Ustozlar ovozi

❔ Мактабдаги синфларда ўқувчилар сони қанча бўлиши керак?

🔹 Муҳим 6 қоида

Ўқувчилар сони кам бўлганда мактабларда (филиалларда) бошланғич синф ўқувчилари айрим ҳолларда битта синфга бирлаштирилиши мумкин. 

🫥1. Ўқувчилар сони қанча бўлиши керак?

Мактабдаги синфлар ўқувчилар сонидан келиб чиқиб, қуйидаги меъёрлар асосида комплектланади:
шаҳар ҳудуди ва туман марказларида 25 ― 35 нафаргача;
қишлоқ ҳудудларида 20 ― 35 нафаргача (олис (тоғли, чўлли) ҳудудларда жойлашган умумтаълим муассасалари мустасно).
Ўқувчилар сони мазкур меъёрлардан кам бўлган ҳолларда синфлар мактабгача ва мактаб бўлими ҳамда иқтисодиёт ва молия бўлимлари билан келишилган ҳолда комплектланади.

🫥2. Синфларни қандай ҳолда бирлаштириш мумкин?

Ўқувчилар сони кам бўлганда мактабларда (филиалларда) бошланғич синф ўқувчилари қуйидаги ҳолларда битта синфга бирлаштирилиши мумкин:
ўқувчилар сони 8 нафаргача бўлган I ― IV синфлар;
ўқувчилар сони 12 нафаргача бўлган учта бошланғич синф;
ўқувчилар сони 24 нафаргача бўлган иккита бошланғич синф (I вa III, II вa IV синфлар).

🫥3. Ўқувчилар сони кам бўлганида қандай йўл тутилади?

Намунавий лойиҳалар бўйича қурилмаган, мослаштирилган биноларда жойлашган, ўқувчилар сони етарли бўлмаган мактабларда, олис (тоғли, чўлли) ҳудудларда жойлашган мактабларда, шунингдек, ўзбек тилида ўқитилмайдиган мактабларда ўқувчилар сони синфларни комплектлашнинг ўзига хос шарт-шароитларидан келиб чиқиб, мактабгача ва мактаб бўлими ҳамда иқтисодиёт ва молия бўлимлари билан келишилган ҳолда белгиланади.
Синфларни шакллантиришда жами ўқувчилар сони, шу жумладан ўғил ва қиз бола ўқувчилар, инклюзив таълим ва якка тартибда уйда таълим олувчи ўқувчилар сони юқоридаги меъёрларга мувофиқ бўлиши ҳамда санитария қоидалари, нормалари ва гигиена нормативларига риоя қилиниши талаб этилади.

🫥4. Меъёрдан ортиқ синф ташкил қилиш мумкинми?

Давлат бюджети маблағларидан оқилона фойдаланиш ва ортиқча харажатларга йўл қўймаслик мақсадида белгиланган меъёрлардан ортиқ синфлар комплектларини шакллантиришга йўл қўйилмайди.

🫥5. Синфлар тегишли органлар билан келишилган ҳолда шакллантирилади

Мактаблар ҳар йили 30 августгача таълим олаётган ҳамда I синфга қабул қилинаётган ўқувчиларнинг номма-ном рўйхатини шакллантиради ҳамда электрон дастур орқали маълумотларни тегишлилиги бўйича ҳудудий мактабгача ва мактаб бўлими ҳамда иқтисодиёт ва молия бўлимларига кўриб чиқиш учун юборади.
Синфлар комплектини шакллантириш тўғрисидаги маълумотларнинг тўғри ва ҳаққоний киритилиши учун мактаб директори масъул ҳисобланади.
Синфларни шакллантириш тўғрисидаги маълумотлар қуйидаги мезонлар асосида кўриб чиқилади:
бириктирилган ҳудуд (микроҳудуд) бўйича бир-бирига яқин бўлган мактаблардаги ўқувчилар сони ва синф комплектини ўзаро таққослаш;
бошқа мактаблардан келган ва кетган ўқувчиларнинг директори буйруғи асосида саноққа киритилганлиги ёки саноқдан чиқарилганлиги ўрганиш;
ҳар бир синф бўйича ўтган йилга нисбатан синф сонининг ўсиши ёки камайишини таҳлил қилиш;
қиз ва ўғил болалар сонидан келиб чиқиб, синф ўқувчиларининг гуруҳларга тўғри ажратилганлиги ўрганиш;
Давлат бюджети маблағларидан самарали фойдаланиш ҳамда сунъий равишда синфлар сонининг кўпайиши ҳолатларига йўл қўймаслигини ўрганиш.

🫥6. Ўқув йили ўртасида синфлар қайта кўриб чиқилиши мумкин?

Ҳар йили январь ойида зарурат туғилганда синфлар қайта кўриб чиқилиши мумкин.
Тегишли молия йили учун тузилган харажатлар сметасида кўзда тутилган синфлар сонидан ортиқ синфларни ташкил этиш, мактабгача ва мактаб бўлими ҳамда иқтисодиёт ва молия бўлимлари билан келишилган ҳолда амалга оширилади.

🔽@Oylik_hisobot
🔽@Oylik_hisobot

📖@Ustozlar_ovozi - каналига обуна бўлинг!

📄Мактаблардаги ўзбек тили (давлат тили) фани ўқитувчиларга устама тўланади

🔘Ўзбекистон Республикаси Президентининг “Ўзбекистон – 2030” стратегиясини “Атроф-муҳитни асраш ва “яшил иқтисодиёт” йилида амалга оширишга оид давлат дастури тўғрисида”ги Фармони қабул қилинди.

🟣Фармонга кўра, 2025 йил 1 февралдан бошлаб Мактабгача ва мактаб таълими вазирлиги тизимидаги умумий ўрта таълим муассасаларида ўзбек тили (давлат тили) фани бўйича дарс берувчи ҳамда Билим ва малакаларни баҳолаш агентлигининг миллий баҳолаш тизимида олинган тегишли даражадаги ўзбек тили ва адабиёти сертификатига эга бўлган педагог кадрларга уларнинг тариф ставкасига нисбатан 50 фоиз миқдорида ҳар ойлик қўшимча устама тўланади.

🔽@Oylik_hisobot
🔽@Oylik_hisobot

📖@Ustozlar_ovozi - каналига обуна бўлинг!

⚡️Ходим бир ҳафталик малака оширишга жўнатилса, унинг иш ҳақи сақланади

❓Савол:

Агар ходим бир ҳафталик малака оширишга жўнатилса, унинг иш ҳақи сақланадими?

✅Жавоб:

Вазирлар Маҳкамасининг 2022 йил 17 январдаги 25-сонли "Халқ таълими ходимларини узлуксиз касбий ривожлантириш тизимини ташкил этиш тартиби тўғрисида"ги қарор низомига кўра, ихтисослаштирилган таълим ташкилотларига ишдан ажралган ҳолда малака оширишга юборилган тингловчиларнинг ўқиши даврида асосий иш жойи бўйича лавозими ва ўртача иш ҳақи сақланиб қолади, уларнинг ўқув юкламалари эса бошқа педагог ходимлар ўртасида тақсимланади.

🔽@Oylik_hisobot
🔽@Oylik_hisobot

📖@Ustozlar_ovozi - каналига обуна бўлинг!

📱Мактабларда мобил телефонлардан фойдаланиш

👥 Мобил телефонлардан фойдаланиш масаласи таълим жараёнида жиддий муҳокама қилинадиган мавзулардан биридир.

📎Ўзбекистон ва бошқа мамлакатлар мактабларида бу борада аниқ тартиблар белгиланган. Юртимизда ўқувчиларнинг мактаб ҳудудида телефон ишлатиши Ўзбекистон Республикаси Вазирлар Маҳкамасининг 2012 йил 21 майдаги 139-сонли Қарори асосида тартибга солинади.

📎Бу низомга кўра, мактабга киришда ҳар бир ўқувчи ва ходим телефонини овозсиз режимга ўтказиши ёки ўчириб қўйиши шарт.

✖️Шунингдек, дарс машғулотлари давомида мобил телефонлардан фойдаланиш қатъиян тақиқланади.

🟣Мактабгача ва мактаб таълими вазирининг 2023 йил 31 августдаги буйруғи билан тасдиқланган «Умумий ўрта таълим муассасасининг такомиллаштирилган намунавий одоб-ахлоқ қоидалари» ҳам ўқувчиларнинг мактаб ҳудудида телефондан фойдаланишини чеклаб, ушбу тартибларни янада мустаҳкамлади.

🟣Хорижий тажриба қандай?

🟣Дунёнинг кўплаб давлатлари ҳам мактабларда мобил телефонлардан фойдаланишни чеклаш ёки тақиқлаш бўйича турли чораларни жорий этган. Масалан, Австралия, Франция, Чехия, Испания ва Бангладеш каби мамлакатларда ўқувчиларга дарс пайтида мобил қурилмаларни ишлатишга рухсат берилмайди.

🟣Бельгия ва Буюк Британияда эса мактабларда мобил телефонлардан фойдаланиш масаласи ҳар бир мактабнинг кузатув ва васийлик кенгашлари томонидан мустақил равишда ҳал қилинади. Мактаблар ўз ҳолатига қараб қарор қабул қилиши мумкин.

🟣Жанубий Корея мактабларида эса таълим жараёнига салбий таъсир кўрсатиши сабабли мобил алоқа воситаларидан фойдаланиш қатъиян тақиқланган. Бунга сабаб, ўқувчилар дарсларга диққатини тўлиқ жамлай олмаслиги ва уларнинг билим олиш жараёни издан чиқиши хавфи борлиги айтилади.

🟣Лондон Иқтисодиёт мактаби томонидан ўтказилган тадқиқотга кўра, мактабларда смартфонлар тақиқланганда ўқувчиларнинг тест натижалари 6 фоизга яхшиланган. Бу эса телефонлардан фойдаланиш чекловлари ўқув жараёнига ижобий таъсир кўрсатишини кўрсатмоқда.

🟣Мобил телефонлардан фойдаланиш таълим жараёнига қандай таъсир кўрсатишини яхшироқ тушуниш ва ўқувчиларнинг билим олиш самарадорлигини ошириш мақсадида бундай чекловлар кўплаб мамлакатларда қўлланмоқда.

🟣Юртимизда ҳам бу борадаги амалдаги қоидалар таълим сифатини ошириш ва болаларнинг диққатини дарсларга жалб қилишга қаратилган.

🔽@Oylik_hisobot
🔽@Oylik_hisobot

📖@Ustozlar_ovozi - каналига обуна бўлинг!

💠2025 йилнинг 1-ярмида бўлиб ўтадиган сертификат имтиҳонлари (ФОТО)

✅Умумтаълим фанларини билиш даражасини аниқлаш тест синовлари январь, февраль, март, апрель ва май ойларида ўтказилади.

👨🏻‍💻Тест синови учун талабгорлар my.gov.uz сайти орқали онлайн тарзда рўйхатга олинади.

📍Рўйхатдан ўтишда талабгорлар ўзларига қулай бўлган ҳудудни танлаган ҳолда мазкур ҳудудда тест синовларида иштирок этишлари мумкин.

📆Тест синовлари қайси фанлардан ўтказилиши, рўйхатга олиш муддатлари ва тест синови ўтказиладиган саналар юқоридаги расмда келтирилган.

🔽@Oylik_hisobot
🔽@Oylik_hisobot

📖@Ustozlar_ovozi - каналига обуна бўлинг!

🔔Ўқитувчилар бўлмаса нималарни йўқотамиз?

💊 Агар 10 йил шифокорларсиз қолсак, саломатлигимизни йўқотамиз;

🏫 Агар 10 йил муҳандис-инженерларсиз қолсак, тартиб интизомни йўқотамиз;

👨‍⚖️ Агар 10 йил адвокатларсиз қолсак, адолатни йўқотамиз;

❤️ Аммо 10 йил муаллимларсиз қолсак, шифокорларни ҳам, адвокатларни ҳам, муҳандисларни ҳам йўқотамиз.

🔽@Oylik_hisobot
🔽@Oylik_hisobot

📖@Ustozlar_ovozi - каналига обуна бўлинг!

🏢Вазирлик хорижий тил ўқитувчиларига қатъий эслатма берди

❗️Ҳурматли хорижий тиллардан дарс берувчи устозлар!

✅Вазирлар Маҳкамасининг 2021 йил 19 майдаги "Хорижий тилларни ўрганишни оммалаштиришни самарали ташкил этиш чора-тадбирлари тўғрисида"ги қарорига мувофиқ:

➡️ 2025/2026-ўқув йилига қадар умумий ўрта, ўрта махсус ва профессионал таълим муассасаларида фаолият юритаётган барча хорижий тиллар ўқитувчилари камида Б2 даражадаги миллий ёки унга тенглаштирилган мос даражадаги халқаро сертификатга эга бўлиши лозим.

❗️Шу муносабат билан, Мактабгача ва мактаб таълими вазирлиги мазкур талабдан келиб чиққан ҳолда, барча хорижий тил устозларининг 2025/2026-ўқув йилига қадар камида Б2 даражадаги миллий ёки халқаро сертификатларга эга бўлиши лозимлигини қатъий эслатиб ўтади.

🔽@Oylik_hisobot
🔽@Oylik_hisobot

📖@Ustozlar_ovozi - каналига обуна бўлинг!

#Расмий_муносабат
📄Мактабгача ва мактаб таълими вазирининг ойлиги 122 миллион сўмми?

🟣Ижтимоий тармоқларда Мактабгача ва мактаб таълими вазири ва унинг ўринбосарлари ойлик маошлари ҳақида асосланмаган маълумотлар тарқалмоқда. Бу эса жамоатчиликда нотўғри фикрлар шаклланиши, вазирлик жамоасига нисбатан асоссиз эътирозларни юзага келтирмоқда.

🟣Вазирлик раҳбариятининг ойлик маоши деб талқин этилаётган маълумотлар нотўғри эканлигини қайд этиб, ҳурматли журналист ва блогерлардан асосланмаган маълумотларни тарқатмасликни сўраймиз.

🟣Эслатиб ўтамиз, қонунчиликда нотўғри ахборот тарқатганлик учун тегишли жавобгарлик белгиланган.

🟣Мактабгача ва мактаб таълими вазирлиги журналист ва блогерлар билан конструктив мулоқот ва ҳамкорликка тайёр - дейилади расмий муносабатда

🔽@Oylik_hisobot
🔽@Oylik_hisobot

📖@Ustozlar_ovozi - каналига обуна бўлинг!

🏢Тошкентдаги мактабларда сил касаллиги тарқалгани айтилмоқда, аммо ММТВ бу ҳақидаги расмий ахборотларни яширмоқда

🟣Тошкент шаҳар Шайхонтоҳур туманида жойлашган 59-, 82- ва 115-мактаб ўқувчилари орасида сил касаллиги тарқалган бўлиши мумкин. Бу ҳақда QALAMPIR.UZ’га ўқувчиларнинг ота-оналари томонидан мурожаатлар келиб тушди.

🟣Айтилишича, Мактабгача ва мактаб таълими вазирлигининг бу ҳолатдан хабари бор ва аллақачон мактабда дезинфекция ишларини олиб борилган. Аммо вазирлик бу ҳақдаги расмий ахборотларни яширмоқда.

🟣QALAMPIR.UZ ихтиёрида Мактабгача ва мактаб вазирлиги матбуот котиби Дилфуза Собированинг ҳақиқатдан ҳам ота-оналар билан мазкур мавзу бўйича гаплашгани, мактабларни дезинфекция қилдиргани акс этган ёзишмалар бор.

🟣Бундан ташқари, ота-оналар Республика давлат санитария-эпидемиология назорати марказига ҳам ҳолат бўйича хабар беришган. Аммо улар ҳам бу ишни назоратга олишларини айтган-у ҳеч қандай амалий ишларни бажармаган.

🔽@Oylik_hisobot
🔽@Oylik_hisobot

📖@Ustozlar_ovozi - каналига обуна бўлинг!

🔔Она тили (рус тили, қорақалпоқ тили) ва адабиёт фанларидан миллий сертификат имтиҳони натижалари эълон қилинди

📝 2024 йил 21-22 декабрь кунлари ўтказилган она тили ва адабиёт, рус тили ва адабиёти, Қорақалпоқ тили ва адабиёти фанлари бўйича миллий сертификат имтиҳони натижалари эълон қилиш бошланди.

📱 Талабгорлар ўз натижаларини my.gov.uz сайтининг “Менинг аризаларим” бўлими орқали билишлари ва сертификатни электрон тарзда юклаб олишлари мумкин.

✅Тест натижалари халқаро методика – Раш модели асосида ҳисобланган бўлиб, талабгорларга тўплаган бали асосида қуйидагича сертификат тақдим этилади:

🟣 70 баллдан юқори балл — А+ даража;
🟣65 - 69,9 балл — А даража;
🟣60 - 64,9 балл — Б+ даража;
🟣55 - 59,9 балл — Б даража;
🟣50 - 54,9 балл — С+ даража;
🟣46 - 49,9 балл — С даража.

✅Сертификатга эга абитуриентларга ОТМларнинг бакалавриатига кириш тест синовларида қуйидаги тартибда балл берилади:

🟣А+, А даражали сертификат учун — тегишли мутахассислик фанидан максимал балл;
🟣Б+, Б, С+, С даражали сертификат учун — тегишли мутахассислик фанидан пропорционал балл;
🟣А+, А, Б+, Б, С+, С даражали сертификат учун — тегишли мажбурий фандан максимал балл.

Шунингдек, академик лицейларга кириш тест синовларида сертификатга эга ўқувчиларга тегишли фандан максимал балл берилади.

🔽@Oylik_hisobot
🔽@Oylik_hisobot

📖@Ustozlar_ovozi - каналига обуна бўлинг!

💠Педагог мақоми ва имтиёзлар: муҳим 6 қоида

1️⃣Педагог ким?

Таълим ташкилотида меҳнат шартномаси асосида таълим ва тарбия соҳасида касбий фаолиятни амалга оширувчи ҳамда тегишли маълумотга, касбий тайёргарликка ва маънавий-ахлоқий фазилатларга эга бўлган жисмоний шахс педагогдир.
Ўзбекистонда педагогнинг мақоми тан олинади. Педагогларнинг ўз касбий фаолиятини юритиши учун ташкилий-ҳуқуқий шарт-шароитлар яратилади, уларнинг ижтимоий ҳимояси таъминланади ва ҳуқуқлари амалга оширилиши учун кафолатлар берилади.
Педагогнинг ҳуқуқлари, шаъни, қадр-қиммати ва ишчанлик обрўси давлат ҳимояси остида бўлади.

2️⃣Кимлар педагог бўлиши мумкин эмас?

Қуйидаги шахсларнинг педагогик фаолият билан шуғулланишига йўл қўйилмайди:

🟣суд ҳукмига мувофиқ педагогик фаолият билан шуғулланиш ҳуқуқидан маҳрум этилганлар;

🟣суд томонидан муомалага лаёқатсиз ёки муомала лаёқати чекланган деб топилганлар;

🟣педагогик фаолиятни амалга оширишга тўсқинлик қиладиган касалликлари бўлганлар;

🟣психиатрия ёки наркология муассасаларида ҳисобда турганлар.

Қасддан содир этилган жиноят учун илгари судланган шахсларни педагогик фаолият билан боғлиқ лавозимларга қабул қилиш ман этилади.

3️⃣Педагогларга қисқартирилган иш ҳафтаси қўлланилади

1 октябрь “Ўқитувчи ва мураббийлар куни” этиб белгиланган ҳамда ушбу кун байрам (дам олиш) куни ҳисобланади.
Болаларга таълим-тарбия берадиган барча педагоглар доимий равишда иш берувчи ҳисобидан тиббий кўрикдан ўтказилади.
Педагоглар учун 56 кунлик йиллик ҳақ тўланадиган узайтирилган таътиллар берилади ҳамда иш вақтининг давомийлиги ҳафтасига кўпи билан 36 соат қилиб белгиланади.

4️⃣Мактаб педагогларига ҳар ойлик қўшимча устама берилади

Мактаб ўқитувчилари учун директор жамғармаси ҳисобидан 40 фоизгача қўшимча устама тўланади, бу ҳақида батафсил бу ерда танишиш мумкин.
Мактаб ходимлари 1 октябрь байрам муносабати билан МҲТЭКМнинг 50 фоизигача мукофотланиши мумкин.

5️⃣Педагогларга давлат мукофотлари берилади

Касбий фаолиятда юқори натижаларга эришганлиги учун педагоглар давлат мукофотларига, хусусан, “Ўзбекистон Республикаси халқ ўқитувчиси”, “Ўзбекистон Республикасида хизмат кўрсатган ёшлар мураббийси” ва “Ўзбекистон Республикасида хизмат кўрсатган халқ таълими ходими” фахрий унвонлари ҳамда бошқа давлат мукофотлари билан тақдирланиши мумкин.

6️⃣Педагоглар фаолиятига аралашиш жавобгарликка сабаб бўлади

Таълим ташкилоти педагог ходимининг касбий фаолиятига таълим олувчиларнинг билимини тўғри ва холис баҳолашига таъсир кўрсатиш билан ифодаланган тарзда қонунга хилоф равишда аралашиш ёки таълим ташкилоти педагог ходимининг хизмат вазифаларини бажаришига тўсқинлик қилиш фуқароларга БҲМнинг 7 бараваридан 10 бараваригача, мансабдор шахсларга эса 10 бараваридан 15 бараваригача миқдорда жарима солишга сабаб бўлади.

🔽@Oylik_hisobot
🔽@Oylik_hisobot

📖@Ustozlar_ovozi - каналига обуна бўлинг!