UzA | Tezkor xabarlar

⚡Mirzachoʻl tumani tibbiyot birlashmasida byudjet mablagʻlarini talon-toroj qilish holati aniqlandi

Huquqni muhofaza qiluvchi organlar tomonidan Jizzax viloyatining Mirzachoʻl tumani tibbiyot birlashmasida ish haqi va unga tenglashtirilgan toʻlovlarning toʻlanishi qonuniyligi yuzasidan tekshiruv oʻtkazildi.

Natijada, tibbiyot birlashmasining mansabdor shaxslari 2023-yilning yanvar oyidan 2024-yilning noyabr oyiga qadar ataylab 17 nafar ishchi-xodimga jami 935 mln 455 ming soʻm pul mablagʻini ish haqi sifatida asossiz ravishda toʻlab berishgan. Soʻngra ushbu pul mablagʻini ishchi-xodimlarning bank kartalaridan yechib olib, oʻzlarining shaxsiy ehtiyojlari uchun sarflab yuborishgan.

Holat yuzasidan tergov harakatlari olib borilmoqda.

Kanalga ulanish:
➖ @uzauz

⚡2024-yil yakuni bo‘yicha jami 120 nafar o‘zbekistonlik voyaga yetmagan bolalar Vatanga qaytarilib, ota-onalari yoki yaqin qarindoshlari qaramog‘iga topshirildi.

Ijtimoiy himoya milliy agentligi.

Kanalga ulanish:
➖ @uzauz

⚡Andijondan Suriyadagi terroristik tashkilotlarga pul jo'natib turgan shaxs 10 yildan ortiq muddatga qamaldi

Andijon shahridagi parhez taomlar oshxonasida oshpaz bo‘lib ishlovchi Z.M. o‘zining foydalanuvida bo‘lgan telefon apparati yordamida “Instagram”, “Telegram”, “WhatsApp” tarmoqlarida profillar ochib, ular orqali diniy-ekstremistik tashkilotlarning “hijrat” va “jihod” to‘g‘risidagi materiallarini tinglab, tomosha qilgan.

Shuningdek, u Suriya Arab Respublikasidagi “Tavhid va jihod katibasi” hamda “G‘uroba katibasi” terroristik tashkilotlari safida bo‘lgan andijonlik 3 nafar fuqaro bilan 2023-yilning may oyidan muloqotga kirishib, ularning ta’sirida Suriyaga ketishni maqsad qilgan. Lekin, oilaviy muammolar sababli rejasini amalga oshirolmagan.

Bundan tashqari, 2023-yilning avgust-dekabr oylari davomida ushbu fuqarolarning oila-a’zolari va tanishlari bergan jami 7150 AQSH dollari hamda 41 mln. 230 ming so‘m pul mablag‘ini mobil ilovalardan foydalangan holda, kriptovalyuta bilan shug‘ullanuvchi shaxslarning hisob raqamlariga o‘tkazish orqali ularga yetkazib bergan. Ya’ni, ular ushbu pul mablag‘larini kriptovalyuta bilan shug‘ullanuvchi shaxslardan o‘zlari uchun zarur bo‘lgan xorijiy valyuta ko‘rinishida qabul qilib olishgan.

Shu bilan birgalikda, Z.M. ulardan birining shar’iy nikohdagi turmush o‘rtog‘i bo‘lgan, Toshkent shahrida yashovchi ayolni 2023-yilning 19-dekabr kuni “Do‘stlik” chegara o‘tkazish punkti orqali Qirg‘iz Respublikasiga o‘tkazib, kelgusida Turkiya orqali Suriya davlatiga yetib borishi uchun O‘sh shahridagi aeroportga kuzatib qo‘ygan.

Huquqni muhofaza qiluvchi organlar tomonidan olib borilgan tezkor qidiruv tadbirlari davomida Z.M.ning noqonuniy harakatlariga chek qo‘yildi. U 10-yil 6 oy muddatga ozodlikdan mahrum qilindi.

Ta'kidlash lozimki, Suriyadagi 3 nafar andijonlikdan biri qurolli to‘qnashuvlarda ayanchli o‘lim topgan.

Kanalga ulanish:
➖ @uzauz

Bugun Prezident Shavkat Mirziyoyev “Tashkent Pharma Park” ilmiy-ishlab chiqarish farmatsevtika klasteriga tashrif buyurib, Farmatsevtika tarmogʻini rivojlantirish agentligi va klasterdagi korxonalar faoliyati bilan tanishadi, sohadagi ustuvor vazifalar yuzasidan yigʻilish oʻtkazadi.

Kanalga ulanish: 
➖@uzauz

⚡️Kuchli taʼsir qiluvchi dori vositalari
kontrabandasiga chek qoʻyildi

Giyohvandlik vositalarining noqonuniy aylanmasiga qarshi kurashish doirasida huquq-tartibot idoralari tomonidan joylarda tezkor tadbirlar oʻtkazildi.

Xususan, Toshkent shahrining Yashnobod tumanida yashovchi, 1995-y.t. V.V. xalqaro kuryerlik joʻnatmalari orqali Xitoy Xalq Respublikasidan yuborilgan 4 kg. 980 gr. “Pregabalin” kuchli taʼsir qiluvchi moddasini qabul qilib olgan vaqtida ashyoviy dalillar bilan ushlandi. Shuningdek, tezkor qidiruv tadbirlari natijasida, uning jinoiy sheriklari – mazkur kuryerlik joʻnatmasini buyurtma qilgan, 1993-y.t. Yu.K. hamda 1995-y.t. A.S.lar ham protsessual tartibda ushlandi. Taʼkidlash lozimki, ular ushbu kuchli taʼsir qiluvchi moddani “Telegram” messenjeri orqali sotishni rejalashtirishgan.

Boshqa holatda esa “Andijon-Toshkent” yoʻnalishida harakatlanayotgan, Toshkent viloyatining Angren shahrida yashovchi, 1989-y.t. A.K. boshqaruvidagi “Lasetti” rusumli avtomashina Andijon viloyatining Boʻston tumanidagi YPX maskanida toʻxtatilib koʻzdan kechirilganda, uning salonida 2786 dona “Regapen” kuchli taʼsir qiluvchi dori vositalari borligi aniqlanib, tegishli tartibda rasmiylashtirib olindi. Aniqlanishicha, fuqaro A.K. Qirgʻiz Respublikasidan kontrabanda yoʻli bilan olib kelingan ushbu dori vositalarini Toshkent viloyatida sotishni rejalashtirgan.

Toshkent viloyatida kuzatilgan holatda, “Andijon-Surxondaryo” yoʻnalishida harakatlanayotgan “Kobalt” rusumli avtomashina Ohangaron tumanidagi “Chinor” YPX maskanida toʻxtatilib, xolislar ishtirokida koʻzdan kechirildi. Natijada unda yoʻlovchi sifatida ketayotgan, Paxtaobod tumanida yashovchi, 1990-y.t. A.X. tomonidan avtotransport vositasi eshigining qoplamasi (obshivka) ichiga 792 dona “Tropikamid” va 10 dona “Zardeks” kuchli taʼsir qiluvchi dori vositalari yashirib qoʻyilganligi maʼlum boʻldi. Tergovga qadar tekshiruv davomida, u Qirgʻiz Respublikasidan olib kelingan ushbu dori vositalarini Surxondaryo viloyatida sotishni rejalashtirganligi aniqlandi.

Taʼkidlash lozimki, “Kobalt” avtomashinasi egasi, 1984-y.t. T.Yo.ning roziligi bilan fuqaro A.X. dori vositalarini avtotransport vositasining xufiya joyiga yashirib qoʻygan.

Hozirda mazkur shaxslarga nisbatan Jinoyat Kodeksining tegishli moddalari bilan jinoyat ishlari qoʻzgʻatilib, tergov harakatlari olib borilmoqda.

Kanalga ulanish:
➖ @uzauz

⚡Farg‘onadagi yong‘in yuzasidan Rasmiy axborot

Joriy yilning 17-dekabr soat 13:45 larda Farg‘ona shahar, Yangiyo‘l mahallasidagi “Petrolium” propan gaz quyish shoxobchasida 5 m. kub sig‘imli konteynerga gaz quyish jarayonida yoriq kelib chiqib, gaz moddasi tashqariga sizib chiqishi oqibatida, portlash va yong‘in sodir bo‘lgan.Natijada, 1 nafar fuqaro voqea joyida halok bo‘lgan, shu hududda bo‘lgan bir nechta fuqarolar turli darajada tan jarohati olib, shifoxonaga yotqizilgan. Ko‘rsatilgan tibbiy yordamga qaramasdan ulardan 3 nafari shifoxonada vafot etgan.

Mazkur holat yuzasidan Farg‘ona viloyat IIB tomonidan Jinoyat kodeksining 257-moddasi 2-qismi “a” bandi hamda 259-moddasi 2-qismi “a” bandi bilan jinoyat ishi qo‘zg‘atilgan.Hozirgi kunda jinoyat ishi doirasida 2 nafar shaxslarni ushlash choralari ko‘rilmoqda.

Holat yuzasidan tegishli ekspertizalar tayinlangan bo‘lib, tergov harakatlari olib borilmoqda.

Farg‘ona viloyati IIB Axborot xizmati

Parkentdagi “Lion Park”da sher qafasdan chiqib, qorovulga tashlangan, qorovul voqea joyida vafot etgan

Parkentdagi “Lion Park”da sher qafasdan park hovlisiga chiqib ketib, qorovulga tashlangan va yetkazilgan tan jarohatlari sababli qorovul voqea joyida vafot etgan.

Mazkur voqea yuzasidan prokuratura tomonidan mutaxassislar ishtirokida tekshirish harakatlari olib borilmoqda.

Kanalga ulanish:
➖ @uzauz

⚡Litsenziyasi bo‘lmay “Umra” safarini uyushtirayotganlar qo‘lga olindi

“Umra” tadbirlarini tashkil etish va o‘tkazish uchun litsenziya olish talablarini belgilash maqsadida Vazirlar Mahkamasining “Umra” tadbirlarini tashkil etish va o‘tkazish bilan bog‘liq chora-tadbirlarni yanada takomillashtirish to‘g‘risida”gi qarori qabul qilingan edi.

Qaror talablariga muvofiq, shu vaqtgacha mamlakatimizda jami 12 ta turistik firma “Umra” tadbirlarini amalga oshirish bo‘yicha litsenziyaga ega bo‘ldi.

Lekin, huquq-tartibot idoralari tomonidan joylarda o‘tkazilgan tezkor tadbirlar davomida mazkur o‘rnatilgan talablarni chetlab o‘tib, fuqarolarni “Umra” safariga yuborishga urinish holatlari aniqlandi.

Jumladan, Marg‘ilon shahrida yashovchi M.A. vakolati bo‘lmasa-da Farg‘ona shahrida istiqomat qiluvchi 5 nafar fuqaroni “Umra” ziyoratiga yuborishini aytib, xizmati evaziga 5700 AQSH dollari olgan vaqtida ashyoviy dalillar bilan ushlandi.

Boshqa holatda esa Uchko‘prik tumanida faoliyat yurituvchi turistik firma rahbari O.M. tegishli litsenziyaga ega bo‘lmasa-da, 2 nafar fuqaroni “Umra” ziyoratiga yuborish evaziga 2500 AQSH dollari olgan vaqtida ushlandi.

Qo‘qon shahrida kuzatilgan holatda, mahalliy turistik firma ish yurituvchisi A.J. 2 nafar fuqaroni aldab, ularni “Umra” ziyoratiga yuborish evaziga 2400 AQSH dollari olgan vaqtida ashyoviy dalillar bilan ushlandi.

Hozirda mazkur shaxslarga nisbatan jinoyat ishlari qo‘zg‘atilib, tergov harakatlari olib borilmoqda.

Kanalga ulanish:
➖ @uzauz