"O'zmetkombinat" AJ rasmiy kanali

#kombinat🤝

ENG YAXSHI RATSIONALIZATORLIK TAKLIFLAR

19-dekabr kuni “O‘zmetkombinat” AJ Ijroiya apparatining majlislar zalida korxona xodimlari o‘rtasida tanlov bo‘lib o‘tdi. Metallurgiya ilmiy markazi tomonidan tashkil etilgan tanlov “Texnikaviy ratsionalizatorlik takliflar” va “Tashkiliy ratsionalizatorlik takliflar” nomli ikki nominatsiyadan iborat bo‘ldi.
Tadbirda 20 dan ortiq nomzod ishtirok etib o‘z loyihalarini taqdim etdilar. Tanlov qiziqarli loyihalar va munozaralarga boy bo‘ldi. Unda korxona xodimlari o‘z fikr va g‘oyalari bilan o‘rtoqlashdilar.

Hakamlar hay’ati har bir ishtirokchining chiqishiga katta e’tibor qaratdi. Ishtirokchilar loyihaning g‘oyasini boshqalarga aniq va to‘liq tushuntirib, savollarga erkin va aniq javob berdilar. Tanlov yakunida hakamlar hay’ati tanlov g‘oliblari va sovrindorlarini aniqlashdi. “Texnikaviy ratsionalizatorlik takliflar” nominatsiyasida Zoldir prokatlash bo‘linmasi boshlig‘i o‘rinbosari T. Nosirov birinchi o‘rinni egalladi. Uning “Ø 50mm L=7.5m doira mahsulotini ishlab chiqarishni joriy qilish” loyihasi eng yaxshi deb topildi. “Tokarlik stanoklari uchun “Kulachok kopir”, “Chashkorez” va “Derjavka” moslamalarini tayyorlash” bo‘yicha loyihani taqdim etgan Ta’mirlash mexanika bo‘linmasi muhandisi R. Rahimov ikkinchi o‘rinni qo‘lga kiritdi. Uchinchi o‘rin Zoldir prokatlash bo‘linmasi usta-mexanigi K. Hakimovga berildi. U “Zanjir halqasi” qismini ekspluatatsiya qilish resursini tiklash bo‘yicha yangi usul” loyihasi bilan tanlovda ishtirok etgan edi. “Tashkiliy ratsionalizatorlik takliflar” nominatsiyasida Texnologik jarayonlarni avtomatlashtirilgan boshqaruv tizimlari laboratoriyasi muhandisi J. Nosirovning 1-sonli utilizatsiya qilish qozonxonasini avtomatlashtirish va boshqarish” loyihasi eng yaxshi deb topildi. Ikkinchi o‘rin Energetka bo‘linmasi yetakchi muhandisi F. Nosirovga berildi. U metodik pechning bug‘lanish sovitish tizimini takomillashtirish va Energetika bo‘linmasining №1 qozonxonasida kimyoviy tozalangan suv ishlab chiqarish tannarxini pasaytirish taklifi bilan ishtirok etgan edi. Bosh energetik xizmati muhandisi T. Kovalchukning “Stansiyaning tabiiy gazni hisobga olish moslamasida magistral gaz quvurining aylanma liniyasiga hisoblagich o‘rnatish” bo‘yicha loyihasi uchinchi o‘ringa loyiq deb baholandi.

Tanlovda barcha ishtirokchilarga sertifikatlar topshirildi. G‘oliblar va sovrindorlar esdalik sovg‘alari va diplomlar bilan taqdirlandilar.

🌐www.uzbeksteel.uz 📱Facebook 📱Instagram 📱Twitter ✉️Telegram 🌐You Tube

#kombinat🤝

2024-yil 17-dekabr kuni Komibinatning Ichki audit xizmati, Reja iqtisodiyot boshqarmasi, G‘aznachilik bo‘limi, Sotib olishlar bo‘yicha boshqarma, Ijtimoiy korporativ mas’uliyat, Korporativ xavfsizlik va resurslarni himoya qilish departamenti va Komplayens xizmati xodimlari ishtirokida kombinatning jinoyatdan olingan daromadlarni legallashtirishga va terrorizmni moliyalashtirishga qarshi kurashish siyosati talablarini o‘rganish hamda zarur chora tadbirlarni ishlab chiqishni tashkillashtirish maqsadida davra suhbati o‘tkazildi.

Jinoyatdan olingan daromadlarni legallashtirishga va terrorizmni moliyalashtirish holatlarini oldini olish maqsadida, ushbu bo‘linmalardan mas’ul xodimlar tayinlandi hamda kombinat ishbilarmonlik obro‘siga putur yetkazishi mumkin bo‘lgan har qanday xavflarni aniqlash va hamkorlikda bartaraf etishga kelishib olindi.
Hamkasblarimizga kombinatimiz ravnaqi yo‘lida olib borayotgan tizimli ishlarida muvaffaqiyatlar tilab qolamiz.

🌐www.uzbeksteel.uz 📱Facebook 📱Instagram 📱Twitter ✉️Telegram 🌐You Tube

#kombinat🤝
#kasaba_uyushmasi_qomitasi🏢🏭
#befarqemasman✅

"O'ZMETKOMBINAT" AJ HAR JUMA "AVTOMOBILSIZ BIR KUN" AKSIYASIGA CHORLAYDI

⏺"Avtomobilsiz bir kun" aksiyasi kuni kombinat hududida shaxsiy avtomashinalar o‘rniga atmosferaga kamroq zarar yetkazuvchi va salomatlik uchun foydaliroq — velosiped va piyoda yurish taklif qilinadi.

Bir kun davomida avtomobil o‘rniga velosipeddan foydalanish yoki piyoda harakatlanish orqali inson ham o‘z salomatligiga yordam beradi, ham ekologiya musaffoligiga hissa qo‘shadi. Bugun texnika va texnologiyalarning rivoji natijasida kam harakatlilik, semizlik va boshqa turli xastaliklar ko‘payib borayotgani hammamizga ma’lum. Ana shunday bir paytda insonlarni piyoda harakatlanishga chorlash, avtomobillardan chiqadigan zaharli gazlar miqdorini biroz bo‘lsa-da kamaytirish evaziga atrof-muhit tozaligiga hissa qo‘shish dolzarb ahamiyatga ega.

⏺Shunday ekan, agar siz salomatligingiz va atrof-muhitga yanada do‘stona munosabatda bo‘lishni istasangiz, "Avtomobilsiz bir kun" aksiyasida ishtirok eting.

🌐www.uzbeksteel.uz 📱Facebook 📱Instagram 📱Twitter ✉️Telegram 🌐You Tube

#kombinat🤝
#kasaba_uyushmasi_qomitasi🏢🏭

KOMBINAT TARKIBIY BO‘LINMALARIDA ISHLAB CHIQARISH GIMNASTIKASI O‘TKAZILMOQDA

🔹Shunday kasblar borki, ish faoliyatining asosiy vaqtini kompyuterda o'tirib ishlash bilan o'tkazadi. Ertami-kechmi, bu sizning sog‘lig‘ingizga va shunga mos ravishda ishlashingizga salbiy ta’sir ko‘rsatishi mumkin.
🔹Bunga yo‘l qo‘ymaslik uchun bir oz ish vaqtingizni ishlab chiqarish gimnastikasiga bag‘ishlashingiz mumkin.
🔹Bu tanangiz uchun ancha foydali bo‘ladi. Bir nechta oddiy, ammo juda samarali mashqlar charchoqni ketkazishga va yangi kuch bilan ishlashga yordam beradi.

Ma’lumotlarga ko‘ra harakat kam bo‘lgan muhitda ishlovchi xodimlarning aksariyatida ortiqcha vazn, bel sohasida muammolar, mushaklarda og‘riq, yurak qon tomir va hazm qilish jarayonlarda kamchiliklar kuzatiladi. Ish beruvchilar esa bu borada ishlab chiqarish gimnastikasiga e’tibor qaratish tavsiya etilgan.
Shu sababli kombinat rahbariyati va Kasaba uyushmasi qo‘mitasi tashabbusi bilan joylarda ishlab chiqarish gimnastikasi o‘tkazilmoqda.
ISHLAB CHIQARISH GIMNASTIKASI — kishini sog‘lomlashtirish va mehnat unumdorligini oshirish maqsadida ish kuni davomida bajariladigan jismoniy mashqlar majmui.
Mashqlar ish jarayonlari xususiyatlarini hisobga olgan holda tuziladi.
Amaliyotda ishlab chiqarish gimnastikasining 2 turi mavjud:
1 - odamni ish kuniga tayyorlovchi kirish gimnastikasi;
2 - ish vaqtidagi badan tarbiya daqiqalari — bunda o‘tirib ishlaydiganlarga yurish, o‘tirib turish, belni bukish; tik turib ishlaydiganlarga — oyoq mushaklariga dam beruvchi mashqlar tanlanadi.
Hozirgi aqliy mehnat rivojlangan davrda ishlab chiqarish gimnastikasining ahamiyati katta.

🌐www.uzbeksteel.uz 📱Facebook 📱Instagram 📱Twitter ✉️Telegram 🌐You Tube