Savdo-sanoat palatasi

💬💬💬

Хотин-қизлар куни ва Наврўз муносабати билан неча кун дам олинади?

⏺8 март (шанба) — Хотин-қизлар куни;
⏺9 март (якшанба) — дам олиш куни;
⏺10 март (душанба) — 5 кунлик иш ҳафтасида ишловчилар учун дам олиш куни, 6 кунлик иш ҳафтасида ишловчилар учун иш куни;

⏺21 март (жума) — Наврўз байрами;
⏺22 март (шанба) — 5 кунлик иш ҳафтасида ишловчилар учун дам олиш куни, 6 кунлик иш ҳафтасида ишловчилар учун иш куни;
⏺23 март (якшанба) — дам олиш куни.

Меҳнат кодексининг 208-моддасига асосан дам олиш куни ишланмайдиган байрам кунига тўғри келган тақдирда, дам олиш куни байрамдан кейинги иш кунига кўчирилади.

🕊Telegram 📱Instagram 📱Facebook 📺 Youtube

Самарқандда “Душанба – тадбиркорлар куни” ўтказилди

✔️ Савдо-саноат палатаси Самарқанд вилояти ҳудудий бошқармасида ўтказилган вилоят ҳокимининг “Душанба — тадбиркорлар куни” доирасидаги қабулига 34 нафар тадбиркорлик субъекти мурожаат билан ёзилган. Ҳафта давомида мазкур мурожаатлар кўриб чиқилиб, 28 нафари қабулга қадар ҳал этилди.

Қабулда асосий рўйхатдан 6 нафар тадбиркорлик субъектининг мурожаатлари вилоят ҳокими томонидан эшитилиб, белгиланган тартибда қонун доирасида ечим топиш бўйича вилоят мутасаддилари билан муҳокама қилинди. Шунингдек, асосий рўйхатдан ташқари қўшимча равишда яна 5 нафар тадбиркорнинг мурожаати кўриб чиқилди.

Бундан ташқари, ўтган ҳафтадаги қабулда берилган топшириқларнинг ижроси юзасидан 3 нафар тадбиркорлик субъекти билан муҳокама ўтказилди.

🕊Telegram 📱Instagram 📱Facebook 📺 Youtube

⚡️ Зафар Ҳошимов “Савдо ва сервис” уюшмаси раиси лавозимига тайинланди

Президент Шавкат Мирзиёев раислигида 7 февраль куни ҳудудларда хизмат кўрсатиш соҳаларини ривожлантириш масалалари бўйича видеоселектор йиғилиши ўтказилди. Йиғилишда тадбиркорлар томонидан “Савдо ва сервис” уюшмасини ташкил этиш таклифи билдирилди ва мазкур таклиф Президент томонидан маъқулланди.

Уюшма Ўзбекистон Савдо-саноат палатаси билан биргаликда фаолият юритиб, соҳадаги стратегик режаларни ишлаб чиқиш, қонунчиликни такомиллаштириш, тадбиркорларни қўллаб-қувватлаш, янги иш ўринларини яратиш ҳамда давлат ва хусусий сектор ўртасидаги ҳамкорликни мустаҳкамлашга хизмат қилади.

Ўзбекистон Савдо-саноат палатаси раиси тақдимномасига асосан “Савдо ва сервис” уюшмаси таъсисчилари умумий йиғилиши қарори билан тадбиркор Ҳошимов Зафар Комилович уюшма раиси лавозимига тайинланди.

🕊Telegram 📱Instagram 📱Facebook 📺 Youtube

2025 йил 7 февраль куни Ўзбекистон Республикаси Президенти раислигида ўтказилган видеоселектор йиғилишида ҳудудларда хизматлар соҳасини ривожлантириш бўйича 2025 йил учун белгиланган асосий вазифаларни бажариш мақсадида “Хизматлар соҳаси барқарор ривожланиши учун қулай шарт-шароитлар яратишга оид қўшимча чора-тадбирлар тўғрисида”ги ПҚ-78 сонли Президент қарори қабул қилинди.

📃 Қарорга кўра, 2025 йилда хизматлар соҳасини ривожлантиришнинг асосий мақсадли кўрсаткичлари этиб қуйидагилар белгиланди:

◾️хизматлар ҳажмини 15 фоизга ошириш;
◾️соҳада 3 миллион кишини даромадли меҳнат билан таъминлаш;
◾️52,2 мингта хизмат кўрсатиш объектларини ташкил этиш.

⚡️ Президентнинг 2022 йил 27 январдаги ПҚ–104-сон қарорида назарда тутилган хизматлар кўрсатувчи тадбиркорларга 1 фоизлик ижтимоий солиқ ставкасининг амал қилиш муддати 2028 йил 1 январгача узайтирилди.

⚡️ Бунда, имтиёз тадбиркорлик су6ъектларининг ҳар ойда иш ҳақи миқдори меҳнатга ҳақ тўлашнинг энг кам миқдорининг 2,5 бараваридан кам бўлмаган миқдорда ҳисобланган 30 ёшгача бўлган ходимларига нисбатан қўлланилади.

🗓 2025 йилда қуйидаги миқдорида кредит маблағлари йўналтирилади:

◾️хизматлар соҳасини ривожлантириш учун 67,4 триллион сўм;
◾️хизмат кўрсатиш объектларини ташкил этиш учун девелоперлар орқали тадбиркорлик субъектларига нотурар жойларни лизингга беришга 4,5 триллион сўм.

Ҳудудларда 2025 йилда қуйидаги 652 та драйвер лойиҳаларни инфратузилма билан таъминлаш учун 1 триллион сўм йўналтирилади:

◾️72 та соҳил бўйи дам олиш масканлари;
◾️62 та замонавий қиёфадаги истироҳат боғлари;
◾️154 та туну кун фаолият юритадиган туризм ва гастрономик йўналишларга ихтисослашган савдо ва кўнгилочар кўчалар;
◾️364 та йўл бўйи ва бошқа сервис объектлари.

2025 йил 1 июлдан бошлаб 7 та вазирлик, идораларнинг 11 та давлат хизматлари ва функциялари хусусий секторга ўтказилиши белгиланди.

🕊Telegram 📱Instagram 📱Facebook 📺 Youtube

#биласизми

🗓 Қонунчиликка кўра, 2025 йил 1 мартдан бошлаб, судда иш юритиш тарафлар келишув битими тузганлиги сабабли тугатилганда, тадбиркорлик субъектлари ва фуқароларга давлат божини қуйидаги миқдорларда қайтариб бериш тартиби жорий этилди:

◾️биринчи инстанция судида — тўланган давлат божининг 70 фоизи;

◾️апелляция ва кассация тартибида берилган шикоятлар бўйича судда — тўланган давлат божининг 30 фоизи.

🕊Telegram 📱Instagram 📱Facebook 📺 Youtube

Тошкентда My Bazar янги маркетплейсининг тақдимоти ўтказилди

Тошкентда My Bazar янги маркетплейсининг тақдимоти бўлиб ўтди. Ушбу платформа кийим-кечак, пойабзал ва аксессуарлар бозорига йўналтирилган бўлиб, маҳаллий ишлаб чиқарувчилар, дистрибюторлар ва тадбиркорларни бирлаштирувчи рақамли савдо майдончаси ҳисобланади.

✍️ Тадбир давомида Ўзбекистон Савдо-саноат палатаси ва My Bazar платформаси ўртасида ҳамкорлик меморандуми имзоланди.

👔Электрон тижорат бугунги кунда фақат тренд эмас, балки бизнеснинг барқарор ривожланиши учун зарур воситадир. MY BAZAR билан ҳамкорлик тадбиркорларга савдо каналларини кенгайтириш, рақобатбардошликни ошириш ва янги мижозларни жалб қилишда ёрдам беради”, – деди ўз нутқида Ўзбекистон Савдо-саноат палатаси вакили Мирислом Юлдошев.

👍Меморандум доирасида маҳаллий ишлаб чиқарувчилар ва чакана савдо субъектларини қўллаб-қувватлаш, онлайн-савдони ривожлантириш ва миллий брендларнинг бозордаги мавқеини мустаҳкамлаш бўйича қатор ташаббуслар амалга оширилади. Жумладан, тадбиркорлар учун ўқув дастурлари ва e-commerce воситаларини жорий этиш ишлари режалаштирилган.

🕊Telegram 📱Instagram 📱Facebook 📺 Youtube

🇺🇿🇴🇲 25-28 февраль кунлари Савдо-саноат палатаси раиси ўринбосари Нодира Шотурсунова бошчилигидаги Ўзбекистон тадбиркор аёллари делегациясининг Ўмонга бизнес миссияси ташкил этилди.

Ташриф доирасида Ўмон Савдо-саноат палатаси томонидан кечки базм ташкил этилиб, унда аёл тадбиркорларимиз томонидан Ўзбекистоннинг таниқли дизайнерлари яратган миллий либослар намойиш қилинди.

Жумладан, “ANOR” миллий либослар бренди дизайнери Дилноза Умирзоқова, шунингдек, Мадина Касимбаева, Раъно Хамраева, Ноила Усмонова, Юлдуз Муҳитдинова, Ҳилола Шер либослари меҳмонлар эътиборига ҳавола қилинди.

Ушбу дизайнерлар томонидан тикилган миллий либосларда аск эттирилган Ўзбекистоннинг бой ва хилма-хил маданий мероси томошабинларни ҳайратда қолдирди.

Шунингдек, меҳмонлар учун миллий мусиқа ижро этилди ва анъанавий “Келин салом” маросими намойиш қилинди.

Тадбир иштирокчилари ушбу намойиш ўзбек миллий либослари ва тўқимачилик маҳсулотларини тарғиб қилиш ҳамда Ўзбекистон мода саноатининг ранг-баранглигини кўрсатишга хизмат қилганини алоҳида таъкидладилар.

🕊Telegram 📱Instagram 📱Facebook 📺 Youtube