan so‘ng mahsulotlar olib kirilishiga ruxsat berilishi belgilandi.

🛂 Shuningdek, Tashqi Iqtisodiy Faoliyat (TIF) maskanlarida ham karantin davlat inspektorlari tomonidan sertifikatning avtomatlashtirilgan axborot tizimida elektron nusxasi bo‘lgan taqdirda transportni ko‘rik uchun ochish va namunalar olishga ruxsat etiladi.

❗️Hurmatli tadbirkorlar, Pokiston davlatidan berilgan fitosanitariya sertifikatlari haqqoniyligini QR-kod orqali tekshirishingiz mumkin. Haqqoniy sertifikat Pokiston karantin xizmatining https://view.psw.gov.pk rasmiy saytida aks etishi lozim.  

🛡 Sitrus, rezavor va boshqa turdagi meva va sabzavot importida xorijiy mamlakatlarning ishonchli korxonalari bilan hamkorlik qilishingizni tavsiya qilamiz. Qonunbuzilish holatlari aniqlangan taqdirda qonunchilikda belgilagan normalar asosida choralar ko‘rilishini ma’lum qilamiz.

🚫 Shu o‘rinda Pokistondan mandarin eksporti uchun import karantin ruxsatnomasi (IKR) rasmiylashtirilishi vaqtinchalik to‘xtatilgani haqida ogohlantiramiz.

🔰 karantin.uz 📱Facebook 📱Instagram📺Youtube ✖️Twitter