Xalq ta'limi xodimlari | RASMIY KANAL

​​Алишер Навоий таваллудининг 584 йиллигига

УМРБОҚИЙ ШЕЪРИЯТ

Шеъриятда инсон қадрин мадҳ этиб,
Инсоният севиб ардоқлаган зот.
Ислом қуёшидан ёғду таратиб,
Асарлари яшар мангу барҳаёт.

Туркий гулистонда янграган наво,
Куйини тинглагач лол қолган булбул.
Ҳирот боғларидан таралган сабо,
Соф ўзбек тилида ифор сочган гул.

Сўзлари келмоқда асрлар ошиб,
Беш юзи саксон йил, энг муборак ёш.
Яна неча йиллар меҳр улошиб,
Маърифат кўкида порлагай қуёш.

Навоийнинг буюк назми туфайли
Ўзбек тили унвон олди адабий.
Мангу яшар ўзбек адабиёти – 
Навоийси билан яшар абадий.

Бахтиёр ЙЎЛДОШЕВ,
Ўзбекистон Ёзувчилар уюшмаси аъзоси

👇👇👇👇
https://t.me/ustozlar_uchun

​​ЎҚИТУВЧИЛАР ПЕНСИЯГА УЛГУРИШАДИМИ?

Ижтимоий тармоқларда Жаҳон банки томонидан Ўзбекистонда пенсия ёшини 65 ёшга кўтаришни тавсия қилинаётгани, постсовет ҳудудлар хусусан: Латвия, Литва, Молдова каби давлатлар аллақачон пенсия ёшини кўтаргани, фақат Ўзбекистон қолиб кетгани тўғрисидаги хабарлар кўпаймоқда.
Санъаткорларимиз ҳам бу борада клип олишиб 60 ёшда нафақага чиқиб хафа бўлиб ўтирган “ёшгина” қариялар тўғрисидаги тарғиботни бошлаб юборишган.
Хўш, бизнинг давлатимизга бу тавсия тўғри келадими?
Негаки, айнан мана шу Жаҳон банки томонидан кўрсатилган -1991 йилдан 2024 йилгача аҳоли ўсиш прогнозида Латвия давлатида аҳоли 26,92 фоизга, Молдова эса одамлар деярли тенг ярмига, яъни: 44,19 фоизга камайиб кетгани кўрсатилган. Бошқа давлатлар аҳолиси ҳам ҳам деярли шу атрофда камайган.
Ўзбекистон аҳолиси эса 79.43 фоизга, яъни 16 миллион 600 минг одамга кўпайган.
Хўш, нима учун Молдовани мисол келтириб қилинган тавсияда Ўзбекистон аҳолиси ўша давлатлар аҳолисидан 16 баробар кўп эканлиги ҳисобга олинмаган?
Нима учун миллионлаб ўзбекистонлик ёшлар ишсизлик туфайли чет давлатларга иш қидириб мардикорликка кетганидан кўз юмилган???
Нимага 37 миллондан зиёд аҳолининг нон топиши, кун кўриши учун иш ўринлари зарурлиги, ечим сифатида эса пенсияга эртароқ чиқариб иш ўринларини ёшларга бўшатиш лозимлиги ўйлаб кўрилмаган?
Ахир пенсиянерлар давлатнинг чўнтагини ўмариб эмас, ўттиз, қирқ йил ишлаб тўлаган солиқлари ҳисобидан пенсия пули олишади-ку!
Шунингдек, нима учун бу тавсияда Ўзбекистоннинг экологик фалокати – Оролнинг оқибатлари, унинг одамлар соғлигига таъсири, хусусан Хоразм, Қорақалпоқ аҳолисининг соч соқоли эрта оқариб, тишлари тўкилиб эрта қариётгани ҳисобга олинмаган?
Қолаверса, энг қийин касиб эгалари ўқитувчи устозларимиз бу ёшга ета олармикан? Улар ўзлари учун қачон яшайдилар?...
Мирзабек ЖАПАҚОВ, ҳуқуқшунос журналист.

👇👇👇👇
https://t.me/ustozlar_uchun

​​😅 Синф раҳбари «бир кунлик журнал» да фанлар остидаги «PR» устунига ҳар кунлик давомат белгиларини қуйидаги тартибда қўйиб боради:

s — ҳеч қандай сабабсиз дарс қолдирганлигини кўрсатиш учун;
dq — сабабли дарс қолдирганлигини кўрсатиш учун;
k — касаллик сабабли дарс қолдирганлигини кўрсатиш учун;
kq — дарсга кечикиб керганлигини кўрсатиш учун;
m — сурункали дарс қолдираётганлигини кўрсатиш учун;
ch — республикадан ташқарига рухсатсиз чиқиб кетганлигини кўрсатиш учун;
q — таълим олишга ота-онаси қаршилик қилаётганлигини кўрсатиш учун;
ns — ота-она назоратсизлиги сабабли дарсга келмайдиганлигини кўрсатиш учун;
tq — турмушга чиққанлиги туфайли дарсга келмайдиганлигини кўрсатиш учун қўйиш белгиланади.

Фан ўқитувчилари томонидан ўқувчиларнинг дарсдаги давоматлари дарс бошланишида онлайн тарзда қуйидаги тартибда қайд этилади:

s — ҳеч қандай сабабсиз дарс қолдирганини кўрсатиш учун;
kq — дарсга кечикишни кўрсатиш учун.(бахолаш мумкин).

👇👇👇👇
https://t.me/ustozlar_uchun

​​СОАТБАЙ ҲАҚ ОЛАДИГАН ЎҚИТУВЧИГА УСТАМА ТЎЛАНМАЙДИ(МИ)

Ўзбекистон Республикаси Олий таълим, фан ва инновациялар вазирлиги ҳамда Мактабгача ва мактаб таълими вазирлигининг 2024-йил 29-майдаги 3515-сонли “Хорижий тиллар ва умумтаълим фанларини билиш даражасини белгиловчи миллий ва халқаро тан олинган сертификатлар рўйхатини тасдиқлаш тўғрисида”ги қарори келтирилган изоҳнинг 8-бандига асосан умумий ўрта, ўрта махсус ва профессионал таълим тизимида фаолият юритаётган ўқитувчиларга (шу жумладан, *соатбай*, ўриндош, стажёр ўқитувчи, директор ва директор ўринбосарлари) ўзи дарс берадиган фани бўйича сертификатга эга педагог ходимларга ҳар ойлик қўшимча устама тўлаш назарда тутилган.

📌 Яъни, соатбай, ўриндош, стажёр ўқитувчи, директор ва директор ўринбосарлари ўзи дарс берадиган фани бўйича сертификатга эга бўлсалар, уларга ҳам устама умумий тартибда тўланаверади.

👇👇👇👇
https://t.me/ustozlar_uchun