Ulug‘bek Po‘latov

Mendan ham deputat chiqar ekan

Ikki yil avval kitobxonlik bo'yicha bergan va'dam va e'lon qilgan kichik loyiham yodingizdami?

Shundan keyin hech kim shu loyiha nima bo'ldi deb ham so'ramadi-ya, xuddi saylovchilar kabi.

@u_pulatoff

O‘zbekiston bu...

Ehtiyotsizlik qilib, plastik kartamni bankomatda qoldirib ketibman.

Taxminan 5 daqiqadan so‘ng, kartamni unutganim yodimga tushib ortimga qaytsam, kartani kimdir olib ketibdi.

Yaxshiyam pul to‘la hamyon emasdi. Ichidagi pulni yechib olish ehtimoli 00.1 foizga teng bo‘lsa ham, kimdir urinib ko‘rarman degan maqsadda olib ketgan ko‘rinadi.

Undan tashqari ba’zilarga o‘xshab "11 11", "00 00" kabi parol ham qo‘ymaganman.

Ba’zi odamlarning nazari hali ham ochmi deyman-da. Xorijdagi ayrim tanishlarim pul to‘la hamyonlarini oradan 1-2 kun o‘tsa ham tushirib qo‘ygan joyidan topib olib kelishganini aytib berishardi. Bizda qachon shunday bo‘lar ekan-a?

@u_pulatoff

SMS xabar

Bir kuni katta bir kompaniya direktorning qo'l telefoniga uning kotibasidan kech soat 11.00 da xabar kelibdi:

— Men homiladorman...

Bu SMS xabarni esa direktorning xotini o‘qibdi. Bir daqiqaning ichida hammasi ostin-ustun bo‘libdi.

Erining "xiyonati" haqida bilgan ayol esa hech narsani eshitishni ham xohlamay, 10 daqiqadayoq lash-lushlarini yig‘ishtiribdi-da, uyni tark etibdi.

Shundan so'ng kotibadan xabarning davomi, ya’ni ikkinchi SMS kelibdi.

— Endi dekret ta’tiliga chiqishimga ruxsat beriladimi?

Tugadi....

Shuning uchun kimgadir xabar yozishda ha, aynan xabar yozishda masalani to‘liq, bitta matnda lo‘nda qilib yozish kerak.

Aksiga olib, o‘zbek tilidagi juda ko‘p gaplarni turli xil ma’nolarda talqin qilish mumkin.

@u_pulatoff

Google kompaniyasi o‘z xodimlaridan 80 foiz vaqtlarini asosiy ishga, qolganini esa o‘zlari qiziqqan loyihalarga ajratishni talab qilar ekan.

Bu esa “Ad-Words” yoki “Gmail” singari hayratomuz loyihalar yaratilishiga olib kelgan ekan.

Jeyms Klir,
“Atom odatlar” kitobidan

@u_pulatoff

Ro‘molcha

Tan olaman, yashirmayman boshlang‘ich sinfda o‘qiyotgan kezlarimda maktabdagi ustozlar mendan juda ham bezor bo‘lishgan.

Doskaga biror bir masala yozib qo‘yilsa yoki qaysidir o‘quvchi savolga tutilsa, ularning o‘rniga ham men javob berib qo‘yaverardim.

Shunaqangi ko‘p gapirardimki, ustozim dod deb yuborishardi. Hamma narsaga burnimni suqib ko‘rardim. Qanday mavzu bo‘lmasin, menda albatta bir fikr chiqardi.

Shunday kunlarning birida o‘qituvchimiz kimda ro‘molcha bor deb savol berib qoldi, shu savoldan ham quruq qolmay deb mana menda bor dedim.

Shunda o‘qituvchimiz: Ulug‘bek, iltimos, ana shu ro‘molchani o‘g‘izingizga tiqib oling, zora ovozingiz o'chsa, desa bo‘ladimi :))

Aslida, tinmay gapiraverganimga ustozim meni to‘xtatish maqsadida ro‘molcha so‘ragan ekan. Shu voqea hecham esimdan chiqmaydi.

Hozir ham bu odatim yo‘qolmagan. Ba’zan gapirilishi kerak bo‘lmagan narsalarni ham aytaveraman.

Bu yomon odat bo‘lsa kerak. Oxiri kimdir qo‘limga ro‘molcha tutqazmasa bo‘lgani.

@u_pulatoff

Ahmoqonadek tuyuladigan ishlar

Baʼzan, sizga kelajakda qandaydir foyda keltirishi mumkin bo‘lgan loyiha haqida gapirib berishsa, bu tushunarsizdek tuyulishi, go‘yoki bu ishlardan hech qanday maʼno yo‘qdek ko‘rinadi.

Ammo nima bo‘lgan taqdirda ham sizda imkoniyat bormi, bu ishni albatta qilib ko‘rish kerak. Zero, siz bundan hech nima yutqazmaysiz.

Masalan, bundan 6-7 yil avval telegramda kanal ochib, boshqalarga yordam berish, boshqalar bilmagan maʼlumotlarini ulashish g‘oyasi kelgan, hayolimga. O‘sha vaqtlari blog yuritish borasida hech qanday tushunchaga ega emasdim.

Keyin bu g‘oyani o‘zimning yaqin tanishlarimga aytdim. Qandaydir yo‘nalishda kanal ochaylik, birga yuritaylik deb bir kursdoshimga ham taklif berganman. U esa buni ahmoqona, hech qachon foyda keltirmaydigan ish deb aytdi.

Oradan vaqt o‘tdi. Men esa taʼlim yo‘nalishida, shunchaki, tumanimizdagi direktor o‘rinbosarlariga yordam berib borish uchun kanal ochdim va uni yurita boshladim.

O‘sha vaqtlari maktabda ishlardim. Shu vaqt oralig‘ida o‘zimga fikrdosh ham topib oldim. Uning ismi Bahodirjon edi. U maktabda oddiy o‘qituvchi bo‘lib ishlar va men kabi kanal yuritishga qiziqishi baland edi.

Yig‘ilish yoki tadbirlarda uchrashib qolsak ham ijtimoiy tarmoqda faol bo‘lish haqida fikrlashaverardik. Biz ikkimizni atrofdagilar hech tushunmasdi.

Oradan bir qancha vaqt o‘tib, ayniqsa, pandemiya vaqti kutilmaganda taʼlimga oid kanalim Xalq taʼlimi Info loyihasiga aylanib ketti. Keyin esa reklama agentliklari aloqaga chiqa boshlashdi. Vaqt o‘tib, mana shu loyiha ortidan maktabdagi maoshimdan ko‘ra ham ko‘proq pul topa boshladim.

Shundan so‘ng, loyiham bilan taʼlim vazirligi va uning huzuridagi tashkilotlar tanisha boshladi. Bu orada Toshkentdan yaxshi ishlar taklif qilishdi. Keyinchalik vazirlik darajasidagi ayrim loyihalarda ekspert sifatida qatnasha boshladim.

Shu oddiy bir kanal orqali juda ko‘p yaxshi insonlar bilan tanishdim. Va hozirgi kunga qadar shu loyiham ortidan juda ko‘p joydan ish taklif qilib turishadi. Takliflar orasida 3 ta o’zim uchun eng yaxshisi deb bilganlarimga rozi ham bo‘lganman. Hozir esa barcha takliflar orasida o‘zimga eng maʼqul bo‘lgan joyda ishlayapman. (Profi University)

Ha aytgancha, yuqorida men tilga olgan, o‘sha vaqtda oddiy o‘qituvchi bo‘lgan fikrdoshim - Bahodirjon Orifjonov hozir juda ko‘pchilik taniydigan vodiylik Elmurod Haqnazarovning (Erik Haydar)ning administratori hamda Dizayn jamoasi aʼzosiga aylangan. U mendan ham mashhur bo’lib ketti, o’z yo’nalishida.

Xullas, mana shunaqa gaplar….

@u_pulatoff

Munosabatlarni tartibga solishga aslo urinmang

Insonlar o‘rtasida shunday munosabatlar bo‘ladiki, uni to‘g‘ridan-to‘g‘ri tartibga solib bo‘lmaydi.

Masalan, qaysidir yaqiningiz bilan bo‘ladigan munosabatlar shunchaki o‘z-o‘zidan shakllanishi kerak. Agar qaysidir tomondan buning tartibi aytib qo‘yilsa, o‘rtaga sovuqchilik oralay boshlaydi.

Aytaylik, bir do‘stingiz sizga shunday demoqda:

“Sen menga yaxshi munosabatda bo‘lmayapsan, yaqin do‘st mana bunday bo‘ladi, uning mana bunaqa xislatlari bo‘lishi kerak, endi kelasi safar menga mana bunday munosabatda bo‘lgin...”

Mana shu daqiqadan boshlab, do'stingiz sizga majburiyat yuklayotgan bo‘ladi va sizning ong ostingizda unga nisbatan sovuq munosabat shakllana boshlaydi.

Chunki, inson tabiati shunday. U doim o‘zi xohlab nimadir qilgisi keladi. Agar o‘zi xohlab bajarayotgan ishi majburiyatga aylantirib qo‘yilsa, bundan unga hech qanday ma’no qolmaydi.

Shu sababli, shunga o'xshash ayrim nozik masalalarni hech qachon do‘stingizga yoki yaqiningizga ochiqdan-ochiq ayta ko‘rmang.

P.S: Psixolog emasman, shunchaki tajribamdan kelib chiqib, shaxsiy qarashimni aytdim.

@u_pulatoff

Suhbat yaxshi bo’lyapti. O’zi shu yigitlar yaxshi ketishyapti, zo’r mavzularni olib chiqishyapti, hammaga tavsiya qilish kerak… demaysizlarmi? 😁

@u_pulatoff

O’qituvchilarga berilayotgan imtiyozli avtorkeditlar ularga biroz qimmatlik qiladiganga o’xshaydi.

Batafsil — https://xalqtaliminfo.uz/post/1042

@u_pulatoff